Bo día a todas/os,

Estamos aquí (nós co British rainy weather ☔) un día máis para informar das novidades 🗞️🗞️ das nosas rapazas estes días. Imos aló!

Día 3 (Martes):

Comezamos a mañá na academia de LILA* 🏫coas clases de inglés: 3 sesións de 60 minutos con pausas de 10 para despexarse un pouco.

Logo, ás 12:20 tivemos a pausa para comer e algo de tempo libre antes de dirixirnos á actividade do día. Hoxe tocaba… 🥁🥁🥁 The Royal Liver 🏢! (o primeiro rañaceos de Europa!)

Primeiro, recibimos as instrucións de seguridade, ademais dunha pequena introdución da historia deste emblemático edificio.

Ó rematalo, comezamos a subir ata os pisos máis altos para admirar a panorámica🏙️ da cidade co río Mersey e a península de Wirral.

Os reloxos da torre son máis grandes ca os do Big Ben e comezaron a funcionar na época de King George V.

Puidemos observar a Bertie, un dos dous Liver Birds que protexen a cidade de Liverpool. Bertie mira cara a cidade e Bella cara o mar. Conta a lenda que se botasen a voar, Liverpool afundiría no río Mersey.

Logo seguimos subindo para ter unha experiencia inmersiva dentro da torre do reloxo da historia da cidade.

Día 4 (Mércores):

Un día máis nesta ✨chamativa cidade✨, comezamos coas clases na academia. Pola tarde, tiñamos un tour por… Liverpool Anglican Cathedral (a máis grande de UK) e Metropolitan Cathedral of Christ the King (catholic)! Entre elas son bastante diferentes en estructura e estilo arquitectónico.

Hoxe tiñamos de guía a Kyle, para explicarnos as curiosidades de ambos sitios. Partimos do arco de entrada a Chinatown.⛩️

Primeiro, estivemos na anglicana que é a máis grande de Gran Bretaña. Tardouse 75 anos en construírse e ten o Whispering Arch.

O Whispering Arch en cuestión👇🏻👇🏻

Logo, continuamos o camiño hacia a metropolitana, que ten unha estrutura bastante peculiar (como de carpa🎪).

E isto é todo polo de agora, seguiremos informando!📣

Unha aperta,

a moni Paula.

Paula Rodriguez Rey