Feltham – Museo, Kesington e despedida

Bos días a todos e todas!

Estamos a xoves e continuamos coas clases como de costume. Esta semana fixeron unha redacción e o profe dixo que fixeron un gran traballo!

Despois das clases fomos visitar o museo de Kingston, repleto de antiguidades e artefactos moi curiosos. Aínda que estivo moi entretido, pareceunos un pouco pequeno.

Logo disto, algúns rapaces tiñan permiso para visitar un parque de atraccións cercano, así que alí nos diriximos. Aínda que había moita xente e a espera era eterna, mereceu moito a pena xa que as montañas rusas eran moi chulas.

Parque de atraccións

Ao día seguinte era o noso último día de cole e actividades. Para a nosa sorpresa, o profe estaba enfermo e non puido vir, así que non houbo english lessons. Ás doce quedamos cunha nova guía chamada Fiona que nos acompañaría para a nosa última visita a Londres.

Collemos dous autobuses ata o centro da cidade, e dirixímonos a Kesington, onde visitariamos o Museo de Historia Natural e o Museo de Ciencia. Sorprendeunos moito a cantidade de fósiles e animais que había no primeiro, pois era xigante. No segundo poidemos observar unha chea de maquinaria pertencente á revolución industrial, coches, ferrocarril, etc. Na sección do espazo había unha exposición sobre os viaxes a lúa, cohetes, naves, etc. Quedounos pena porque non tiñamos demasiado tempo e non o demos visto todo, pero foi verdadeiramente incríble.

Hugo no museo de ciencia

Leo no museo de historia natural

Martina no museo de historia natural

Despois disto, desviámonos un pouco da nosa ruta para visitar Standford Bridge, o campo de fútbol do Chelsea, xa que a algúns dos nosos nenos e nenas amantes do fútbol facíalle ilusión visitalo. Alí, poideron acceder á tenda onde comprar camisetas, bufandas ou balóns co escudo do equipo.

Finalmente, collimos os buses de volta a Feltham, pois necesitabamos o tempo para acabar de facer a maleta e descansar. Mañán será un día moi longo.

E chegamos ao final do viaxe. Sábado tivemos que levantarnos super cedo para coller os taxis que nos levarían ao punto do encontro onde nos recollería un autobús para ir ao aeroporto de Heathrow. Con moito sono e as maletas a reventar de souvenirs e regalos para as familias, chegamos á terminal onde nos reunimos co resto de grupos que tamén acababan alí a súa aventura. Ao chegar a Madrid tiñamos varias horas de escala así aínda nos esperaba un longo día.

Por aquí deixovos unhas imaxes do derrotismo que nos acompañou durante o traxecto.

Tras un momento estresante despois de que o piloto nos avisara do forte temporal en Vigo, e logo dun aterrizaxe turbulento debido ao vento e a néboa, por fin chegamos a Peinador, con moitas ganas de poder ver xa aos nosos seres queridos, pero cunha gran pena de deixar atrás esta experiencia tan maravillosa.

Pasámolo xenial e os rapaces e rapazas melloraron moitísimo o seu nivel de inglés. Esta viaxe non se lle vai olvidar xamais. Moitas grazas a KSC por darnos esta oportunidade e grazas ás familias por seguir as nosas aventuras día tras día. Unha aperta moi grande e seguide vivindo experiencias e enriquecendo a vosa aprendizaxe.

Ata sempre!

Aida 🙂

Feltham – Que imos á Kingston University!

Bos días de novo a todos e a todas!

Hoxe comezamos as English Lessons na Universidade de Kingston, pois como sabedes, a Reach Academy está pechada por vacacións e tivemos que despedirnos dos nosos compañeiros ingleses a semana pasada.

Deronnos uns respiro pois imos ter lessons de 9 a 12 polas mañáns, e poderemos ter mais tempo para disfrutar de actividades pola tarde. Durante estas clases o que se pretende é que os estudantes melloren as súas habilidades nas catro destrezas: writing, listening, reading e speaking. Hoxe, fixeron un debate no que terían que dividirse den dous grupos e cada un defender a súa postura sobre un tema. Logo deberían expoñelo. Fixéronno todos estupendamente!

Pola tarde tivemos unha actividade de cricket, que para quen non o saiba, é un deporte típico inglés, moi parecido ao baseball, que se xoga golpeando unha pelotiña cun bate da madeira plano. Así qie dirixímonos ao Bushy Park, cerca de Kingston, e o guía explicounoscomo xogar. Aqui tedes algunhas imaxes:

Ao día seguinte, despois das clases, tiñamos sesión de cine en Kingston. A semana pasada fomos coller as entradas para a película “A haunting in Venice” unha adaptación da novela de misterio de Agatha Christie, perfecta par ver nesta tempada de Halloween. A maioría gustoulles moito, e aínda levamos algún que outro susto.

Ao igual que o luns, mércores fumos ao bushy park, pois a actividade esta vez consistía en facer baseball. Nun inicio ibamos facer “rounders”, pero non dispoñíamos do equipamento necesario para isto, polo que fixemos baseball. Paámolo super ben e os rapaces poideron xogar a máis cousas e pasear polo bushy park, pois segun a información que nos proporcionou o noso guía, preto nosa había unha lago preciosa e unha zona onde se podían observar cervos e renos.

E ata aquí o blog de hoxe! O próximo día falaremos da última excursión a Londres e xa nos iremos despendindo, aínda que nos da moita pena pensar que xa nos quedan pouquiños días. Unha aperta e ata logo!

Aida

Feltham – Finde de minigolf e Greenwich

Helloo!

Hoxe, aínda que sexa sábado, tivemos que madrugar tamén, xa que nos diriximos ás aforas de Feltham para ir xogar ao minigolf. Xunto co noso guía habitual, Zaryab, ás once collimos un bus dende Kingston, e logo outro dende Feltham que nos levaría ao lugar, e unha vez alí, por grupos de 5 e 6 persoas realizarían o percorrido denominado “Volcano Island”. Cando chegamos poidemos comprobar que había variedade de percorridos e pistas de golf, ademias dunha zona de cafetería e restaurante moi ampla, onde tempo despois o grupo puido descansar e tomar o seu pack lunch con tranquilidade.

Esta actividde resultoulles moi divertida e algúns poideron descubrir o ben que se lle daba este deporte!

 

Ao día seguinte, como cada domingo, tivemos excursión a Londres, esta vez a Greenwich. Greenwich é un barrio de Londres onde se atopa o famoso meridiano co mesmo nome, e que ofrece unhas vistas incríbles aos rañaceos da cidade, así como un amplo parque por onde poder pasear, unha Universidade e un mercado local con infinita variedade de ofertas artísticas, artículos feitos a man, street food e música en directo.

Ademais, preto do parque, había unha feira con atraccións e xogos, que tamén foron visitar. Martina e Paula conseguiron a “Porqui” no xogo de disparar.

Os Porquis de Paula e Martina

 

Antes de marchar, quedamos observando a un grupo de persoas que no medio do parque, propoñían ao público un reto. Coa axuda dun martelo xigante, podían intentar durante varios segundos romper unha caixa. A caixa consistía en varias placas de plástico duro apiladas unha sobre outra, con algún tipo de material amortiguador entre cada placa. Moita xente se ofreceu voluntaria para probar, incluso algúns dos nosos rapaces e rapazas.

Finalemente, e en presenza dun precioso atardecer, voltamos ao punto de encontro para volver a Feltham. Foi un día moi divertido e estabamos agotados. A recuperar forzas para comezar a semana na Kingston University! See you soon 🙂

Aida

 

 

Feltham – día da cultura, scavenger hunt e despedida

Bos días familias!

Hoxe foi o “Culture day” na Reach Academy, polo que cada estudante podía doblar o uniforme e vestirse coas prendas que representaran ao seu país e á súa cultura. Qué lástima non sabelo antes, pois pillounos un pouco por sorpresa e non sabiamos moi ben qué levar. Algunhas persoas como Paula levaron camisetas de equipos de fútbol como a do celta ou do barça, Lucas levou a bandeira de Vigo e o resto pintaron a bandeira de España na cara. Poidemos ver a diversidade de culturas que había no cole, pois moita xente levaba traxes típicos de países como a India, Ghana, Arabia Saudí, etc. Outros simplemente, levaban roupa corriente.

Despois disto, pola tarde, tivemos unha actividade chamada Scavenger Hunt en Kingston, que consistía en sacar fotos con distintos elementos dunha lista que eu lles proporcionei. En catro grupos, debían ir pola cidade de Kingston buscando as cousas da lista e sacar unha foto cas mesmas, para logo mandarma. Por exemplo, unha foto cunha parella, nun restaurante, con un obxecto amarelo, etc. O grupo que rematara primeiro sería o gañador. Aquí deixamosvos algunhas imaxes da actividade.

Nunha cabina de teléfono

Facendo a V de Vigo

Nun espello

Cunha estatua

cunha estatua

Con sombreiros

Facendo a V de Vigo

Con cabazas de Halloween

Con algo amarelo

Os gañadores foron o grupo formado por Lucas, Guillermo, Brais e Hugo. Noraboa!

Ao día seguinte era a despedida. A primeira hora da mañá tivemos unha pequena reunión coa encargada Sam, que nos deu as grazas pola nosa estancia e díxonos que fomos un grupo estupendo, e tamén cos compañeiros ingleses. A cada alumno deronlle un certificado, poideron facer fotos e incluso comer tarta! Por desgraza non podemos compartir esas fotos aquí porque o colexio non no lo permitiu.

Despois desta emocionante despedida con algunha que outra lágrima, as clases continuaron con normalidade. Á hora da salida poideron dicirlle adeus aos compañeiros ingleses, aínda que non sería definitivo, pois algúns xa fixeron plans para quedar a semana que vén.

Así pechamos esta primeira etapa, pois na última semana o grupo estará recibindo clases de inglés na Universidade de Kingston, polo que non voltaremos á Reach Academy. O Luns xa vos contaremos como nos foi nas seguintes actividades do fin de semana, o minigolf o sábado e a excursión a Londres o domingo. Vémonos daquela, ata logo 🙂

Aida

Feltham – Continuamos coas clases e imos aos bolos!

Good morning everyone!

Esta semana o clima non nos está dando tregua; ademais das baixas temperaturas, está volvendo a choiva. Pero eso non nos impide continuar coa nosa rutina de xeito normal.

Estes días non tivemos moitas actividades, así que pouco vos temos que contar. É difícil facer plans polas tardes posto que non temos demasiadas horas de luz, pero os nosos rapaces apáñanse para quedar polos alrededores do cole ou por Kingston, e non aburrirse. O mércores despois das clases tivemos tarde de bolos na zona de recreativos de Feltham, a uns dez minutos andando dende o colexio, pero que se fixeron eternos baixo a desagradable choiva que nos agardaba fóra.

De novo, o noso guía Zaryab acompañounos ata o lugar e fixemos catro grupos para comezar o xogo. Algúns tiveron mellores resultados ca outros, pero temos que destacar especialmente o talento de Martina, Marcos e Wubeneh.

Logo disto, aproveitaron o tempo para ir rotando entre os distintos xogos que había na sala. Xogaron a todo! Billar, realidade virtual, hockey de aire, etc. Non o contamos, mellor, observádeo vós mesmos.

Martina triste por non conseguir o pulpo de peluche despois de 25 intentos

Paula e Pedro cos seus catrocentos tickets

Wube e Guille nos bolos

Iván nos bolos

     

Dende logo tiveron unha tarde ben entretida. Logo disto algúns marcharon directos para a casa e outros decidiron ir ao Pizza Hut, que estaba de lado, a coller algo de comida.

E iso é todo por agora. Xoves temos día da cultura na Reach Academy e o venres temos a despedida, xa que a semana que vén imos comezar as clases de inglés en Kingston. Xa vos contaremos que tal. Un saúdo a todos e todas, bye!

Aida

Feltham – 1ª semana completada, volvemos a Londres.

Good morning!

Rematamos a primeira semana de integración na Reach Academy. Despois de varios días de intenso madrugón e un tempo que cada vez se volve máis frío, por fin podemos descansar un pouco e aproveitar a mañán do sábado para durmir un par de horiñas máis.

Pero estes rapaces non paran quietos. Pola tarde, decidiron volver ao campo de fútbol para xogar uns partidos e pasar a tarde, non se cansan!

Á noite tocaba ir durmir pronto, pois ao día seguinte tivemos que levantarnos ben cedo para poñer rumbo ao centro da cidade de Londres de novo. O termómetro marcaba 11 graos e estabámos completamente conxelados, mais tamén con moitas ganas de ver que nos depararía a excursión de hoxe.

Encontrámonos co noso guía Zaryab na estación de Kingston para coller o tren hacia Waterloo, dende onde camiñariamos ata o Big Ben, pasando polo London Eye. O domingo pasado poidemos divisar estes monumentos dende a zona onde iniciamos a primeira excusión, mais desta vez poidemos acercarnos máis a eles e aprecialos en detalle. Ao ser domingo, as calles de Londres estaban repletas de xente dun lado para outro.

Visitamos Westminster Abbey, mentres Zaryab nos ía explicando que a zona onde nos atopábamos era de vital importancia na historia de Londres, pois aquí situábanse edificios do goberno e un gran banco subterráneo. Comentounos tamén a importancia da figura da muller anos atrás nos tempos da guerra, pois mentres os homes debían cumplir co servizo militar, elas sacaban a cidade adiante.

Acto seguido dirixímonos ao Covent Garden, que se trata dunha zona de Londres onde hai diversos sitios para facer compras e comer, situada arredor dunha gran plaza onde está colocado un mercado moi variado e onde tamén se poden observar as entretidas actuacións dos artistas da rúa. Un deles lanzaba coitelos esquivando o corpo dunha persoa do público que se ofrecía voluntaria; outro, era capaz de introducir un globo alongado pola súa gorxa ata o estómago, incríble!

Camiñamos pola Oxford street e tamén pasamos por China Town, a zona de restaurantes con máis afluencia de persoas da cidade.

Os rapaces visitaron diversas tendas famosas como a de Lego, M&Ms ou a de Harry Potter, e poideron realizar as súas compras.

  

Por último, non podía faltar un dos elementos máis característicos da cidade de Londres: o Buckinham Palace. Collimos un autobús ata o lugar pois xa estabamos algo exhaustos de andar de aquí para alá. Zaryab comentounos algunha que outra curiosidade sobre o palacio, e explicounos que cando está colocada a bandeira de UK quere dicir que o rei está ausente, polo que non tivemos o placer de coincidir coa súa maxestade Charles III.

Aquí sacamos esta marabillosa fotografía:

E aquí rematamos a nosa segunda visita á fermosa cidade de Londres. Cheos de frío, regresamos ao punto de encontro, Kingston, onde nos despedimos para volver cada un á súa casa.

Iso foi todo por hoxe, pero seguide atentos, pois o mércores iremos comentando máis cousiñas. Polo de agora, unha forte aperta e vémonos no seguinte blog, ata logo!

Aida

Feltham 11-12/10. Integración no cole e tour por Kingston

Bos días a todos e a todas!

Continuamos coas clases e coa integración no cole. Pouco a pouco os nosos rapaces vanse costumando á rutina e á dinámica de traballo do High School, que como poidemos comprobar, non ten nada que ver con España. Estes días, estiveron participando un pouco máis nas leccións, contestando a preguntas e esforzándose un montón para dar o mellor deles mesmos e demostrarlle aos británicos que non lle temos nada que envidiar! Ademais, alégranos saber que están facendo boas migas cos seus compañeiros ingleses.

Pola tarde, quedamos coa nosa guía Noor para dar unha volta por Kingston, e que ela nos ensinara a zona céntrica da cidade; onde ir de compras, tomar algo ou algún que outro sitio para comer ou poder relaxarse. Foinos mostrando o centro comercial The Benthall e o Jonh Lewis, e tamén poidemos observar o Ancient Market de Kingston, un mercado tradicional onde se poden adquirir alimentos frescos como froita, verduras, etc.

Visitamos o paseo situado á beira do río, onde encontramos varios pubs e cafeterías cun ambiente moi agradable, e poidemos disfrutar dunhas marabillosas vistas do Támesis e das pequenas embarcacións que alí se atopaban, así como a boa compañía dos parrulos e cisnes que navegaban tranquilos preto de onde nos atopábamos.

      

Ao día seguinte tíñamos programada unha actividade de baloncesto despois das clases, pero desafortundamente debido á choiva a proveedora decidiu que non era boa idea, así que os rapaces estiveron paseando e pasando tempo xuntos, antes de regresar todos as súas respectivas casas. Como saberedes, aquí anoitece sobre as sete da tarde, polo que os nenos aproveitan o tempo logo do colexio para quedar cos compañeiros, e así non volver á casa demasiado tarde cando xa está escurecendo.

Esperemos que o tempo nos acompañe os próximo días para poder desenvolver as actividades que temos ao aire libre, sobre todo o domingo pois, como xa dixemos, pasaremos o día en Londres, aínda que xa sabemos que o clima de Inglaterra non sempre é o máis agradable.

Vémonos o sábado con máis actualizacións do día a día do grupo, unha aperta a todos e todas, bye!

Aida

Feltham – 9-10/10: primeiros días na Reach Academy

Bos días familias!

Os nosos nenos e nenas comezan por fin a xornada escolar de integración na Reach Academy. Tocou madrugar, pois as clases comezan ás 8:30, e non todos estamos preto da escola. No primeiro día, a encargada do noso grupo na escola, Sam, deunos a benvida e fíxonos unha pequena presentación na que nos explicou cuestións clave, como as normas do centro, os valores, etc. Repartiunos unhas acreditacións e asignoulle un “budy” a cada un. Un “budy” é un neno ou nena inglés que se lle pon de compañeiro para que lle indiquen onde son as clases, a hora da comida, o recreo, etc.

Tiveron clases de todo tipo, historia, literatura, mates, e incluso español. Esperamos que unha vez se vaian integrando, poidan aproveitar as clases de español para participar máis nas leccións.

Á hora do lunch poideron comer con todos os alumnos, e incluso xogar un partido de fútbol no recreo.

Despois das clases, despedímonos, e o algúns do grupo aproveitaron para dar unha volta por Feltham, coñecer os alrededores e pasar un bo rato fóra do ambiente académico.

Ao día seguinte, volta a empezar. Os primeiros días costa un pouquiño ir collendo a rutina, pero pouco a pouco vanse afacendo aos horarios e familiarizándose coa zona.

Esta vez, o grupo decidiu á salida da escola, buscar un lugar para poder xogar ao fútbol e pasar a tarde, mentras Sergio e eu nos aventurábamos a recuperar a súa carteira perdida.

Seguiremos acualizando ao longo da semana, estamos desexando que chegue o finde para volver a Londres de excrusión! Unha aperta 🙂

Aida

Feltham – Chegada e primeira excursión a Londres

Bos días familia!!

Despois dunha longa viaxe con case 7 horas de escala de por medio, por fin chegamos ao noso destino. Os nenos e nenas estaban agotados, polo que cada un marchou para as correspondentes casas de acollida coas host families, e así poder descansar e repoñer forzas para o día que se nos viña enriba á mañá seguinte.

O domingo tivemos a primeira excursión a Londres. Establecemos un punto de encontro na estación de Kingston coa nosa monitora guía Pam. Collimos o tren ata Waterloo e logo o metro. Pam fíxonos un tour pola zona, explicándonos curiosidades históricas sobre os monumentos como a historia detrás do London Eye, tradicións ou acontecementos importantes. Estábamos bastante cansados, polo que sentamos nunhas escaleiras a admirar o río Támesis, e alí os nenos e nenas poideron comer algo e hidratarse.

Puxemos rumbo ao metro, pasando pola ponte de Londres, para dirixirnos ao museo británico. Unha vez alí, o grupo puido disfrutar da variedade de obxectos históricos e exposicións de todo tipo. Logo disto collimos o metro de novo para dirixirnos á seguinte parada, o mercado de Camden. Ao ser domingo, temos que admitir que era un pouco caótico, pois estaba arrebatado de xente, mais valeu a pena. En Camdem poidemos atopar tendas de todo tipo e postos de “street food” con variedade de comida e bebida de todas partes do mundo. Tivemos tempo libre para recorrer o mercado e explorar as distintas opcións; os rapaces poideron pasear e curiosear as tendas, e mercar souvenirs e incluso algunha que outra larpeirada.

Finalmente tivemos que rematar a visita, polo que dirixímonos á estación de Camden para o viaxe de volta. Agotados pero moi satisfeitos, despedímonos en Kingston para regresar ás correspondentes casas. Luns xa empezamos as clases, así que toca descansar e pillar forzas. Ata mañá!

Feltham 7 de outubro – Presentación monitora

Bos días a todos e a todas!

Estades nerviosos/as? Xa estamos contando os días para despegar cara Feltham, onde vos agarda a que seguramente será unha das experiencias máis inolvidables e enriquecedoras da vosa vida.

Antes de que chegue ese momento, vou aproveitar este espazo para presentarme e que me coñezades un pouco mellor. Eu chámome Aida e son do concello de Teo, preto de Santiago de Compostela. Teño 22 anos e son educadora social. Algunhas actividades e pasatempos que me gustan son a lectura, a arte, coñecer lugares e culturas, facer exercicio, a fotografía…

Este é o segundo ano que son monitora no programa Vigo en Inglés, pois en xullo do ano pasado tiven a oportunidade de acompañar ao grupo de Nottingham na súa aventura xunto con outra compañeira, e pasámolo xenial. Tiña moitísimas ganas de repetir experiencia, polo que estou moi emocionada e non podo esperar a coñecervos a todos e todas canto antes!

Estou á vosa disposición, e recordade que unha vez cheguemos ao noso destino eu serei a que vos pode axudar, polo que non teñades problema en acudir a min para calquera inconvinte, preocupación ou dúbida que se vos presente.

Estou segura de que o imos pasar en grande, asi que xa sabedes, ide rematando con esos preparativos de última hora. MOI IMPORTANTE, non esquezades traer o pasaporte, permiso paterno e sobre todo, moitas ganas de aprender!

Xa me despido por agora, vémonos prontiño. Un saúdo 🙂