Bo día a todas/os!

Un día máis aquí estamos co repaso destas xornadas do venres ó domingo.

Día 8 (venres):

Logo das clases📚, aproveitaron para ir ó centro de Letchworth a dar unha volta e tomar o aire fresco. Á súa volta, tiveron baking 🥯 como actividade extraescolar, xunto con outras estudantes da Boarding house🏡. A receita escollida para este taller foi Banana bread muffins 🍌🍞🧁 (magdalenas de pan de plátano) e podían elixir entre engadir chocolate, canela, sprinkles e máis cousas. A rapazada tomouno coma unha competición e moi en serio🏅. O espírito de competividade apoderouse do noso estudantado!

Mentres as magdalenas estaban no forno, aproveitaron para comezar unha tremenda sesión de karaoke🎤 , dende cancións de Queen ata Taylor Swift. Clara-mente🎶, dírono todo. O salón convertiuse no plató de The voice🎙️✌🏻. Isto tamén fixo que remataran de queimar a estamina que lles quedaba.

Día 9 (sábado):

Comezamos o día co brunch ás 9:30 na dinning room, hai que coller forzas para irnos de excursión! Ademais, tiñan o lunch pack preparado en bolsas individuais para levar.

Hoxe toca…

LONDON!

London (South Bank)

Chegamos á estación London Blackfriairs🚇, onde está o Tate Modern, Waterloo Bridge🌉, Milenium Bridge, Chinatown (ó lado)🎐, London Eye e moito máis que hai que facer nesta zona. Tiveron tempo libre asíque tamén aproveitaron para mercar un montón de souvenirs en tendas propiamente desta tématica, na tenda Lego, na de M&Ms…

Aquí están os selfies📸 que lles pedín para a registration ás dúas da tarde no tempo libre:

Como broche final a este día, Ms Boutros mercou un pastel sen gluten para que Paula soplara as velas do seu cumple!

Día 10 (domingo):

Comezaron a mañá cun brunch e logo ó mediodía tiveron piscina🏊🏿‍♀️🏊🏻‍♀️(interior no internado). Despois, pola tarde foron en busca de aire fresco 🍃 á vila. Algún grupo aproveitou que había unha feira 🎪 de atraccións en Broadway Gardens ⛲ e foron un par de voltas nelas.

Seguireivos informando proximamente.

Unha aperta,

a moni Paula.

Boas tardes a todos/as, de novo! 🌞

Comezamos co repaso do martes ó xoves! Por certo, as temperaturas comezaron a baixar e son máis agradables.

Día 5 (martes):

Ás 7:15 soa a campá como espertador. Penso que non introducira aínda este elemento esencial da rutina aquí e que é o peor inimigo da nosa rapazada. Tódalas mañás unha membro do staff fai soar unha campá para que a rapazada comece o día. Aquí vos deixo unha foto:

Empezamos o día cun almorzo para repoñer forzas na dinning room (lugar onde fan o almorzo, xantar e cea). Logo do almorzo, rematan de alistarse e van a Registration 📚 para despois comezar coas clases.

As clases rematan ás 16:00 e teñen 45 minutos de Prep (hoxe é na Games room) para facer os deberes ou o journal.

As profes fixéronlles smoothies con fruta, xeado e zume. E mentres disfrutaban dos smoothies 🥤 viron unha película en versión orixinal (inglés) con subtítulos en ingles: The Kissing Booth💋.

Algunhas rapazas están entanchadas ós puzzles 🧩.

Ver filmes 📽️ en versión orixinal é un xeito moi común de practicar idiomas mentres estás entretida.

Día 6 (mércores):

Logo do día de clases (drama, maths, photography, chemistry…), tiveron Prep e algunhas que non tiñan deberes aproveitaron para baixar á vila a mercar algunhas cousas. Hoxe tiverona na biblioteca 🗃️, un novo espazo do cole desbloqueado🔓.

Esta é a Games room coa luz do día. ⬇️

A rapazada agasalloume con flores e galletas, son verdadeiramente adorables! 🥰

Normalmente, teñen unha asamblea toda a Boarding house🏡 os xoves, pero debido a un evento, esta semana foi celebrada o mércores á tardiña.

Día 7 (xoves):

O día de hoxe durante Prep📝, a rapazada que non saíu a mercar o mércores foi hoxe á vila, Letchworth. Logo pola tarde, baixaron ás pistas e parque do centro a xogar, falar e relaxarse ó aire libre. Tamén estaban nas pistas as xemelgas, Shelley e Joy, coas que estiveron xogando ó bádminton e ó tenis. 🏸🎾

Seguireivos informando, deica logo!

Unha aperta,

A moni Paula.

Bo día a todas/os! 🌞

Imos co repaso do domingo e o luns.

Día 3:

Ó ser fin de semana comezaron o día cun brunch 🥞🍳 (si, esa comida na que sen pode mesturar doce e salgado ó antollo): ovos, tostadas, tortitas con chocolate, froita, bacon, cogomelos e máis posibilidades. Logo, puideron descansar e empregar as salas comúns onde teñen xogos de mesa, televisión con plataformas de streaming, puzzles 🧩 e máis entretenementos.

Ó mediodía tiveron 🏊🏿‍♀️piscina 🏊🏼‍♀️como actividade deportiva e así combatir o calor sofocante destes días. Logo, puideron baixar un anaquiño á vila⛲.

Día 4:

É luns e comezamos a primeira semana de clases, asíque ás 7:45 temos o almorzo para contar con enerxía dabondo durante as clases do día. Despois, dirixímonos á chapela para escoitar o sermón de benvida e ter a asignación de buddies (son estudantes do centro que axudarán ás nosas rapazas cos horarios e aulas de xeito cotiá). Logo dun breve tour polo centro, xa asistiron ás diferentes materias.

Ó remate e despois de refrescarse, tiveron unha hora de Prep 📝 (para facer os deberes do día) baixo a supervisión de Mrs Hercog Chan. Ó remate, a cea xa estaba lista e tocou estilo oriental 🍜. Ás sete baixaron ás pistas e alí estiveron bailando e ensinando a Rianxeira e flamenco💃🏼 a algunhas das estudantes que residen na Boarding house durante todo o curso académico. Á volta ós dormitorios aproveitamos para xogar unha partida de cartas e repartir bolsas para a colada antes do toque de queda.

E isto é todo polo de agora, seguireivos informando en breves!

Unha aperta,

a moni Paula.