Boas, xentiña!
Espero que tiverades un bo domingo, aínda que seguro que botastes de menos ás vosas fillas e fillos.
Como o prometido é débeda aquí vos deixo algunhas das fotos que me pasaron os vosos rapaces, para que vexades como foi o día coas súas familias de acollida. Vese que moi ben e, ademais, non deixa de ser unha boa escusa para seguir practicando o inglés do día a día.
Pablo e Juan, por exemplo, comezaron o día almorzando un auténtico English Breakfast. Moi rico, polo que me dixeron, pero difícil rematalo todo. Unha vez que colleron forzas, a súa familia levounos a un sitio moi chulo a 10 min de Colchester.
Un almorzo contundente, moi light non podemos dicir que sexa, non
A familia de Anxo e Sabela levounos, pola contra, ao centro de Colchester. Aquí os podemos ver na Water Tower e o Hole in The Wall, que se atopan nas inmediacións do castelo. Remataron o día vendo a peli de Elvis, en versión orixinal, por suposto (hai nivel).
Hole in the Wall coa Water Tower e dous guiris ao fondo
O mesmísimo Elvis, the movie
Por outra banda, Uxía e Elisabeth pasaron un día de praia en Clacton-on-sea coa sua familia. O sol inglés tampouco perdoa, mesmo que esteamos nestas latitudes, así que lentes de sol e sombreiro se fai falla.
Nas toallas, coas casetas de cores no fondo
Contentas cos seus soft ice-creams
Germán e Alonso pasaron un día máis caseiro: primeiro foron á piscina e despois tiveron a típica barbacoa familiar dos domingos; e para mostra estas fotografías.
Coral e Claudia estiveron en Clacton-on-sea e se atoparon de casualidade con Antía, Lola, Daniela e Lara (aquí tamén pasan estas cousas, xa vedes), así que aproveitaron para pasar un ratiño xuntas. Déixovos a foto que fixo Coral e que «testemuña o momento».
Na zona recreativa de Clacton Pier
Día de praia de Antía e Lara coa súa host family
Outras das nosas rapazas, Carla e Paloma aproveitaron para dar un paseo polo seu barrio e despois tamén remataron en Clacton-on-sea, sen dúbida o destino máis popular de hoxe.
Carlota e Alba probaron un dos pratos británicos por antonomasia: o fish and chips e, máis tarde, tiveron un plan totalmente distinto, xa que o seu host father levounas a navegar coa canoa (planazo!).
No caso de Hugo C., Gabriel e Miguel leváronos a un verdadeiro club social inglés e alí xogaron ao billar, como tres verdadeiros gentlemen.
Por último, algúns como Pablo e Juan ata se atreveron a cocinarlles unha verdadeira tortilla española á súa host familiy. Ole por vós, rapaces!
Espallando a gastronomía española por terras británicas
E iso é todo por hoxe. Mañá toca clase e comezo de semana, coidádevos!
