Eltham

Boas noites Vigo…e boas noites familias!

Aquí estamos un día máis comenzando xa a conta atrás para a volta á casa.

Por aquí as cousas seguen coma sempre. Hoxe a actividade da tarde consistiu en visita-la beira do Támesis para acudir ó mercadillo navideño de Southbank. De paso poidemos ver de preto o London Eye. E aínda que non subimos, as vistas pagaron a pena, porque ademais de que a noria estaba iluminada con bombillas azul xeo, o ambiente era moi tranquilo e a cidade víase moi bonita  co Big Ben e o Parlamento Británico, iluminados tamén ó outro lado do río.

O mercadillo de Southbank é un dos moitos mercados que copan Londres en Nadal, e que ofrecen productos variados de artesanía, comida ( churros con chocolate, pan de xenxibre, sidra quente, queixo francés, etc.) e decoración navideña. Tivemos tempo de dar unha volta por alí, ver os diferentes postos, disfrutar das vistas, tomar un café quentiño e volver xustiñas a  Eltham para a hora da recollida….porque mañán volvemos a Londres a visitar Harrods.

Deica mañá a todos,

As monitoras.

ELTHAM

Boas noites familias,

Continuando coa rutina inglesa, pola mañá cedo acudimos a escola. Hoxe as temperaturas foron especialmente baixas, polo que unha capa de xeo nos esperaba no noso camiño. Durante as clases, a última hora, estase adicando a facer diferentes actividades para coñecernos máis entre nós, por exemplo a través de iniciar un pequeno debate sobre como se celebra o Nadal en España e como se celebra en Inglaterra. A directora comentounos que consideran esta actividad importante para que as rapazas se den de conta de que non en todos os países se celebran igual estas datas. De feito, moitas das nenas inglesas mostraronse sorprendidas por a existencia do roscón de Reis, día que non se celebra aquí.

Pola tarde fomos a bolera, nos dividimos en grupos, collemos os zapatos e comezamos a xogar!! Aunque o principio algunhas mostraronse reticentes ao xogo, ó final todas pasamos unha boa tarde. A música do local propiciou un ambiente de bo rollo e alegría que se contaxiou rápidamente, e, o final, acabamos bailando Baby One More Time de Britney Spears.

Mañá seguiremos cos deportes, tocanos xogar o futbol. Xa os contaremos o que sae de ahí.

Un saúdo, as monitoras.

ELTHAM

Boas noites familias,

Como ven sendo dende hai unha semana, as rapazas están disfrutando moito das clases de integración no Eltham Hill School. Algunhas das asignaturas que se imparten esta semana inclúen temas como aprender a confecionar a tua propia roupa ou diseñala. No referente a comida, seguen disfrutando de platos e postres variados. Hoxe por exemplo, poideron elexir entre empanadilla picante ou pasta con queixo.

Pola tarde, a petición dalgunhas das rapazas acudimos a ver o Andén 9 e 3/4, ubicado na estación de King’s Cross, que para os que non o coñezan, é famoso por ser o lugar utilizado por Harry Potter para coller o tren a Hogwarts. Ali as que quixeron poideron sacarse fotos co carriño da película. Aínda que algunhas rapazas non son especialmente seguidoras da saga, tamén poideron aproveitar a visita para comprar literatura inglesa.

De volta a Eltham, volveu a pillarnos a hora punta, pero por sorte as rapazas estiveron atentas e rápidas. Están aprendendo a manexarse na gran cidade.

Mañá esperamos contarvos quén foi a gañadora da partida de bolos que temos programada en Lewisham. Unha actividade de interior, que nos ven  moi ben co frío que fai estes días.

ELTHAM

Boas noites familias,

Onte madrugamos para coller o bus que nos estaba esperando para ir a Oxford. Despois de duas horas e media de viaxe que moitas nenas aproveitaron para durmir, chegamos ao noso destino. A cidade de Oxford é moi coñecida pola sua universidade, a máis antiga do mundo anglófono.

Nada mais chegar, paramos para recargar pilas. As rapazas pediron un café para levar. Despois de dez días parece que estamos asimilando completamente o estilo de vida británico.

A nosa primeira parada foi o Christ Church College, emplazamento composto por catedral, facultade e residencia universitaria. Tamén é moi coñecido por ser o lugar elixido para grabar peliculas como Alicía en El País de Las Maravillas, La Brújula Dorada ou Harry Potter. Alí vivimos algunhas situaciones divertidas, como que unhas turistas orientais quixeron sacarse fotos connosco coma se fósemos parte da atracción turística.

Unha vez no centro da cidade tivemos tempo libre para explorar. Algunhas rapazas encontraron o emplazamento doutras facultades, e aprobeitaron para sacarse fotos cos escudos de cada casa.

Aínda que o camiño a casa se nos fixo largo, o domingo tivemos tempo para descansar cas familias ou quedar no centro de Eltham.

Esperando a que comece unha nova semana, despedimonos.

As monitoras

ELTHAM

Boas e frías noites,

Parece mentira pero hoxe xa é venres, pouco a pouco os días están empezando a pasar máis rápido. E iso axuda a consolidar as nosas rutinas.

Coma sempre, as rapazas pasaron a mañá na escola, onde algunhas delas tiveron clases de danza, outras exames e arte. Ademais ante a posibilidade de cambio de horario, un sector das rapazas manifestou a sua conformidade coas asignaturas que teñen agora. Por aquelo de non estar todo o día na escola, pola tarde tamén dedicamos tempo o ocio, visitando Hyde Park. Este parque é coñecido por ser o pulmón verde da cidade de Londres, e nesta época do ano está especialmente ambientado con adornos navideños. O Winter Wonderland, que así é como se coñece esta ambientación, tamén inclue atraccións, postos de comida navideña e de regalos de nadal. As rapazas disfrutaron moito das atraccións (caida libre, montaña rusa, noria, carrusel, casa do terror, etc) e tamén dos postos de comida como gofres, comida rápida, mazas de caramelo, e incluso castañas e churros. O que mais lles chamou a atención foi a neve artificial, cuns simples oolvos máxicos e auga puideron ter neve nas súas mans.

Despois de toda a tarde disfrutando no parque, voltamos a casa para resgardarnos do frío, xa que as temperaturas baixan cada día máis, e tamén para descansar para mañá, que nos espera Oxford.

Un saúdo, as monitoras

ELTHAM

Bos dias Vigo,

Hoxe coma xa ven sendo costume, as rapazas asistiron a clase pola mañá. O certo é que a valoración xeral da experiencia está sendo positiva tanto no que respecta ás súas compañeiras inglesas, coma ás materias impartidas. Algunhas das nosas estudiantes pensan que é moi boa idea que as instalacions da escola poidan usarse mais tarde das tres (a biblioteca pode usarse para estudiar cando rematan as clases); outras están sorprendidas pola forma na que se imparten as clases, e outras porque fixeron amigas moi rápidamente e non esperaban tal cousa.

En canto ás actividades de tarde, onte quedamos por aquí cerca. Despois de sair das clases, diriximonos a Greenwich a contemplar as vistas que hai dende o Royal Observatory, onde se ubica o primeiro meridiano, que no seu día foi o punto de referencia para establecer as diferencias horarias entre países. O día estaba nublado e facía moito frío pero aínda así aproveitamos para facer fotos co skyline de Greenwich.

Despois aproveitamos para baixar a ver o Cutty Sark, coñecido por ser un barco mercante que pertencía á mariña británica e que importaba té dende a China. No seu tempo batiu o récord de travesías a través dos océanos de todo o planeta. Actualmente atópase  totalmente restaurado no paseo King Williams.

E despois de moito frío e dun día nublado, dirixímonos ás nosas casas a permanecer quentiñas. Hai que coidarse para o Winter Wonderland de Hyde Park e para afin de semana.

Ata mañá, lectores

ELTHAM

Bos días familias,

Nos por aquí ben, imos pouco a pouco adpatándonos a rutina da escola e coñecendo máis compañeiras. E é que estas inglesas sonche moi modernas, mentres que unhas acceden ó buffet coa pegada dixital, outras temos uns códigos pins personalizados. Hoxe na comida disfrutamos dun bo plato de xamón asado con patacas, e de postre deliciosa tarta de chocolate, case mesmo coma na casa. Aínda asi algunhas rapazas empezan a botar de menos a cociña dos seus pais, sobre todo as recetas típicas da estación, como os produtos da horta, as tortillas ou as filloas.

E mentras que unhas botan de menos a comida outras comezan a darse de conta das diferencias entre os sistemas educativos español e inglés. Como por exemplo as diferenzas curriculares e estructurais porque, tal e como dixo unha compañeira `A elas ensinanlles a pensar` Outra diferenza é que se centran por igual nas asignaturas teóricas como nas artísticas, ó que puidemos comprobar asistindo a teatro, drama, arte y pintura.

Pola tarde fomos hacia o sur, esta vez para visitar a cidade próxima de Bromley. Onde pasamos unha tarde relaxada coñecendo un pouco os arredores. Algunhas aprobeitamos para facer algunhas compras máis.

Despois de todo isto, voltamos as nosas casas para descansar e resgardarnos do frío, que as temperaturas aquí seguen baixando.

Un saúdo, as monitoras.

Ver la galería de fotos de Eltham

ELTHAM

Bos días familias,

Xa temos os horarios para comezar as clases. Hoxe a mañá despois de coñecer a directora da escola, os nosas compañeiras inglesas axudaronnos a atopar as nosas aulas e a introducirnos nas asignaturas. Algunhas tiveron matemáticas e física, mentres outras axudaban nas clases de español aos estudantes nativos. As máis atrevidas incluso asistiron a clase de alemán.

A hora da comida porfin estrearon o comedor, onde poderán provar comida de diferentes lugares e coñecer un pouco máis as súas compañeiras.

O acabar as clases volvimos coller o tren a Londres, esta vez para visitar o Museo Británico, moi coñecido polas súas momias. Aunque algunhas rapazas preferirion ver as exposicións xaponesa e africana.

A volta casa collimos o metro nunha das estacións máis antigas de Londres, Tottengham Court, comprobando o que é facerse un oco no transporte público de Londres durante a hora punta. Afortunadamente iso non é un obstáculo para que volvamos a visitar a cidade.

Non debemos esquecer que hoxe foi un día especial para Lucía, que cumpliu quince anos. E a que lle demos unha imporvisada sorpresa de cumpleanos.

Ata mañá, as monitoras.

ELTHAM

Hola familias,

Hoxe voltamos a escola despois dunha fin de semana londinense. Pola mañá tivemos a última clase intensiva de inglés e mañá comezaremos as clases coas nosas buddies, ás que acompañaremos nas súas asignaturas. Algunhas das rapazas mostráronse nerviosas ó longo do día pola incertidume de como serán as súas mentoras durante o que queda de estancia. Non obstante, para facilitarnos o proceso de integración, a organización local e a escola sorprendéronnos coa boa nova de que  compartiremos con elas o buffet do almorzo a partir de agora.

E resumíndovos un pouco o día de hoxe, contarémosvos que pasamos a tarde en Londres. Esta vez tocounos descubrir o Covent Garden coa excusa de xogar á busca do tesouro. As rapazas tiñan que respostar preguntas-pista que lles axudaron a coñecer secretos de Londres. O premio foi simbólico, pero o grupo pasouno ben e disfrutou da actividade.

A hora da volta foi mais rápida que a de onte, xa que Londres entre semana está moito máis tranquilo…aunque algunhas das rapazas non querian volver porque a preestrea mundial de The Hobbit e a semana da moda, á que ó parecer asistían  George Clooney, Kate Moss e os Beckham, estaban a celebrarse.

Mañan toca visita ó British Museum, pero despois da escola…que primeiro hai que coñecer ás buddies!!!

Ata mañá!!!