Bo día a todos/as,

Preséntome, son a monitora Paula. Serei a encargada de irvos contando as aventuras das rapazas que estarán estas tres semanas no internado St. Francis’ College en Letchworth Garden city.

Día 1 (venres):

O venres comezamos a nosa aventura no aeroporto de Vigo ás 4 e media da mañá, con escala en Madrid, para chegar finalmente ó aeroporto de London Heathrow ás 16:30.

Logo, collimos o bus a Letchworth 🏴󠁧󠁢󠁥󠁮󠁧󠁿, a nosa destinación final, onde tivemos a cea de benvida no St. Francis’ College, en conxunto coa rapazada que está en St. Felix e logo do reparto de cuartos, xa foron prepararse para a cama tras unha longa xornada de viaxe.

Día 2 (sábado):

Comezaron o día cun brunch 🍳🥞 ás 10:30 para coller forzas para explorar a cidade de Letchworth, tiveron tempo libre para mercar snacks, explorar as pintorescas rúas decoradas con banderíns, etc. Antes de marchar ó centro, houbo un simulacro de incendio🔥 e pasárono con nota.

Ás 15:00, voltamos á Boarding House (onde residen as nenas) para que puidesen descansar nos cuartos ou na Games room 🎲🕹️(é unha sala común onde teñen televisión, piano, cociña, xogos de mesa…), xa que hai unha ola de calor, e así aproveitar a tardiña.

Ás 17:45 tiveron a cea no comedor e logo ás 19:00 cando xa as temperaturas baixaron un pouco, baixaron ás pistas a xogar ó tenis, ó badminton (ó non facer  vento, era idóneo), a dar unha volta polo campo ou, incluso, practicar bailes de tiktok.

Logo, tiveron tempo para relaxarse na Games room dende as 20:30 ata as 22:00 que era o toque de queda.

Deica logo, seguireivos informando!

Unha aperta,

a moni Paula.

Paula Rodriguez Rey