Good afternoon, families!

Onte foi un día intenso. Despedidas e horas e horas nos aeroportos. Esta experiencia chegou ao seu fin despois de 3 semanas. Creo que aos rapaces se lle pasaron rápido e todos querían quedar máis tempo. Pronto se acostumaron ao uniforme e os “packed-lunch” e, como non, aos seus compis galeses. Creo que iso vai ser o que máis botarán de menos, as amizades que fixeron.

Pero os pais e nais seguro que estabades desexando que volveran á casa, porque, aínda que pareza que non, a estas mozas e mozos bótanselles en falta.

Pois coas nosas chaquetas vermellas e azuis tocaba pasearnos polo aeroporto de Mánchester, pasar un control bastante tedioso e comprar os últimos regalos para famila e amigos. Chegamos a Madrid e xa si que isto estaba chegando ao remate. Despois de 2 horas de espera había que coller o último voo destino a Vigo para ás 23.20 poñer pé na nosa terriña, e a partir de aí xa fostes testigos de todoso os abrazos e bicos.

Foi un pracer compartir estas 3 semanas con todas e todos vós. Os momentos “difíciles” pasaron a un segundo plano ao ver que eles desfrutaron da experiencia e  vós, as familias, estabades felices polas vosas fillas e fillos.

P.D.: Candela, Isa, Marta, Paula, Mencía, Luis, Galo, Pablo, Nico, Iago, Tomás e Carlos… non me olvidarei de vós, e espero que vós de min tampouco ;-).

Bye, bye!!!