Ola por primeira vez familias!
Estamos moi emocionadas de contarvos como foron estes días ata o de agora. Xa estamos instaladas e comezamos coa rutina!
A viaxe foi looooonga, mooooi looonga, e difícil. Despois de despedirnos no aeroporto embarcamos rumbo a Madrid, no que tivemos que agardar 7 horas para coller o avión que nos levaría a Londres. Deunos tempo para todo: mercar comida, pasear, durmir, xogar e aburrirnos. Pese a estar tanto tempo esparcidos, conseguimos chegar todas enteiras a Reino Unido e sen esquecer nada (só pequenos sustos).
Raúl pilotando o avión que nos levou a Madrid
Collimos o bus cara Southwold, parando en St Francis (o internado de outro grupo que viaxaba con nós) para cear. Primeira cea inglesa un 10! Foi lasagna! E había tamén opción vexetal. Todo con zume, patacas… de todo!
Unha vez rematada a cea voltamos ó bus xa dirección St Feliz. Alí chegamos bastante tarde polo que foi pis, pixama, dentes e para cama (non sen antes matar uns cantos mosquitos…)
SÁBADO
Espertamos e tivemos o almorzo ás 10:00: croissants, napolitanas, zume, tostadas, iogures, leite… Todo moi doce e rico.
Despois de almorzar tivemos tempo libre para lavar os dentes, desfacer maletas, facer o pack lunch e investigar! Descubrimos as salas comúns con billar, ping pong, sofás, cartas, instrumentos musicais… de todo. Non imos ter tempo de aburrirnos.
Saímos directas para o pobo xunto con Alex, un dos nosos profesores e vixiantes do internado. Fomos ata a praia, visitamos o muelle e xa nos volvimos locos nos recreativos.
As monis facendo o tonto coa rapazada
Dirixímonos cara a rúa principal e fomos ver as tendas e tamén os supermercados, que xa tiñan ansia de mercar. Aínda non estamos afeitas a só comer un pack lunch de picnic.
De volta ó internado volvimos ter tempo libre para duchas, falar, xogar e agardar con ansias ó máis es perado do día: a cea!
Ceamos súper rico: patacas asadas, anacos de polo con salsa, ensalada… e de postre croissants con chocolate ou mousse.
E parecía que remataría aí o día pero… non! Aínda quedaba a fogueira con malvaviscos, qué bonita!
Unha vez rematamos e entramos, tiveron tempo para relaxarse antes de ter que ir ás habitacións ás 21:30/22.00 e rematar así o primeiro día en St Felix School.
DOMINGO
O noso segundo día comezou con algo moi inglés: un brunch! Tomámolo as 11:00 e tiña ovos, bacon, alubias, patacas, pan e mais todo o do almorzo do día anterior.
Comezamos ben cedo saíndo ás 12:10 para ir ata o muelle de donde sairía a actividade de hoxe: coastal voyager. Unha lancha motora dende onde poder ver a costa de Southwold e ir ben rápido, e incluso viron unha foca dende lonxe!
Algúns deles, que remataron a actividade de primeiros puideron ir ata o centro da cidade antes de voltar ó internado.
Pasámolo xenial!
Unha vez de volta na boarding house tocou cear, tempo libre e reunión na sala de xogos para por fin coñecer os horarios e clases que ían ter esta semana. Que nervios!
Xa vos contaremos que tal foron as clases no blog do mércores 😊.
Deica logo!!
Un saúdo familias 🧡
De Lara e Belén.
Aquí deixamos algunhas fotiños máis (sabemos que a calidade non é a mellor pero logo subirémolas todas para que as poidades ter)
