HEADINGTON – 08/10 – TEST E DESPEDIDAS

Boas, Familias!!

Hoxe nos dous coles tivemos unha mañá entretida. No Cheney School estaba de cumple a buddy de Mia e Hugo, Misbah. Para celebralo, levou gominolas e galletas e xs rapacxs dedicáronse a decoralas con pintura comestible.

Pola contra, no St. Gregory School, tódolos martes hai unha assembly do year 10 ás 8:45, antes de comezar as clases. Como era a nosa última asemblea, tocounos dar un pequeno discruso agradecendo ao centro, aos mestres e aos alumnxs o ben que nos trataron.

Ao lado dxs rapacxs podedes ver algúns pés (xa sabedes que o tema fotográfico está difícil aquí), polo que vos podedes imaxinar tódalas cadeiras en forma de “U” e unha sala bastante amplia chea de xente.

Un pouco máis tarde, despois do primeiro break que vai de 10:45 a 11:05 agardamos a que chegase Nadia, a coordinadora da empresa de aquí, para ter unha reunión co director do cole, Mr. Sean Tucker, e así agradecerlle persoalmente o que fixeron por nós durante estas tres semanas. Por sorte, como Nadia chegou un pouquiño tarde, tivemos tempo para preparar o que iamos dicir.

Despois da xornada lectiva, os mesmos de sempre subimos ata o Cheney para, esta vez, facer o test de nivel de inglés. Haberemos mellorado algo? Seguro que sí! 🙂
Por certo, hoxe foi a nosa última subida da colina, polo que comezamos a sentir algo de morriña xa 🙁

Unha vez rematadas as tarefas, chegou o momento de despedirmos de Dylan, o coordinador do Cheney School. Cada alumnx fixo unha valoración persoal destas tres semanas no colexio e, despois, cada un recibiu un diploma que acredita a súa participación neste programa de inmersión.

Mañá é o noso último día aquí, polo que hoxe os ánimos xa se notaban un pouco máis decaidos. Non queremos marchar! De tódolos xeitos aproveitaremos ata o último intre como ten que ser 🙂

Biquiños!

HEADINGTON – 4&5/10 – FREE EVENING AND… LONDON CALLING!!

Boas noites Familias!

Onte, venres, despois da escola tivemos tarde libre e algúns foron descubrir novos lugares de Oxford.

Os demáis fixeron os plans de sempre ou se reservaron para o día de hoxe, sábado, xa que ía ser longo.

Ás 9 da mañá collemos o bus que nos levaría a Londres no Cheney School. Esta viaxe fixémola coa compaña de 3 estudantes máis que están nun programa similar ao noso. 

A iso das 11 xa estabamos na capital e reunímonos coa que sería a nosa guía, Ellie. Baixamos do bus no London Eye, enfronte de Houses of Parliament e do Big Ben, aínda que estaba en obras e non o puidemos ver en todo o seu esplendor.

Ellie contounos algunhas curiosidades sobre o London Eye, como que ten 32 cápsulas pero están numeradas do 1 ao 33, xa que o 13 é o número da mala sorte en UK. Contounos tamén que en Houses of Parliament había unha norma moi antiga que prohíbe beber dentro aos menores de 5 anos. Que cousas teñen estes ingleses!

Dende alí puxemos rumbo ao Jubilee Bridge, que nos levaría ata Trafalgar Square.

Trafalgar Square

O seguinte destino foi Buckingham Palace. Polo camiño vimos o sitio onde decapitaron a Carlos I e as estatuas de ferro da raíña Elizabeth I e Jorge VI, pais da actual raíña, Elizabeth II. Aprendimos tamén que, se no alto do palacio ondea a bandeira do Reino Unido, significa que a raíña non se atopa nel. Pola contra, se Elizabeth II está no palacio, a bandeira que ondea é a do seu selo.

Para voltar, pasamos polo parque de St. James, onde comezamos a ter fame, polo que nos diriximos a Leicester Square para comer e ter algo de tempo libre para explorar, xa que había tendas diferentes e chamativas e tamén estabamos ao lado de China Town.

St. James Park

Coas pilas cargadas seguimos o camiño cara a Picadilly Circus e Golden Park, onde atopamos algo que nos chamou moito a atención.

Xa para rematar, demos unha pequena volta máis e pasamos por Vigo Street, unha rúa no centro de Londres que desemboca en Regent Street, unha das rúas máis importantes e comerciais de todo Londres.

Aínda que nos tería gustado contar con máis tempo para coñecer máis sitios, polo menos puidemos facernos unha idea xeral do que é a cidade, o cosmopolita que é, e alucinamos coa cantidade de turistas (e españois) que nos atopamos por alí.

Agora toca descansar e xa veremos o que nos depara o día de mañá.

Manterémosvos informados, biquiños! 🙂

 

HEADINGTON – 02 & 03/10 – GOLF E XOGOS

Boas noites Familias!

Aquí estamos de volta.

Onte, mércores, o día na escola pasou como un día máis. A única diferenza era que non podiamos conter a emoción de só pensar na actividade que íamos ter pola tarde: mini golf!!

Como esta actividade era no centro de Oxford, os do St. Gregory non tivemos que subir ata o Cheney por un día, menos mal! O punto de encontro era o Westgate, ó que algúns fomos andando e, xs máis lacazáns, en bus.

Unha vez estivemos todos alí, repartíronse as pulseiras para poder entrar nos circuitos. Como eramos moitos, dividímosnos en grupos de 8 e iamos entrando cada 10 minutos, para non estorbarnos os uns aos outros. Unha das cousas que máis nos sorprendeu foi que máis que un minigolf parecía unha discoteca, con luces de cores, música, etc.

Pedimos desculpas de antemán, xa que debido ás condicións do sitio as fotos que sacamos non foron todo o boas que quixeramos, polo que non imos poder compartir demasiadas convosco. Supoñemos que xa vos decatastes de que na foto anterior falta xente. É porque un grupo xa entrara a xogar, pero as fotos onde estamos todxs non se ven nada ben 🙁

De tódolos xeitos, aquí vos deixamos as que puidemos rescatar.

Por certo!! Un dos circuitos estaba personalizado para dous dos nosos rapaces, vaia coincidencia!! jaja

Ao rematar todxs coincidimos nunca cousa: pasámolo xenial! 🙂
De aí, algúns deron unha volta curta polo centro comercial antes de voltar á casa, e outros foron dereitiños para ela, xa que estes días está a facer un frío de tolos!

Hoxe, xoves, os mesmos de sempre volvemos subir ata o Cheney despois da escola. Subir a famosa costa non fixo que deixaramos de estar conxelados por moito que apuráramos o paso. Semella que estamos en Siberia!

Unha vez alí, Ben esperábanos para comezar coa actividade da tarde. Comezamos xogando a clase contra el e xs rapacxs dicíanlle adiviñas para ver se as acertaba.
Despois puxémonos en círculo e xogamos a un xogo no que tiñamos que pasar a tixeiras á persoa do lado dicindo I’m passing the scissors crossed ou uncrossed, dependendo dunha cousa que non imos revelar por se algún día estes volo queren ensinar 😉

Cando todxs adiviñaron o truco do xogo, pasamos ao seguinte. Neste tiñamos que dicir cousas que caberían nunha cesta de picnic, pero tamén tiña trampa. Non importaba o significado das palabras que diciamos se non as palabras en sí. Como podedes imaxinar, tampouco imos revelar este segredo jaja

E ata aquí por hoxe, xa vos contaremos como vai o último día da semana e o que fan xs rapacxs na súa tarde libre.

Biquiños! 🙂

 

 

HEADINGTON – 30/09 – School and afternoon riddles

Boas noites Familias!

Hoxe na escola foi un día normal no que ás clases se refire, pero no St. Gregory School houbo unha novidade. Temos 3 alumnas novas! Hoxe foi o primeiro día nesta escola de Lucía, Naiara e Julieta. Estiveron ben contentas coas súas novas asignaturas e xs novxs amigos que fixeron. Ademais, xs rapacxs que xa estaban nesta escola adoptaron o rol de anfitrións e presentáronlles a tódolos seus amigos, polo que se sentiron coma na casa dende o primeiro intre. 🙂

Ao rematar a escola, coma sempre, puxemos rumbo ao Cheney School. Agora Julieta, Naira e Lucía xa entenden por que pedimos que algún día baixen elxs ao St. Gregory: a súper costa matadora! Aquí temos que engadir unha cousa que aínda non vos contamos: a rúa na que desemboca esta costa chámase Hill Top Road, ou “a rúa da cumbre da colina”. Non teñen sentido do humor nin nada estes ingleses…

Os plans de hoxe, que consistían en algo moi British como é xogar ao cricket, truncáronse por mor do tempo. No Cheney esperábanos Ben para facer uns xogos. O tema dos mesmos foron riddles, ou adiviñas.

Para comezar, Ben escribiu unhas pistas no encerado e tiñamos que adiviñar a cousa da que se falaba. Despois contounos un conto que gardaba un enigma que tamén tivemos que adiviñar. Para rematar dividiu a clase en grupos e cada un deulle unha lista de adiviñas. Cada grupo tiña que pensar a resposta e dicirlla a Ben. Se era correcta el arrincaba esa adiviñanza da lista para que o grupo seguise coas outras, e ao grupo que menos adiviñas lle quedaran por respostar sería o equipo gañador.
Aquí deixámosvos unhas fotos para que vexades o transcurso da actividade.

 

Para este xoves, Ben pediulles que pensasen adiviñas de España para xogar un Beat the teacher xunto coas preguntas de verdadeiro e falso que nos pedira sobre Vigo.

Rematada a actividade, como aquí están a caer chuzos de punta, hai que buscar cobixo aqí que… todos para a casa!!

E ata aquí o día de hoxe, mañá traeremos máis novas.

PD: aquí deixámosvos un dos enigmas que tivemos que resolver esta tarde, a ver se sodes tan listos coma nós.
Se queredes, podedes deixarnos as vosas respostas nos comentarios, a ver se acertades 😉

What are moving left to right, right now?
Que se está a mover de esquerda a dereita agora mesmo?

Biquiños! 🙂

HEADINGTON – 25/09 – Misa en St. Gregory School e tarde de deporte

Boas noites, Familias!

Esta mañá celebramos o día de San Gregorio, santo que dá nome ao St. Gregory School. Hoxe non era o día oficial deste santo, pero esperaron ata hoxe para facer a festa xa que o día 3 só estaban na escola os estudantes do year 7.

Ás 9:30 dirixímonos ao Sports Hall que se volveu igrexa durante unha hora. Nel, o staff do cole puxera un altar e decorara o pavillón con diferentes símbolos do Cristianismo.

A misa oficiouna un dos axudantes do Obispo de Birmingham. Algúns dos alumnos da escola subiron ao altar a ler diferentes frases e, para demostrar a diversidade da escola, esas mesmas frases foron traducidas á primeira lingua doutros estudantes, como Portugués ou Polaco entre outras. Por suposto, houbo representación española nesas frases e a encargada de ler foi a nosa rapaza Candela. Iso sí que é integracion, ben por ela! 🙂

Ao rematar puidemos falar un pouquiño cos monxes que acompañaban ao bispo, e mesmo con el!

O resto do día na escola transcorreu con normalidade e, ás 15.00, como de costume, collemos rumbo ao Cheney School. Xa vai sendo hora de que eles baixen algún día… ¬¬

Hoxe tivemos bastante sorte co tempo, xa que non choveu ata case chegar ao Cheney, cousa que non esperábamos porque unhas nubes negras como o carbón ameazaban con botar o diluvio universal.

Cando chegamos, fomos directos ao pavillón do colexio. Alí xa nos estaban esperando os alumnos do Cheney, impacentes. Unha vez todos xuntos, tivemos que facer os equipos para xogar ao brilé, mais houbo algún problema para elexir aos capitáns, así que unha das monitoras pechou os ollos e sinalou a dous dos estudantes para desenrolar tal papel. Despois veu a parte fácil: elexir aos equipos…

…e comezar a xogar!!

Unha vez rematado o partido, como aínda tiñan un anaco para seguir xogando, cada un escolleu o que prefería facer.

E con isto en un biscoito… Ata mañá!

Biquiños 🙂

 

HEADINGTON – 23/09- SCHOOL AND QUIZ

Boas tardes familias!

Como bo luns, ás 8:30 comezamos o cole, aínda que as nosas xornadas comezaron bastante antes para todos. Isto non custa tanto como en Vigo porque aquí amence moi cedo e é un gusto erguerse xa coa luz do sol. 🙂

Como o prometido é débeda, aquí tedes a foto do St. Gregory School. Pensabades que no esquecéramos, eh? 😉

Cando rematamos a xornada lectiva, os coitadiños do St. Gregory volvemos subir ao Cheney para facer a actividade da tarde. Outra vez tivemos que subir a nosa mega costa favorita ¬¬

Unha vez alí, esgotados e algo mollados porque polo camiño comezou a chover coñeceron a Ben, un dos profes que monitorizarán as actividades das tardes.

Comezaron facendo un xogo para romper o xeo e que Ben soubese os seus nomes. Para iso, o grupo sentouse en círculo. Ben dicía o seu nome e a persoa que estaba á súa dereita tiña que decir o seu, e así sucesivamente ata que se completaba o círculo.

A dificultade estaba en que tiñan que dicilo rápido (tiñan que conseguir pechar o círculo nuns 20 segundos) e algúns quedaban paralizados cando lles tocaba o turno, o que ralentizaba o xogo e provocaba as risas dos demáis.

Por último, e antes de comezar coa actividade, cada persoa tiña que dicir o seu nome e unha cousa que soubese de Londres. Algúns non tiñan moita imaxinación e dicían cousas do estilo: falan inglés, taxis, buses, etc, o que tamén fixo as delicias dos demáis que rían sen parar.

Unha vez rematadas as presentacións, Ben asignou un número a cada persoa do círculo, do 1 ao 5, para formar os grupos. Unha vez todos os 1, 2, 3… estiveron xuntos, repartiuse o quiz sobre Londres.

Os grupos tiñan que decidir se as frases do quiz eran verdaderas ou falsas. Se acertaban, gañaban un punto. Se a resposta era incorrecta, perdían un punto.
Aquí tedes a táboa de resultados. A cariña chorando significa que, segundo Ben, os diferentes grupos non estaban falando tanto inglés como deberían, xa que a primeira regra do xogo era Speak in English.

Aquí vos deixamos fotiños dos diferentes grupos.

Agora toca a cea e para camiña cedo que se non mañá non rendimos!

Write you tomorrow!

Biquiños 🙂

 

 

HEADINGTON – 21 & 22/09 – FREE WEEKEND!!

Boas noites Familias!

Pensabades que nos olvidáramos de vós? Pois non, aquí estamos de volta!

Esta fin de semana foi Family weekend, polo que o grupo puido desfrutar de tempo coas familias (se tiñan algún plan) ou aproveitar para explorar a cidade.

Onte, sábado, algúns tiveron plan coas familias, como xa dixemos, outros foron ao Westgate, un centro comercial moi grande que hai no centro da cidade, outros aproveitaron a ocasión para pasear tamén polas rúas de Oxford, e outros quedaron coas familias, como xa dixemos.

Ata aquí todo ben. A cousa comezou a complicarse un pouquiño á hora de voltar á casa. Algúns non atopaban a parada do autobús, a outros non lles parou o bus aínda que estaban na parada, e cousas polo estilo. Son as aventuras dos primeiros días!

Hoxe, domingo, comezamos a xornada cunha reunión para asegurarnos de que tiñan claros certos puntos importantes para o bó desenvolvemento do programa. Reunímonos todos ás 11.30 na biblioteca do Cheney School e, como chovía, algúns chegamos molladiños coma pitos. Isto pasounos tanto aos que tiñamos paraugas como aos que non. A quen se lle ocorre vir a Inglaterra sen un?? Igual pensaban que viñan ao Caribe!

Unha vez rematada a charla (ou chapa, dependendo de a quen lle preguntedes xD ) os rapaces volveron ser libres e, como o día anterior, tiveron plan coas familias ou tempo libre.

Se o sábado, a anécdota foi a volta á casa, o domingo tamén habería algo que contar. Un dos nosos rapaces, cruzando o parque polo que ten que pasar para chegar á casa, atopou unha compañeira de viaxe. Bueno, en realidade, unhas cantas: eran bastante grandes, tiñan catro patas, dous cornos… eran vacas! Pero bueno, cada un elixe aos compañeiros de viaxe que prefire jaja

Non pensedes que só eles teñen anécdotas que contar: cando o grupo marchou, as monitoras quedamos pechadas na biblioteca e tivemos que esperar a que alguén pasara por diante para que nos rescatase. Xa pensabamos que iamos durmir alí!

Se botades en falta a alguén nesta foto, non vos preocupedes, estaban de plan familiar 😉

Aquí deixámosvos mostras do que estiveron a facer durante estes dous días.

At Cheney School

Viaxe en familia a Londres!

Oxford

Westgate Shopping Center

Having lunch at Nando’s!!

Westgate Shopping Center

Oxford

Por certo, algúns foron ao xardín botánico da universidade de Oxford e quedaron apampados con algunhas das plantas que viron.

Como xa vai sendo tarde e mañá é día de escola, ímosvos ir deixando. Temos que cargar as pilas para a semana tan intensa que imos ter: cole, actividades, excursión, etc.

Mañá máis pero non mellor, porque é imposible!

Boas noites, biquiños! 🙂

HEADINGTON – 20/09 – 1st day at school

Ola, Familias!

Hoxe foi un día moi longo. Erguémonos moi cedo, preparámonos e puxemos rumbo aos nosos respectivos coles. Algúns camiñando, outros en bus, outros en taxi… algúns máis cedo e outros non tanto, pero o importante é que chegamos! 🙂

Como xa sabedes, 17 estudantes estarán facendo a súa integración no Cheney School, mentres que 5 deles a farán no St. Gregory School. Neste último eran bastante estritos co tema dos móbiles (incluidas as monitoras), polo que non foi posible sacar fotos aquí. Prometemos que o luns poderedes ver esas fotos 🙁

Recibíronnos nas escolas cos brazos abertos e a algúns ata lles fixeron un carné VIP (con foto e todo!!). Nada máis chegar, a cada estudante asignáronlle un buddy, que será o seu guía na escola durante estas tres semanas. Aquí deixamos a única mostra da que dispomos do St. Gregory School, dun dos rapaces co seu buddy.

O alumnado que estaba no Cheney School tivo bastantes horas libres (cousa que cambiará a partir do luns, moi a pesar deles), mentres que a outra parte tivo clase de 8.30 a 15.10 (nosos coitadiños!). Iso si, fixeron un lunch break como Deus manda, a partir das 12.30 uns, e das 12.45 outros.

Unha vez rematada a xornada lectiva, reunímonos todos no Cheney School. Os que viñan do St Gregory School tiveron que subir a costa máis longa da súa vida… e logo falan de Vigo! Dende alí seguimos camiñando, xa todo o grupo, cara ao barrio de Headington, onde tiveron un pouquiño de tempo para explorar a zona.

Ás 17.00 voltamos ao punto de encontro, o Cheney School, onde algunhas familias esperaban polos rapaces. As monitoras dividímonos para acompañar a algúns á casa, en taxi ou en bus, xa que tivemos que reubicar a un dos estudantes. Todo sexa polo seu benestar! 🙂

Ata aquí o día de hoxe, con cada paxariño descansando xa no seu niño.

Esta fin de semana terán a oportunidade de coñecer máis ás súas familias, xa que tanto mañá como o domingo serán family days.

Manterémosvos informados!!

Boas noites, biquiños!! 🙂

NORWICH 11/10 – Último Día

¡Muy buenas! o… ¿debería decir muy malas? 🙁 ¡Qué penita nos da irnos!

Hoy fue el útlimo día y, aunque nos fuimos un poco antes del cole, hubo tiempo para todo: fotos, risas, algún llanto, muchísimos abrazos, y hasta un simulacro de incendios. Vamos, que no nos dio tiempo a aburrirnos.

img_20161011_125240

img_20161011_125637

img_20161011_130648

img_20161011_130731

whatsapp-image-2016-10-11-at-19-07-46

img_20161011_132308

Esperando a que el simulacro terminara en el parque de detrás del cole

Cuando por fin conseguimos salir del cole fuimos a reunirnos con Kim a Forum, donde tuvimos un ratito libre antes de entrar a las 3 en el Norwich Castle, nuestra última actividad. Esto nos ayudó a pensar en otra cosa y dejar la tristeza con la que salimos del cole un poco de lado, ya que el museo de este castillo no es un museo al uso… Ahora entenderéis por qué 😉

img_20161011_163505

whatsapp-image-2016-10-11-at-23-04-52

whatsapp-image-2016-10-11-at-19-09-35

En el carro de Boudica

whatsapp-image-2016-10-11-at-19-07-48

vestidos de romanos

whatsapp-image-2016-10-11-at-19-08-19

la pequeña dragona

Como véis, nuestro último día fue algo agridulce, pero el sabor de boca que nos llevamos de vuelta a España no podía ser mejor 🙂

Mañana nos espera un larguíííííísimo día, ya que el autobús nos recoge a las 4 de la mañana y nos esperan algo más de 12 horas de viaje… Así que, ¡a descansar!

Good night!!! 🙂

 

NORWICH 10/10 – Tarde libre

Hello!!

Hoy fue nuestro último lunes en Norwich, y cada vez que pensamos que tenemos que irnos… la tristeza nos invade 🙁 Por la mañana vinieron al cole algunos representantes del programa Vigo en inglés, entre ellos la Concejala de Educación del concello de Vigo y el Director de Newlink, la agencia de cursos en el extranjero que se encarga de organizar el programa. Estuvieron hablando con los niños un rato sobre qué tal había sido la experiencia, qué mejorarían, qué les había gustado más, etc.

Por la tarde tuvimos tarde libre, así que algunos decidieron acabar de ultimar compras, quedar con los buddies y empezar a despedirse, ya que mañana tenemos la última actividad del curso por la tarde.

Ayer, domingo, aunque era nuestro último día libre, algunos decidimos dar un paseo y comer en familia 😀 Familia de patos que pasea unida, jamás será vencida (mamá pato dixit 😉 )

Mañana escribiremos la última entrada de este blog, ya que la aventura se nos acaba aquí pero, aunque nos dé pena, nos llevamos recuerdos inolvidables y muy buenos amigos que esperamos volver a ver muy pronto, así que aprovecharemos el último día como si fuera el último 😀 Podéis ver todas las fotos en la galería de imágenes de Newlink.

Lots of kisses!!!

img-20161010-wa0013

img_20161009_115714

paseo del domingo: Norwich City Football Club Stadium =)