Bo día familias!
Hoxe o blog chega pola mañá porque onte foi un día suuuuper completo! (e xenial!)
Foi o segundo día collendo o bus cara Ormiston Academy, esta vez todos xa sabiamos cal coller, onde collelo e como. E saiu todo perfecto!
Pola mañá tiveron clases como xeografía, historia, matemáticas.. E ata xa tiveron o seu primeiro exame, qué avanzadas!
Unha vez rematadas clases, fomos o coller o bus e… menuda aventura, parecían os Vitrasas de Vigo cos retrasos que levaban.
Finalmente chegamos ó centro de Norwich e a rapazada tiñan unha fame enorme (parece que custa adaptarse ós horarios de Reino Unido) así que pedíronnos e rogáronnos se podían parar no subway e… como dicirlles que non? Se é que ó final son un amor…
Unha vez feita esta parada técnica para recargar enerxías, comezamos o noso paseo polo río.
O primeiro que fixemos foi pasar por debaixo de Pulls Ferry, cun precioso canal e sendo un dous lugares máis recoñecíbeis de Norwich.
Unha vez pasado este canal xa comezaron as fotos preciosas, porque o lugar daba para moito.
Logo achegámonos ata o Bishops’s bridge, a última ponte medieval que queda na cidade, a cal era a única entrada a esta ata o século 19!
Por estes camiños de bosque e árbores preto do río puidemos ver: O PRIMEIRO ESQUÍO! Sabemos que Londres é famoso polos seus esquíos pero aquí en Norwich non viramos un aínda, ata onte!
Logo pasamos pola Cow Tower, lugar dende onde defendían a cidade e que ten 15 metros de alto.
Durante todo o paseo estivemos observando os restos dos muros da cidade, que forman en total 4 quilómetros de longo e 6 metros de alto.
E así chegamos ata o que se cre o pub máis vello de toda a cidade, Adam & Eve. Hai moitas historias sobre este lugar, no que din que está encantado coa pantasma de Lord Sheffield. Din que desaparecen cousas, móvense plantas, péchanse e ábrense portas e ventás… Pero hei de dicir que a nós, máis que medo, pareceunos precioso e aproveitamos para sacar un par de fotos!
Por último, como final do paseo, chegamos ata a Catedral, que visitamos no seu perímetro e que conta coa tumba dunha enfermeira que ocupouse de curar a toda a xente que puido na guerra, foran enimigos ou aliados. Din que a mataron os do bando enimigo pero que morreu feliz de poder salvar a toda a xente que puido.
Foi un paseo estupendo. Deunos tempo a sacar mil fotos, ver sitios preciosos e a falar un montón. Estamos facendo super boas migas con todxs, son realmente xeniais.
Creo que podo dicir que somos o mellor grupo de Norwich!!! ❤️❤️❤️❤️
Agora deixámosvos con algunhas fotos máis que sacamos nós e sacaron elxs. A ver se vos gustan tanto coma a nós!
Un saúdo enorme,
Lara e Alaska.
Me encanta el resumen del día!!!!me consta q se lo están pasando genial!!!!!una gran experiencia
Jo e nós con elxs. Encántanos este grupo estamos pasándoo super ben, son un amor!!