EXETER
Chegou o venres! Estamos ao final dunha semana moi intensa pero aínda nos queda este outro día intensoooo… Comezamos o día con clases: cada un foise co seu buddy. Pero ás 11 xuntámonos todos nas cociñas do colexio. Imos por o mandil e preparar a comida para o profesorado, o noso grupo e tod@s @s nos@s buddies. Xa quixeran os de Masterchef!!
Preparamos unha comida típica composta de salchichas cubertas e forneadas con patacas cremosas. De sobremesa cociñamos unhas mazás asadas recubertas de queixo, fariña… e rematadas ao forno. Sempre dirixidos polo grupo de profesorado que nos apoiou e ensinou.
Ao rematar xuntámonos cos nosos buddies para repartir a comida e gozar dun momento xunt@s, falando de típicas comidas de cada país.
De tanto comer teríamos que facer algo de exercicio… Outra das profesoras convidounos ao pavillón para darnos unhas clases maxistrais de ping pong, onde argallamos axiña unha gran competición entre tod@s! Pasámolo xenial!
Pero aínda non rematou a nosa convivencia no día de hoxe! Seguimos animando aos buddies a que nos acompañen ao cinema que montamos no teatro da escola. Alí, cuns aperitivos e en gran compañía, disfrutamos da película “Gru 2. Mi villano favorito”.
Fin do día! Mañá tócanos ir de excursión!
Un saúdo!
Sandra, Eva e Noelia.