Boas!!

Boas!! Hoxe na escola celebramos o Dia internacional das linguas!

Boas!

Hoxe tivemos un comezo de día interesante: ás 8:45 un membro do concello de Mynydd Isa veu a coñecer ao noso grupo e fixeron unha pequena presentación sobre Vigo ¡diante de case todos os alumnos! A verdade é que foron moi valentes!

Durante o resto da mañá atenderon ás súas clases coma sempre e xantamos todos xuntos na cantina. A nosa actividade da tarde estivo centrada nos deportes! No mesmo recinto do instituto o grupo xogou un acalorado partido de baloncesto xunto co entrenador e despois todos aprendimos a xogar ao dodgeball, a variante inglesa do brilé. É moito máis complicada porque se xoga con varios balóns e pódese volver ao xogo despois de eliminado se consigues coller un balón. Creo que non collimos de todo o xogo, pero pasámolo moi ben, que é o importante!

¡Isto é todo por hoxe!

Boas!! Comezamos unha nova semana en Flintshire!!

A partir de hoxe as e os estudantes asisten a clase en parellas, así están sempre acompañadas e poden participar dun xeito máis cómodo nas clases. Nas súas horas libres están a traballar nuns pequenos encargos para o Día Europeo das Linguas, que celebraremos no instituto o mércores!

A nosa actividade de hoxe pola tarde consistiu nun paseo pola natureza, concretamente por un parque chamado Wepre Park. Neste hai un río, pontes de madeira, cascadas e ata as ruinas dun castelo dende o cal puidemos disfrutar as vistas dende a altura. Un lugar perfecto para pasear e airearnos un pouco despois de toda a mañá no colexio!

Boas!!

Hoxe foi un día sen actividades no que seguramente todos puidemos durmir un pouco máis que o resto da semana. Algúns das e dos estudantes quedaron para comer, a outros os levaron de excursión e outros simplemente quedaron na casa a descansar para comezar con forza a semana que temos por diante!!

Seguirei informándovos de tódalas nosas aventuras por Gales!

Graciñas por ler!

Boas!! Hoxe tocou excursión de día completo a Chester!!

Xa ás 9:00 fomos recollidos polo noso bus, no que xa viña o grupo de Prestatyn para visitar Chester con nós. Chegamos a Chester ao redor das 10:00 e emprendimos a nosa fría visita. Comezamos con xogo de pistas no que, por grupos, tiñamos que resolver un asasinato. Cada pista estaba estratétixamente colocada en diferentes puntos de interés histórico e turístico da cidade: a muralla romana que a rodea, a ponte na que Daniel Defoe exerceu de espía, o río Dee, o concello, …

Aquí podedes ver aos dous grupos na muralla romana:

Ao completar a actividade tiveron tempo libre para coñecer a cidade ao seu aire, e, a medida que foi avanzando o día tamén se fixo máis cálido! Iso sí, choveu e deixou de chover varias veces! No que respecta ao tempo sentímonos como na casa!! (cuns cantos gradiños menos)

Aquí podedes ver unha foto do grupo no lugar máis icónico de Chester, o reloxo erixido en honra aos 60 anos de reinado da raíña Victoria:

Aquí unhas fotos da cidade, encantounos! A verdade é que é preciosa.

Boas!! Por fin é venres!!!

Hoxe foi un día bastante normal, xa que tivemos clase de 9:00 a 15:00. Coma sempre, xantamos xuntos na cantina e quedamos alí ao remate das clases para xuntarnos todos e ir a coller o bus para a nosa actividade da tarde.

Xa que todo o grupo estaba ansioso por ver algunhas tendas fomos a un área comercial que hai pola zona, onde puideron visitar diferentes tendas e lugares para comer. Ao remate da actividade marchamos todos para casa, xa que mañá imos de excursión a Chester todo o día e necesitamos as pilas ben cargas!!!

Un saúdo e bo fin de semana!

Hoxe foi o noso segundo dia de clases. De novo asistimos a todo tipo de clases: matemáticas, ciencias, historia, ximnasia, … e ao mesmo tempo relacionámonos cos nosos buddies e os seus amigos!

Aqui podedes velos na hora do xantar na cantina do colexio, onde se reunen tódolos estudiantes durante o lunch break de 45 minutos.

Ao rematar as clases, a pesar de que chovía moito, fixemos a nosa actividade a toda prisa a pesar da chuvia. Consistía en dividirse en grupos e pasar unha serie de probas, que consistían en ir sacando fotos a determinadas cousas que íamos atopando polo noso camiño, como por exemplo: un acivro, típico do nadal nos países anglosaxóns, unha foto dos membros do noso equipo saltando, facendo a forma dunha “A”…

Rematamos a actividade nun café onde puidemos beber e comer algo e despois foron recollidos polas súas familias de acollida ou colleron o bus ata casa.

Deixovos aquí unhas fotos da actividade de onte!!

Estas son algunhas das buddies dos nosos estudiantes

Un dos grupos facendo a letra “A”

Hoxe foi o noso primeiro día de clase en Argoed High School. Todas e todos quedamos marabillados co colexio, é enorme! Teñen aulas para talleres de cociña, talleres con madeira, …

Todas e todos coñeceron aos seus buddies, aos que acompañaron a tódalas súas clases de hoxe. Asistiron a clase de galés, español, matemáticas, bioloxía, …

Xantamos todos xuntos durante a pausa, para poder falar de como nos foi o día e despois volveron a asistir ás clases ata as 15:10 que rematou a xornada escolar. A esa hora fixemos unha ruta de orientación para que cada unha e cada un saiban qué bus ten que coller e cal é a súa parada, e fixeron as rutas acompañados ou por min ou polas nosas dúas coordinadoras.

Moitos de nos ceamos hoxe ás 18:00, xa que aquí levan uns horarios un pouco diferentes!

Onte foi un día moi intenso! Voamos de Vigo a Madrid unha hora ante do previsto, debido a cuestións meteorolóxicas. Unha vez en Madrid tivemos que cambiar da T2 á T4, apurando moito coas nosas maletas. Pero finalmente todo saíu ben e ás 17:00 (hora local) chegamos ao aeroporto de Manchester.

Dende alí leváronnos en autobús ata o noso instituto, Argoed High School. Chegamos ás 20:00 e cada un marchou coa súa familia de acollida!

Na foto podedes ver aos dous grupos que voamos xuntos (Prestatyn e Flintshire) á nosa chegada ao aeroporto de Manchester.