Como ides, familias?
Aquí vai a crónica do día, e xa vos vou avisando que hoxe vén cun amplo despegue de reportaxe gráfica.
Comezamos a nosa segunda visita a Londres no mercado de Covent Garden, que se atopa no barrio do mesmo nome en pleno centro de Londres.
Durante toda esta viaxe tiveron tempo libre para pasear ou facer compras e iámonos atopando de novo nas prazas, para facer xuntos parte da ruta. Así algúns foron, por exemplo, ao M&Ms World, que ten unha tenda moi colorida chea de merchandising e destes «chocolates»; ou á tenda de Harry Potter.
Primeira parada en Leicester Square, unha praza peonil no medio do West End londinense.
Algunhas fotos máis de varias paradas polo noso percorrido.
Sitios así de chulos no camiño (e os modelos, como non):
Tamén tiveron tempo de facer as fotos máis instagrameables no barrio chinés de Londres, Chinatown.
A seguinte parada foi Trafalgar Square, que conmemora a batalla que perdeu a frota francoespañola (e xa de volta somos nós a que a invadimos agora).
Nesa mesma praza atópase a National Gallery, o principal museo de Londres.
Parte dos rapaces decidiron ir ao museo e, ao entrarmos, todos sufrimos un pouco da «síndrome de Stendhal». É abraiante a calidade das obras e dos artistas do museo, sen dúbida un dos museos máis recoñecidos a nivel mundial.
Como non, non podían faltar ás fotos coas típicas cabinas telefónicas británicas.
Outros dos grupos dos rapaces decidiron facer algunha foto con lugares «icónicos» de Londres.
E despois de este día tan ben aproveitado, como se aprecia nas súas caras, pode dicirse que o pasamos xenial.
No bus de volta tamén houbo un momento histórico, no que Antía gañou ao parchís.
Vémonos mañá, que toca día de clase. Abur!
Me repito, pero moitas grazas por manternos informadas de todas as vosas andanzas.
Grazas a vós, é moi grato saber que estades detrás da pantalla seguíndoas 🙂