BIDEFORD 20-9

!Hola de nuevo desde the UK!

Ayer tuvimos nuestro primer d’ia en el College. Fue muy emocionante, los buddies estaban esper’andonos y cada uno de los chicos se fue con su respectivo. Los buddies les acompanhar’an durante las tres semanas a todas las clases. En el descanso, todos los alumnos brit’anicos quer’ian conocer a nuestros queridos vigueses… !en esta zona hay pocos extranjeros y somos toda una novedad! A los chicos les encant’o esa sensaci’on de ser como estrellas del rock.

Despu’es del lunch, tuvimos una visita guiada en Bideford, para conocer su historia, sus lugares emblem’aticos y parte de su cultura. Aprendimos cosas de su antiguo puente, conocimos su sistema de gobierno, y descubrimos que son muy parecidos a nosotros en generaciones anteriores: ellos tambi’en se dedicaron a explotar los recursos marinos, !como pescar y preparar bacalao salado!

El tiempo se ha vuelto absolutamente brit’anico. Llueve, est’a gris, as’i que tomar el t’e es lo m’as apetecible. !Ya estamos inmersos en la cultura brit’anica!

 

20170920_1443431 20170920_1445521 20170920_1447541 20170920_1453551

BIDEFORD 19-9: !Llegamos a UK y las familias nos esperan felices!

Empezamos nuestra aventura en Bideford, donde los teclados ingleses no tienen tildes ni enhes… !Esto es vivir en otro pa’is! Y nos encanta.

Ayer, despu’es del madrug’on para coger nuestro primer vuelo, pasamos un d’ia de aeropuerto en aeropuerto, y cuando finalmente llegamos a Londres, un autob’us no estaba esperando con Nick, el conductor. Nick hizo una parada de dos horas para que pudi’eramos conocer Windsor, donde est’a el famoso castillo de Windsor, una de las residencias de la respetad’isima aqu’i Familia Real Brit’anica.

Tras esta primera inmersi’on en lo que es la vida en Gran Bretanha, y pedir las primeras hamburguesas y gominolas en ingl’es, cogimos de nuevo el bus para llegar finalmente a Bideford. Las familias nos esperaban con los brazos abiertos, todos sonriendo y maj’isimos. !No pod’iamos estar m’as contentos! As’i que por fin nos fuimos a nuestras nuevas casitas t’ipicamente inglesas, para descansar y cenar con nuestras familias. !Fuimos bienvenidos a the UK!

BIDEFORD 11/10 – Goodbye, friends!

Ola, familias!

Benvidos á penúltima entrada do blog, na que vos contaremos as novidades deste martes, día 11 de outubro. Hoxe, cando apareceu Amy, parecía Papá Noel, xa que viña cargadiña con 12 bolsas de papel que levaban escritos os nosos nomes. Que había nesas bolsas sorpresa? As nosas creacións do día 07/10, de cando fomo ao Appledore Crafts Cafe (premede no nome do local para acceder á entrada dese día) e coloreamos unhas figuras de cerámica. Pois hoxe, por fin, conseguimos ver cal foi o resultado. Velaquí tedes unhas fotos coas nosas obras de arte: rás, avións, delfíns, renos, mouchos, elefantes, bolboretas, peixes, xoaniñas.

img_20161011_140330img_20161011_140240 Algúns de nós levaremos as nosas obras de arte connosco de volta a Vigo; outros, darémosllas ás nosas familias anfitrionas a modo de agasallo, para agradecerlles a amabilidade coa que nos trataron ao longo destas 3 semanas.

Aínda que nos imos ver mañá, hoxe foi a despedida oficial dos nosos compañeiros ingleses. Para iso, reunímonos todos na aula de español, comemos xuntos os nosos packed lunch e probamos a tortilla rechea que cociñou a nosa monitora española.
img_20161011_133624

Antes de irnos a Barnstaple, participamos nunha dinámica de despedida que consistiu en escribir mensaxes positivas para dar as grazas e decir adeus aos nosos buddies. Foi unha boa oportunidade para plasmar por escrito as nosas emocións e deixar un breve texto de recordo neste país de acollida.

img_20161011_135133 img_20161011_135156

As despedidas sempre son emotivas, pero o feito de vernos mañá facilita este proceso. Aquí podedes ver unha foto de todos nós. Unha foto que pode pasar á eternidade:

img_20161011_133521

Despois de moito insistir, convencemos ás monitoras para poder gozar de máis tempo libre en Barnstaple para celebrar unha cea de despedida dos nosos buddies. Fomos todos ao Pizza Hut e aquí podedes ver unha das fotos da cea:

img-20161011-wa0007

Foi unha velada moi agradable, que compartimos con xente marabillosa e na que houbo algunha que outra bágoa.

img-20161011-wa0008

O mércores será o derradeiro día de clase. Non queremos que esto remate, que alguén lle diga ao alcalde que queremos ampliar a estancia! Por se non logrades convencelo, imos pechando as maletas e intentaremos descansar moito esta noite… 🙂

Deica mañá!

BIDEFORD 10/10 – Día de cine!

Ola familias!!

Xa é oficial, comezaron os derradeiros días desta experiencia. En aproximadamente 72 horas botaremos o peche. A palabra “final” levita ao noso redor, axexante, agardando o momento para facer a súa aparición triunfal. Desde o horizonte comeza a chegar un cheiro a saudade e volta á rutina, pero tamén comeza a aparecer un recendo a reto conseguido, a desenvolvemento persoal, a mentes abertas.

Aproveitamos este luns para facer un plan relaxado: fomos ao cine en Barnstaple. Fomos ver a película de “Miss Peregrine’s Home for Peculiar Children”, que xa se está a emitir nos nosos cines galegos en español. Aquí podédesnos ver unha foto dentro da sala, cegados polo flash da cámara.

10-oct-cine-2Hoxe é o día de empezar a facer as maletas. Debemos ir metendo toda a nosa roupa e tamén todos os souvenirs que compramos. Cruzamos os dedos para non exceder os 23 quilos que permite levar a compañía aérea e por recordar meter tódolos líquidos na maleta facturada.

Aída, Enrique, Vanja, Antía, Iván, Carla, Sergio, Claudia, Pepe, Julia, Yeray e Nerea. Doce nomes, doce participantes, doce compañeiros. Doce persoas marabillosas que teñen moitísimo que ofrecerlle ao mundo. Están en plena fase de formación, definindo as súas personalidades, medrando, facendo o seu propio camiño.

Rapaces, rapazas, aproveitade cada un destes derradeiros días ao máximo, cada hora e cada minuto. Probade todos aqueles pratos típicos que non hai en España e aos que aínda non vos atrevestes a botarlle o dente. Non paredes de falar en inglés e, sobre todo, non deixedes de pasalo ben.

Volvemos mañá con máis información sobre o penúltimo día. Ata logo!

BIDEFORD 08/10 – Excursión a Ilfracombe!

Ahoy!

As nove da mañá poñemos rumbo a Ilfracombe!! Trátase dunha vila do norte de Devon, a rexión na que nos atopamos. Como dato curioso direivos que esta cidade é considerada o mellor destino de vacacións de verán para os inleses dentro do seu país, desde a época victoriana ata o día de hoxe.

img_20161008_095449

A liña da costa está chea de acantilados e praias que, sen dúbida, lucirían máis nun día soleado. Nada máis chegar, percorremos o paseo marítimo e puidemos contemplar as vertixinosas paisaxes. Amy explicounos algúns datos curiosos sobre esta zona, como o feito de que durante a época victoriana, debido á prohibición de que homes e mulleres compartisen o mesmo espazo de baño nas praias, os traballadores de Ilfracombe cavaron túneles nos acantilados para permitir o acceso a pequenas calas, para que a xente, segregada por sexos, puidera gozar do mar na intimidade.

img_20161008_101542Outro dos datos curiosos sobre Ilfracombe é esta estatua de 20 metros de altura, que leva na vila só desde 2012. Trátase da figura dunha muller espida que se ergue sobre unha base composta por unha morea de libros, que conteñen leis e información sobre dereitos. Verity, que é como se chama a obra de Damien Hirst, sostén unha espada na man esquerda, que podería simbolizar o seu poder, e unha balanza da xustiza na man dereita. É curioso o feito de que un dos seus perfís  da estatua amósanos o seu corpo sen pel, polo que vemos o seu interior, as súas entrañas, os músculos, osos, e ata o feto que leva no seu ventre. En teoría esta estatua é unha alegoría da verdade e a xustiza, pero o certo é o autor deixou a porta aberta a múltiples interpretacións. Como podedes imaxinar, a súa presenza na vila foi motivo de controversia e provocou unha división de opinións entre os veciños deste concello do norte de Devon: bonita ou desagradable? Reclamo turístico ou esperpento que vai espantar tanto a turistas como a veciños? A polémica está servida.

img_20161008_095953

Fixemos una photo hunt, unha competición por equipos na que tivemos que sacar as mellores fotos pola cidade, seguindo as normas que marcaba un listado que nos deron. O resultado foi moi divertido e destacou pola creatividade das respostas. Logo, antes de comer, fomos a facer unha ruta en barco. O capitán foinos explicando todo o que podiamos ver desde a borda. Aquí vos deixo algunha foto:

img_20161008_130029_1_opt

Tivemos tempo libre para explorar e, despois, regresamos á casa coas nosas familias. Mañá é o último domingo en familia. A ver que plan nos teñen preparado.

Deica logo, familias!!

BIDEFORD 07/10 – Appledore Crafts Cafe!

Ola de novo, familias!

Venres, día de creatividade e manualidades na vila costeira de Appledore. Esta tarde, tralo xantar, collemos un bus ata Appledore, que está verdadeiramente preto de Bideford. Alí, camiñamos ata un Crafts Cafe, a cafetería dunha organización sen ánimo de lucro, que destina os cartos recaudados coa súa actividade a realizar donacións a distintas causas.img_20161007_141312_opt

É fermoso poder formar parte dunha actividade tan útil para a sociedade. Neste lugar, ademais de ter unha tenda de artigos de segunda man, hai unha cafetería e un obradoiro para realizar manualidades, como pintar e adornar figuras de cerámica. Isto último é o que fixemos nós. Pintamos as figuras que nós mesmos escollemos e que, probablemente regalaremos ás familias anfitrionas como agradecemento polo ben que nos están tratando. Ademais, non andamos moi sobrados de espazo nas maletas… 🙂

Ata o martes non veremos o resultado das nosas obras de arte, porque lles van dar unha capa de verniz e vannas pasar polo forno. Prometo actualizar esta información o próximo martes con fotografías do resultado final! Agora déixovos cunhas fotos de todos en pleno apoxeo de inspiración.

img_20161007_143724

img_20161007_143727

Despois desta actividade, tivemos tempo libre por esta fermosa vila mariñeira. Aínda que non ten moitas tendas, as súas rúas parecen tiradas directamente dun libro, polo que merece a pena dar un paseo por elas e intentar perderse, comer un xeado tradicional…

E así rematou o día de hoxe, mañá toca excursión a Ilfracombe. A ver que nos depara a viaxe. Xa vos contaremos o que nos parece!

Deica mañá!!

Podéis ver todas las fotos en la galería de imágenes de Newlink.

BIDEFORD 06/10 – Fish’n’Chips and Games Evening!

Ola a todos, familias!

Este xoves foi un da moi especial, diría incluso que foi un dos máis completos. Aínda que,  pensándoo mellor, para ser sinceros, é complicadísimo elexir só un bo día tendo en conta a gran cantidade de actividades e excursións que facemos, moitas máis ca noutros destinos… Pensemos en Exmouth, Exeter, Appledore, Instow, Barnstaple, Bideford, Atlantic Village e en Ilfracombe, a onde iremos o próximo sábado. Ademais, non esquezamos o parque de atraccións da Big Sheep, os karts, o minigolf, o Cream Tea, o Laser Tag, o karaoke, os recreativos, a praia, o tempo libro en distintas cidades… Por iso, vou rectificar a primeira frase para afirmar que o día de hoxe, xoves, continúa na liña de días redondos que conforman esta experiencia de inmersión cultural e lingüística!

Coma sempre, a xornada comezou asistindo a clases desde as 9:00 ata as 12:20. Socioloxía, historia, xeografía, inglés, español, triple ciencia, cociña, cambios de clase, recreo cos nosos compañeiros. O bo das clases de español é que nos ofrecen unha oportunidade única para devolverlle o favor aos nosos buddies. Eles axúdannos a integrarnos no instituto e nesa clase nós podemos axudalos a mellorar as súas notas, corrixindo redaccións, axudándoos coa pronunciacián, etc.

O xantar de hoxe foi diferente. En lugar de comer packed lunch, as monitoras leváronnos a un local de Fish and Chips! Para os que non o sepan, trátase dun prato tradicional nas islas Británicas que consiste en filetes de pescado rebozados nunha mestura de ingredientes específicos, acompañados con patacas fritas. Xeralmente, os ingleses bótanlle vinagre de malta ás patacas, pero nós preferimos a maionesa e o kepchup de toda a vida…

06-oct-fish-and-chips

Tras este menú suculento, fomos a Barnstaple para gozar dunhas horas de tempo libre. Pero antes, participamos nun concurso que nos propuxeron as monitoras. Fixemos unha cadea de favores. Comezamos todos cun bolígrafo e o obxectivo do xogo consistía en falar coa xente que atoparamos pola rúa para intercambiar o noso bolígrafo por algún outro obxecto. Os vencedores serían aqueles que conseguisen o obxecto de maior valor. A verdade é que todos nos implicamos moito coa dinámica e conseguimos resultados sorprendentes. Aquí podedes ver algunhas fotos que proban tque hai xente amable en todas partes:

 06-oct-cadena-de-favores-2_opt06-oct-cadena-de-favores-3

Fomos cear á casa, coas nosas familias, e ás 19:30 quedamos no Fremington Parish Hall. Tamén asistiron algúns dos nosos buddies! Aí comezaba a noite de xogos, a segunda Games Evening! Por segunda vez, xogamos, corremos, competimos e pasámolo ben. Aquí vos deixo algunhas das fotos que se sacaron durante a velada:

06-oct-games-evening-finalistas

Os finalistas do xogo das sillas musicais

06-oct-games-evening-1606-oct-games-evening-1

E o broche para un día como hoxe non podía ser outro ca unha sorpresa para as dúas compañeiras que estarán de aniversario durante a estancia en Bideford. Moitísimas felicidades, Nerea e Carla! Esperamos que gozarades da sorpresa e dos vosos días especiais. Todos comemos brownie de chocolate e uns pasteis que preparou unha das familias. Nesta foto podémolas ver cos seus cupcakes de chocolate e unhas postais firmadas por todos que servirán de souvenir da experiencia.
06-oct-games-evening-sorpresa-cumpleaneras

Outro día máis que remata e unha conta atrás que comeza. Só queda unha semana, xa que o próximo xoves poremos rumbo á casa!

Unha aperta, familias!

Podéis ver todas las fotos en la galería de imágenes de Newlink.

BIDEFORD 05/10 – Beach Olympics!

Ola de novo, familias!

Hoxe toca facer deporte na praia de Westward Ho! As Beach Olympics! Esta vez teremos sorte co tempo, xa que poderemos ver este rincón máxico nun día soleado, non como a última vez que viñemos, que nos pillou a choiva polo camiño.

05-oct-westward-hoA praia ata a que chegamos camiñando por enriba dunha morea de cantos rodados resalta polo enorme e plana que é e pola pouca inclinación que ten. Debido ás súas características, coa preamar é case imposible ver nin tan sequera un metro da area da praia, xa que as ondas baten con enerxía na barreira de cantos rodados pola que camiñamos. Porén, cando a marea está baixa, déixanos un amplísimo espazo para xogar, pasear, gozar dun baño e de fermosísimas paisaxes como as que podedes ver nas fotos seguintes.

05-oct-playa-de-westward-ho05-oct-playa-de-cantos-rodados

Durante a tarde de hoxe corremos, bateamos, construímos, xogamos e divertímonos. Fixemos unha competición de montañas rusas. A proba consistía en deseñar e modelar a mellor montaña rusa de area para unha pelota de pimpón, traballando en pequenos equipos. Para declarar cal sería o equipo gañador, as xuízas tiveron en conta aspectos como a seguridade (a bola non podía saír disparada), o funcionamento (a bola debía chegar ata a fin do percorrido), a dificultade técnica (porque non é o mesmo un percorrido en liña recta que incluír reviravoltas) e a beleza (canto máis bonito mellor).

05-oct-beach-olympics-1_opt

05-oct-beach-olympics-8_opt

Para outra das probas destas olimpíadas na praira, Amy aprendeunos as regras dun xogo típico moi popular entre a xuventude inglesa. O nome do xogo é rounders. O xogo é parecido ao béisbol, xa que hai que batear e conseguir dar unha volta ao campo.

05-oct-beach-olympics-9_opt

C05-oct-beach-olympics-10-marcador_optomprendemos rapidamente o funcionamento do xogo e participamos todos. En xeral, déusenos ben e puxémoslle ganas, pero non se pode omitir a realidade neste punto, xa que un equipo foi o clarísimo vencedor, cun marcador  de 10 a 46. Estratexia? Sorte? Se cadra hai que xogar a revancha para responder a esas preguntas…

Antes de regresar ás nosas casas, tivemos algo de tempo libre en Westward Ho! Alí, algúns de nos quixemos probar os típicos xeados da zona, xogar nos recreativos, pasear polas rúas principais… Tamén hai que dicir que nos atopamos cun dos nosos buddies que tamén aproveitara o bo tempo para ir á praia, estaba practicando surf. Menuda casualidade!

    05-oct-helado-tipico 05-oct-con-un-buddy-2

Foi un bo día, pero isto aínda non remata aquí. Mañá máis e mellor. Temos que exprimir os poucos días que nos quedan para gozar desta experiencia.

Unha aperta enorme, familias! Podéis ver todas las fotos en la galería de imágenes de Newlink 🙂

BIDEFORD 04/10 – Museum and Laser Tag!

Ola a todos!

Martes día catro, dentro de pouco comezará a conta atrás… Pero polo de agora, só queremos pensar en divertirnos e exprimir os días ao máximo. Hoxe, ao rematar de xantar, achegámonos ata o Burton Art Gallery and Museum, en Bideford, onde puidemos comtemplar obras de arte, coñecer a cultura local e xogar a un entretido xogo no museo.

img_20161004_134153 img_20161004_134208 img_20161004_134424

Pero a mellor parte da tarde esperábanos en Barnstaple, xa que tiñamos reservada unha sesión de laser tag!!!! Desafortunadamente, non temos fotos do momento, xa que non se podían facer, pero o que conta é o recordo que levaremos connosco. Para os que non saibades en que consiste ese xogo, consiste nun combate entre dous equipos, armados con pistolas que funcionan con infravermellos, nunha sala con obstáculos e luces de cores.laser-tag2Ademais, algúns de nós tamén quixemos cantar no karaoke, bailar nas máquinas recreativas, xogar ao billar, ao futbolín…

img_20161004_162605 img_20161004_162238 img_20161004_162616

Foi un día redondo, con actividades culturais e moita diversión. A ver que nos espera o día de mañá. Parece que vai facer bo tempo e que, por iso, aproveitaremos para ir a practicar xogos na praia.

Deica mañá, familias!

BIDEFORD 03/10 – Big Sheep!

Ola familias!

img_20161003_160428

Cartel do parque

Esta semana non podería ter comezado de mellor maneira! Resulta que a tan só 20 minutos andando desde o instituto, hay un parque de atraccións no que a granxa é o tema principal. Chámase Big Sheep, que se podería traducir como “Gran ovella”. Se premedes aquí poderedes acceder á páxina web do parque.

A ida fixémola en autobús, para aproveitar o tempo ao máximo. Estivemos alí desde que rematamos de comer ata as 17:00. Toda unha tarde de acción, adrenalina e animáis domésticos adorables: ovellas, coellos, porquiños, cordeiros, cabras…

img_20161003_135141_opt

A verdade é que nos pareceu que é unha boa forma de combinar a riqueza cultural da zona, cun espazo de entretemento para toda a familia. No parque puidemos gozar de atraccións como as que se ven nas fotos e algunhas máis, ademais de espectáculos nos que participaban as ovellas, como unha carreira de ovellas!

img_20161003_145639

Lembrade que na Galería de fotos  podedes acceder a máis fotografías das actividades que realizamos. As que publicamos no blog son só para ir abrindo boca…

img_20161003_142928img_20161003_151605_opt img_20161003_153052_opt

img_20161003_134852

Reunímonos para volver ás nosas casas e, esta vez, fomos no coche de San Fernando ata a parada do bus de Bideford Quay, a que collemos tódolos días. Un agradable paseo de 20 minutos pola natureza. Aínda que, non quero mentir, algúns dos estudantes estaban bastante cansados despois dunha xornada tan intensa.

img_20161003_172915_optA ver que nos espera o mércores xa que, aparentemente fará tamén bo día e vai haber un cambio de plans. Cal será o plan misterioso?

Ata logo, familias!!