Boa noite familias!
Pasamos xa a metade da primeira semana co día de mercado en Market Square. Durante todo o día estiveron na praza diferentes postos con froitas e verduras, libros e discos, plantas e até hamburguesas.
Durante a mañá seguimos o noso horario habitual de clase pero baixamos a explorar este mercado cunha check-list para completar. Un grupo de rapazas incluso deu unha pequena entrevista á BBC sobre a inminente dimisión do Prime Minister.
A hora da comida foi hoxe un pouco máis amplia co que nos deu tempo a descansar antes de poñernos en marcha cara o ximnasio.
Fomos andando guiados por Lucas, que nos levou ate One Leisure, un dos centros deportivos da vila. Unha vez aló, o primeiro que fixemos foi un pequeno xogo por equipos para calentar.
Seguidamente, dividímonos en dous grupos e, mentres algún xogaban ao fútbol na pista exterior, outros foron dentro a practicar bádminton.
Tivemos un día bastante activo e con moi bo tempo para exercitarnos.
Rematamos así o xoves con ganas de seguir explorando e divertirmonos por St Neots e os seus arredores.
Até mañá pola noite.
Javi e Ana.