Boas familias!!
Botabadesnos de menos? Estes días non tiñamos moito que contar, polo que decidimos xuntar un par de días para poder facer unha entrada de blog decente 😅 Perdoade as molestias ocasionadas 🤭
O mércores fixemos por fin o tour polo centro de Dublín que estaba planeado para o martes pero que tivemos que cancelar por mor da choiva.
O noso guía foi un profe do cole, Justin, e levounos polo Trinity College, o barrio de Temple Bar, Christ’s Catedral, e O’Connell e Grafton Street, dúas das avenidas importantes e comerciais do centro.
Pasámolo ben, aínda que xa coñeciamos a meirande parte das cousas que nos ensinaron, ao levar aquí xa dúas semanas. O que sí aprendimos foi algo da historia da cidade.
Onte, xoves, voltamos ao Saint Anne’s Park, onde facemos os deportes, para xogar á búsqueda do tesouro. Tiñamos unha serie de preguntas que resolver, e para algunhas tamén había que sacar fotos.
Estivemos entretidos un anaco, pero ao final acabamos algo enfadados porque os que gañaron fixeran trampas buscando cousas en internet. Tamén esperabamos que houbese un tesouro escondido por algures, así que algúns estaban un pouco decepcionados.
Pero, para compensar, rematamos a actividade antes do que rematamos normalmente, así que tiveron máis tempo libre do habitual, polo que todas as mágoas esvanecéronse enseguida 🤭💃
Hoxe toca tarde na bolera e mañá excursión, así que seguramente tamén vos contemos os dous días xuntos (por se mañá non tedes noticias nosas 😅)
Bicos e apertas!! 🤗
