ELTHAM
Boas noites familias,
Despedimonos de vos e de Inglaterra, xa que mañá a estas horas estaremos de volta nas nosas casas. Ainda que moitas das rapazas están deseando voltar, agora empezan a dubidar de se quedar, xa que a relación coas familias e as amigas feitas na escola da pena deixalas atrás. Esperemos que aprobeiten as novas tecnoloxías para non perder as amizades feitas nestas tres semanas.
Sigue leyendo
ELTHAM
Boas noites familias!
Hoxe foi o ultimo dia de actividades. Parece mentira que xa estemos apunto de volver para as nosas casas. As rapazas están en pleno ataque de morriña e xa están facendo plans para a fin de semana, para o instituto e para o que queren que lles fagades de comer.
Aínda así, a nostalxia non nos impediu seguir co noso programa, polo que hoxe acudimos á cidade a despedirnos como se merece.
Coma en Londres as visitas a museos son gratuitas, adicamos a primeira metade da mañá a ver o Natural History Museum, un museo onde se poden atopar todo tipo de marabillas producidas pola natureza. O museo alberga dende esqueletos de dinosaurios (principal atracción dos pequenos da casa), ata minerais de todo tipo ou fósiles marinos.
Algunhas das rapazas quedaron sorprendidas co fósil dunha árbore que fai 225 millons de anos quedou convertida en pedra debido ás condicións atmosféricas.
Pola tarde acudimos ó Science Museum, que tamén nos quedaba pendiente. Neste museo poden atoparse diferentes seccións adicadas ó tema da ciencia, coma por exemplo unha zona adicada ó espacio. Tamén adica unha sección completa á medicina e outra ás emocións (as cales se poden avaliar cun cuestionario interactivo).
Tras toda este tour cultural, volvimos para as nosas casas pensando xa en empezar a facer as maletas….e no que nos poñeremos mañan para a Farewell Disco, á que poden invitar a amigas da Eltham Hill.
Esperemos non chorar moito!….(ainda que nunca se sabe)!
Ata maña Vigo!!!
ELTHAM
Boas noites familias,
Esta última fin de semana foi bastante completa. Comezamos o sábado cunha excursión de todo o día o mercadillo máis famoso de Londres, o Camden Market. Moitas das rapazas estiveron esperando este día con impaciencia, polo que contiveron os seus gastos para poder comprar a gusto e sen preocupacions moitas desas cousas que non poden adquirir en España. Ata aprenderon a regatear os prezos. Explicaremosvos que con respecto a súa historia, o mercado de Camden está actualmente emplazado nos antigos establos utilizados para a recuperación dos cabalos da época Victoriana, e hoxe en día estes mismos establos serven como refuxio para as tendas vintage e os artistas da rúa. Tamén ten unha parte adicada a comidas de todo o mundo. E a modo de homenaxe, dende hai pouco tempo, pódese atopar alí unha estatua de Amy Winehouse, residente no barrio de Camden e habitual das súas rúas.
Eltham
Boas noites familias viguesas,
Hoxe acabou a semana e tamén acabou a escola. Foi un dia triste posto que vosas fillas houberon de despedirse de súas amigas inglesas. Algunhas non poideron evitar emocionarse, e incluso chorar coa pena, pero afortunadamente conservan esperanzas de atoparse nun futuro. Ademais, o uso das tecnoloxías e as redes sociais facilitará que poidan seguir mantendo contacto. Aínda así, o martes se o desexan, poderán dicirse adeus en condicións na festa de despedida, posto que poden invitar a amigas da escola.
Pola tarde, fomos ós almacéns de Harrods, moi coñecidos por vender productos de alta gama, pola súa decoración navideña e por pertencer á última parella da princesa Diana de Gales. A pesares de que Harrods vende productos non asequibles a tódolos bolsillos, o certo é que alcanza case a ser unha atracción turística, polo que é moi común atopar dentro xente moi diversa. As rapazas tiveron tempo para dar unha volta por estos almacéns e curiosear, pero sen pasarse porque mañá temos prevista a esperadísima visita a Camden Market. Esperemos que non arrasen con todo. Mañá xa vos contamos se deixaron algo para os demais.
Un saúdo das monitoras
Eltham
Boas noites Vigo…e boas noites familias!
Aquí estamos un día máis comenzando xa a conta atrás para a volta á casa.
Por aquí as cousas seguen coma sempre. Hoxe a actividade da tarde consistiu en visita-la beira do Támesis para acudir ó mercadillo navideño de Southbank. De paso poidemos ver de preto o London Eye. E aínda que non subimos, as vistas pagaron a pena, porque ademais de que a noria estaba iluminada con bombillas azul xeo, o ambiente era moi tranquilo e a cidade víase moi bonita co Big Ben e o Parlamento Británico, iluminados tamén ó outro lado do río.
O mercadillo de Southbank é un dos moitos mercados que copan Londres en Nadal, e que ofrecen productos variados de artesanía, comida ( churros con chocolate, pan de xenxibre, sidra quente, queixo francés, etc.) e decoración navideña. Tivemos tempo de dar unha volta por alí, ver os diferentes postos, disfrutar das vistas, tomar un café quentiño e volver xustiñas a Eltham para a hora da recollida….porque mañán volvemos a Londres a visitar Harrods.
Deica mañá a todos,
As monitoras.
Eltham
Boas familias,
Aínda que hoxe pola mañá tivemos algunhas baixas, non foron graves, xa que o tempo causou un par de resfriados. O resto das rapazas acudiron a escola con normalidade, pero pronto teremos que empezar a preparar a nosa volta. Mentras tanto continuamos aproveitando o tempo ó máximo. Hoxe pola tarde fixemos futbol. E, ¿sabedes ese dito que di que o importante é participar? Pois é mentira, o importante son as risas. E é que o principio as rapazas non estaban moi motivadas. Pero o dividirnos en equipos de quince e saltarnos todas as reglas do xogo, creamos o noso propio macropartido de futbol. Non sabemos nin quen gañou, cada un tira para o seu equipo. O que sí sabemos é que entre lesionadas e botar balóns fora do campo, o tempo pasounos voando, e quedamonos con ganas de seguir xogando. Para algunhas das rapazas incluso foi a actividade que máis disfrutaron. Despois de xogar, tivemos unha merecida merenda, composta por pizza, hamburguesa e perritos quentes. Había que repoñer as calorías perdidas durante o partido. En resumen, foi unha tarde moi divertida, a pesar de que continúa facendo moito frío.
Un saúdo, as monitoras.
ELTHAM
Boas noites familias,
Continuando coa rutina inglesa, pola mañá cedo acudimos a escola. Hoxe as temperaturas foron especialmente baixas, polo que unha capa de xeo nos esperaba no noso camiño. Durante as clases, a última hora, estase adicando a facer diferentes actividades para coñecernos máis entre nós, por exemplo a través de iniciar un pequeno debate sobre como se celebra o Nadal en España e como se celebra en Inglaterra. A directora comentounos que consideran esta actividad importante para que as rapazas se den de conta de que non en todos os países se celebran igual estas datas. De feito, moitas das nenas inglesas mostraronse sorprendidas por a existencia do roscón de Reis, día que non se celebra aquí.
Pola tarde fomos a bolera, nos dividimos en grupos, collemos os zapatos e comezamos a xogar!! Aunque o principio algunhas mostraronse reticentes ao xogo, ó final todas pasamos unha boa tarde. A música do local propiciou un ambiente de bo rollo e alegría que se contaxiou rápidamente, e, o final, acabamos bailando Baby One More Time de Britney Spears.
Mañá seguiremos cos deportes, tocanos xogar o futbol. Xa os contaremos o que sae de ahí.
Un saúdo, as monitoras.
ELTHAM
Boas noites familias,
Como ven sendo dende hai unha semana, as rapazas están disfrutando moito das clases de integración no Eltham Hill School. Algunhas das asignaturas que se imparten esta semana inclúen temas como aprender a confecionar a tua propia roupa ou diseñala. No referente a comida, seguen disfrutando de platos e postres variados. Hoxe por exemplo, poideron elexir entre empanadilla picante ou pasta con queixo.
Pola tarde, a petición dalgunhas das rapazas acudimos a ver o Andén 9 e 3/4, ubicado na estación de King’s Cross, que para os que non o coñezan, é famoso por ser o lugar utilizado por Harry Potter para coller o tren a Hogwarts. Ali as que quixeron poideron sacarse fotos co carriño da película. Aínda que algunhas rapazas non son especialmente seguidoras da saga, tamén poideron aproveitar a visita para comprar literatura inglesa.
De volta a Eltham, volveu a pillarnos a hora punta, pero por sorte as rapazas estiveron atentas e rápidas. Están aprendendo a manexarse na gran cidade.
Mañá esperamos contarvos quén foi a gañadora da partida de bolos que temos programada en Lewisham. Unha actividade de interior, que nos ven moi ben co frío que fai estes días.
ELTHAM
Boas noites familias,
Onte madrugamos para coller o bus que nos estaba esperando para ir a Oxford. Despois de duas horas e media de viaxe que moitas nenas aproveitaron para durmir, chegamos ao noso destino. A cidade de Oxford é moi coñecida pola sua universidade, a máis antiga do mundo anglófono.
Nada mais chegar, paramos para recargar pilas. As rapazas pediron un café para levar. Despois de dez días parece que estamos asimilando completamente o estilo de vida británico.
A nosa primeira parada foi o Christ Church College, emplazamento composto por catedral, facultade e residencia universitaria. Tamén é moi coñecido por ser o lugar elixido para grabar peliculas como Alicía en El País de Las Maravillas, La Brújula Dorada ou Harry Potter. Alí vivimos algunhas situaciones divertidas, como que unhas turistas orientais quixeron sacarse fotos connosco coma se fósemos parte da atracción turística.
Unha vez no centro da cidade tivemos tempo libre para explorar. Algunhas rapazas encontraron o emplazamento doutras facultades, e aprobeitaron para sacarse fotos cos escudos de cada casa.
Aínda que o camiño a casa se nos fixo largo, o domingo tivemos tempo para descansar cas familias ou quedar no centro de Eltham.
Esperando a que comece unha nova semana, despedimonos.
As monitoras
ELTHAM
Boas e frías noites,
Parece mentira pero hoxe xa é venres, pouco a pouco os días están empezando a pasar máis rápido. E iso axuda a consolidar as nosas rutinas.
Coma sempre, as rapazas pasaron a mañá na escola, onde algunhas delas tiveron clases de danza, outras exames e arte. Ademais ante a posibilidade de cambio de horario, un sector das rapazas manifestou a sua conformidade coas asignaturas que teñen agora. Por aquelo de non estar todo o día na escola, pola tarde tamén dedicamos tempo o ocio, visitando Hyde Park. Este parque é coñecido por ser o pulmón verde da cidade de Londres, e nesta época do ano está especialmente ambientado con adornos navideños. O Winter Wonderland, que así é como se coñece esta ambientación, tamén inclue atraccións, postos de comida navideña e de regalos de nadal. As rapazas disfrutaron moito das atraccións (caida libre, montaña rusa, noria, carrusel, casa do terror, etc) e tamén dos postos de comida como gofres, comida rápida, mazas de caramelo, e incluso castañas e churros. O que mais lles chamou a atención foi a neve artificial, cuns simples oolvos máxicos e auga puideron ter neve nas súas mans.
Despois de toda a tarde disfrutando no parque, voltamos a casa para resgardarnos do frío, xa que as temperaturas baixan cada día máis, e tamén para descansar para mañá, que nos espera Oxford.
Un saúdo, as monitoras
