Boa noite familias!

Tivemos hoxe a segunda excursión de día completo, desta vez a Oxford.

Saímos de St Neots ás oito en bus e xuntámonos co grupo de Bedford rumbo á cidade universitaria.

A pesar de só ter un activity leader, tivemos a sorte de ter un pseudo guía particular que nos fixo un pequeno tour por algúns dos espazos da localidade.

Foto grupal de St Neots e Bedford

Paseando por Oxford

Fomos ver así a Bodleian Library, onde os rapaces puideron mercar algún recordo como imáns, libretas ou os típicos suadoiros da University of Oxford. Despois disto entramos na University Church of St Mary the Virgin onde vimos diferentes vidreiras.

Así, os rapaces tiveron tempo libre para explorar o resto do centro da cidade ao seu ritmo e comer nalgún dos parques cercanos á sombra.

Xa pola tarde, tivemos dous turnos de visita guiada ao Oxford Castle & Prision onde subimos ate a torre máis alta que nos permitiu ter unha vista panorámica de toda a cidade. Tamén vimos antiguas celdas e aparellos antiguos, así como cartaces nos que aparecían antiguos presos desa cárcere, a máis nova, unha nena de 7 anos por roubar £1.

Parte do grupo no miradoiro

Probando un dos aparellos de tortura do cárcere

Foto de grupo na torre do castelo

Despois disto volvemos ao punto de encontro co conductos e puxemos rumbo de volta a St Neots, despedíndinos primeiro do grupo de Bedford.

Sendo mañá domingo, xa sabedes que é día para pasar coas familias polo que volvemos coas pilas cargadas para seguir coa aventura o luns!

Javi e Ana.

Boa noite familias!

Tivemos hoxe un venres bastante relaxado no que as clases continuaron coa dinámica habitual e os rapaces tiveron un tempo para traballar en grupo nos seus proxectos finais.

Despois de comer fomos dando un paseo até Priority Park, un espazo verde moi amplo ao lado dun instituto da vila. Ademais dunha cancha de baloncesto, aquí había bancos e merendeiros, un parque para perros e outro para nenos, unha especie de carrusel manual e un cable polo que tirarse.

Entrando en Priory Park

Así, cada un tivo liberdade de explorar e probar os diferentes divertimentos dispoñibles.

Un grupo de rapaces xogando ao baloncesto

Probando a tirolina de Priory Park

Como segunda actividade da tarde, fomos camiñando ate a bolera Eat’N’Bowl na que os rapaces se distribuíron nas pistas dispoñibles para xogar unha partida aos bolos.

Preparándonos para xogar aos bolos

Un grupo de rapazas xogando aos bolos

Na boleira

Foto dos gañadores de cada partida na boleira

Rematamos o día de volta en Market Square, despedindonos até mañá cedo para irnos de excursión de día completo.

Javi e Ana.

Boa noite familias!

Hoxe pasamos o segundo xoves en St Neots, o que significa que había mercado en Market Square. Sin embargo, desta vez non baixamos á praza.

Como novidade, tivemos a visita de Gabriela na escona, que veu substituír á profesora Fran, xa que esta non podía vir pola maña.

Tivemos que comer moi rápido para coller o bus rumbo a Cambridge. A viaxe durou algo máis dunha hora xa que o bus tivo un pequeno problema mecánico que o coductor resolveu rapidamente.

No bus urbano camiño de Cambridge

Chegamos así a Parkside onde nos encontramos con Fran para que nos guiase pola cidade.

En Parkside

Fomos e primeiro lugar ao Fitzwilliam Museum onde os rapaces puideron ver diferentes tipos de expresións artísticas.

Foto grupo diante do Fitzwilliam Museum

Dentro do Fitzwilliam Museum

Grupo de rapaces no Fitzwilliam Museum

Despois disto fomos até Market Square (en Cambridge) porque este era o noso punto de encontro. Tivemos logo tempo libre para explorar a cidade que estaba chea de universitarios veatidos cos gorros e togas de graduación.

Volvimos de novo a Parkside para coller o bus de volta para casa rematando así a nosa primeira visita a Cambridge.

Javi e Ana.

Boa noite familias!

Hoxe tivemos clases na academia e, ademais das clases normais, os nosos rapaces comezaron a organizar os seus proxectos en grupo de fin curso. O primeiro paso para facelos foi dar unha volta pola vila fixándose nos comercios locais.

Dous grupos camiñando por St Neots

Despois de comer dirixímonos á estación de tren guiados por Raph para ir a Peterborough.

No tren rumbo a Peterborough

Pasamos unha tarde moi divertida na piscina municipal ndesta cidade na cal a agua tiña a temperatura perfecta para bañarnos. Ademáis, o complexo dispoñía dunha zona de merendeiros con mesas e un espazo con herba para tumbarnos e xogar ás cartas ou tomar o sol.

Peterborough Lido Outdoor Swimming Pool

Chegamos así á metade da nosa estadía en St. Neots, esperámovos mañá!

Javi e Ana.

Boa noite familia!

Comezamos coas nosas classes regurales na academia e á 13 marchamos nun bus rumbo ao aquapark.

Ao chegar ao río, os traballadores do recinto comunicáronnos que a nosa reserva non era nese lugar e é que na nesta area hai varios parques acuáticos moi preto uns doutros!

Tivemos que chamar ao conductor para nos viñese buscar de volta, menos mal que a calor deunos hoxe unha pequena tregua.

De novo no bus, esta vez si que chegamos ao lugar correcto que ademáis, era moito máis grande que o primeiro.

Entramos nos vestiarios e nos cambiamos rapidamente para poñer os chalecos salvavidas e saltar á auga.

Antes de entrar na auga

Pasámolo tan ben nos inchables que se nos fixo curto de máis o tempo de baño.

Unha vez rematada a actividade

Volvimos cambiarnos e subimos por terceira vez ao bus que nos deixou en Market Square onde nos despedimos até maña.

Javi e Ana.

Boa noite familia!

Despois do domingo libre para pasalo coas nosas host families, comezamos a nosa segunda semana en St Neots.

Pola mañá tivemos as nosas clases regurales con ventiladores e as fiestras abertas xa que estamos pasando unha onda de calor que durará toda esta semana.

Despois de comer, collimos o bus cara o espazo da actividade desta tarde xa que facía demasiada calor para camiñar baixo o sol co noso activity leader de hoxe, Dan.

Camiñando ate o parque

No bus de camiño á actividade

Chegamos ao espazo de xogo chamado Extreme 360, un espazo de ocio no que facer trampolining isto é, unha sala na que o chan estaba cuberto por colchonetas para saltar.

Na zona de dodgeball

Na zona de dodgeball

Na zona de dodgeball

Ademáis de saltar tamén xogemos ao brilé ou dodgeball, baloncesto, aeroball ou simplemente saltamos a unha piscina acolchada.

Na piscina de bloques de espuma

Xogando ao dodgeball

Facendo uns mates na canasta

“Pelexa” na barra de equilibrio

Foi unha tarde tan divertida como cansada polo que semella que os nosos rapaces van durmir hoxe moi ben.

Descansando un pouco nas colchonetas

Até aquí o noso luns.

Javi e Ana.

Boa note familias!

Comezamos o día de hoxe na estación de tren para poñer rumbo a Londres.

O grupo na estación de tren de St Neots

A nosa guía de hoxe foi Fran, unha das profesoras na academia. Como distintivo, levaba un paraugas de arcoiris pero, con tanta xente, as veces facíase dificil seguila.

Chegamos sen novidade a St. Pancras Station donde nos montamos no tube para chegar ao centro de Londres.

Parte do grupo no metro de Londres

Xa a pleno sol e con moi bo tempo na capital londinese, comezamos a nosa visita pola cidade na que nos cruzamos con varios grupos do programa.

Pasamos polos espazos máis coñecidos da cidade como London Eye, Big Ben ou Westminster Abbey até chegar ao Buckingham Palace.

Foto do grupo do London Eye de fondo

O grupo en fronte do Buckingham Palace

Comimos nos xardíns de St James PArk, ao lado do lago e despois, puxemos rumbo a Govent Garden, unha zona de ocio e compras onde is rapaces tiveron tempo libre antes de marchar

Volvimos coller o metro até a estación de tren onde nos tocou tocou agardar un pouco máis do previsto polo tren para volver a casa onde as host families nos viñeron buscar directamente á estación.

Grupo de rapaces no camiño de volta á estación de tren de King’s Cross

Remata así a nosa primeira excursion de día completo e a semana en St Neots.

Mañá os rapaces teñen o día libre para pasalo coas súas familias polo que nos reencontraremos xa o luns.

Esperamos que teñades moi bo finde en Vigo.

Javi e Ana.

Boa noite familias!

Comezamos o día ás 9 da mañá coas nosas clases na academia. A profesora Fran presentounos a cidade de Londres a través dunha serie de presentacións coas que puidemos familiarizarnos un pouco máis co destino da nosa primeria excursión de día completo.

Xa pola tarde, tivemos un día máis tranquilo no que quedamos na academia para a actividade da tarde que consistía en ver un filme. Por elección do grupo, vimos Bohemiam Rhapsody, a película biográfica sobre a historia da banda Queen e, particularmete, da vida de Freddie Mercury. Para acompañar á película comimos palomitas e chocolate ainda que este último quedou máis que nada derretido coa calor.

Preparándonos para ver o filme

Durante a proxeción de Bohemiam Rhapsody

Despois da película, fixemos tres roldas de preguntas sobre cultura británica nas que houbo un empate e un último duelo entre os representantes dos equipos coas puntuacións máis altas.

Completando o quiz por equipos

Pregunta de desempate

Equipo gañador cos premios

Completando o quiz por equipos

Finalizamos así a nosa primeira semana de clases con moitas ganas de ir mañá a visitar Londres.

Contarémovos mañá máis sobre a nosa viaxe á capital.

Javi e Ana.

Boa noite familias!

Pasamos xa a metade da primeira semana co día de mercado en Market Square. Durante todo o día estiveron na praza diferentes postos con froitas e verduras, libros e discos, plantas e até hamburguesas.

Durante a mañá seguimos o noso horario habitual de clase pero baixamos a explorar este mercado cunha check-list para completar. Un grupo de rapazas incluso deu unha pequena entrevista á BBC sobre a inminente dimisión do Prime Minister.

Grupo de rapazar completando a Check-List

Grupo de rapazar mirando os libros nun posto do mercado

Grupo de rapazas facendo a entrevista para a BBC

A hora da comida foi hoxe un pouco máis amplia co que nos deu tempo a descansar antes de poñernos en marcha cara o ximnasio.

Fomos andando guiados por Lucas, que nos levou ate One Leisure, un dos centros deportivos da vila. Unha vez aló, o primeiro que fixemos foi un pequeno xogo por equipos para calentar.

O grupo fai un xogo de quecemento

Seguidamente, dividímonos en dous grupos e, mentres algún xogaban ao fútbol na pista exterior, outros foron dentro a practicar bádminton.

Grupo de rapazas xogando ao bádminton

Grupo de rapazas xogando ao bádminton

Grupo de rapaces xogando ao bádminton co activity leader

Tivemos un día bastante activo e con moi bo tempo para exercitarnos.

Rematamos así o xoves con ganas de seguir explorando e divertirmonos por St Neots e os seus arredores.

Até mañá pola noite.

Javi e Ana.

Boa noite famílias!

Comezamos o segundo dia en St Neots na escola ás 9 da mañá. Algúns rapaces estiveron practicando diálogos e aprendendo frases para comunicarse coas súas Host Families mentres outros repasaban os tempos verbais e aprendían novo vocabulario.

Grupo de rapaces xogando a un xogo de mesa para unha das clases

Grupo de rapazas xogando a un xogo en clase

Para a comida, un grupo deles volveu ao parque mentres ca outros preferiron quedar na zona de Market Square xa que tiñamos para marchar rápido cara a estación de tren.

A nosa guia para o día foi Karina, quen nos levou até a estación onde collimos un tren en dirección a Peterborough, unha cidade a média hora de St Neots que conta con, aproximadamente, 200,000 habitantes.

O grupo ao completo esperando ao tren no andén da estación

Un grupo de rapazas no tren rumbo a Peterborough

Grupo de rapazas no tren rumbo a Peterborough

Unha vez aló os rapaces tiveron a misión de completar un Photo Quiz de 25 tarefas. Algunhas destas probas incluían atopar un coche verde, un insecto ou unha rúa que comezase coa letra C. O grupo máis rápido foi o ganador e tivo como premio uns bombóns e unhas libretas moi British.

Grupo ganador do Photo Quiz cos premios

Despois disto puideron desfrutar de tempo libre para explorar o resto da cidade e facer algunha compra si así o querían.

Con isto rematamos o noso primeiro día de excursión, collendo o tren de volta cara St Neots para ir cenar coas nosas familias.

Vémonos mañá!

Javi e Ana.