Good morning everyone!

Coma todos os días as nenas e nenos pasaron a mañá no High School entre clase e clase. Nótase que estamos na segunda semana e xa todos están adaptados ao sistema escolar nativo. Algún ata tivo exames e os resultados foron moi positivos.

Pola tarde tiveron unha actividade que lles gustou moito, piscina! Pasárono moi ben e disfrutaron moito tirándose polos tobogáns. Non puideron sacar fotos pero conseguín unha para que vexades como eran as instalacións. Na parte superior dereita saen os nenos preparados para tirarse polo tobogán.

Xa estamos na metade desta experiencia, cando menos o pensemos xa estaremos de volta nas nosas casas… Habería que saber a quen lle pasa máis rápido o tempo, se aos pais ou aos nenos. Tendes ganas de que volvan a Vigo?

See you!