Ola familiaaas! 🌿

O sábado foi un día moi especial, tivemos excursión! Sempre estamos desexando que chegue a finde para saír por aí, neste caso tocaba Cambridge, a cidade universitaria por excelencia, de feito no 2011 a Universidade de Cambridge foi posta no ranking coma a número 1!

Saímos non moi cedo pola maña, ás nove, así puidemos durmir un pouco. Fomos en autobús e alí estivemos con outros dous grupos. 69 persoas nun autobús!! Foi duro pero conseguímolo.

Unha vez chegado alí tivemos que correr porque tiñamos unha visita ó Pembroke College. É o college (basicamente é o que aquí chamamos residencia) máis grande da universidade é o terceiro máis vello. Quedamos todxs alucinadxs… Era preciosa, non podiamos imaxinarnos vivindo alí e espertandonos cada mañá con esas vistas… Imposible de pensar pero moitxs responderon rápidamente que si á pregunta de se estudariamos e viviriamos en Cambridge.

Neste mesmo college visitamos a súa capela, que foi a primeira deseñada por Sir Cristopher Wren. Pequeniña pero práctica e bonita.

Pasamos por moitos rincóns de Cambridge, polo museo, os demáis colleges, a casa do Senado… que despois no tempo libre, se querían, poderían visitar máis ó detalle.

Puidemos ver The Corpus Christi Clock, un reloxo que tomou 7 anos e 200 inxenieiros, escultores, científicos e reloxeiros para crealo. Non minto cando digo que estivemos alí dous minutos vendo como se movía.

Tamén entramos en The Fudge Kitchen, que o fudge e unha especie de caramelo, típico aquí co que se fan uns postres de diferentes sabores riquísimos! Tivemos a sorte de que nos deixaron probar, cada un tivo un anaquiño de fudge do sabor que preferise e algún decidiu mercar máis do rico que estaba!

De feito aquí adxuntamos probas do que desfrutaron con el:

Chegamos ata o famoso Newton’s tree. I e que supostamente, é a mítica árbore dende a que caeu a mazá que deu lugar a lei da gravidade. Aínda que, sentimos decepcionar pero, non é a árbore exacta, é un esqueje dun esqueje da árbore orixinal.

Fomos ata a universidade principal e tivemos a sorte de que estaban de graduación!! Todxs vestidos coas capas e as carapuchas, cada unha coa cor que representara o seus estudos. Foi incríbel ver a tanta xente alí!

Unha vez aquí, démoslle tempo libre tanto para comer coma para visitar a cidade. Tiñan aínda moito por ver: o museo, o mercado, o río, os centros comerciais, etc. Tamén querían mercar os suadoiros orixinais da Cambridge University e algúns souveniers.

Aquí foi o que fixeron algunhas:

Cando xa foi hora de marchar atopámonos con todxs e tiñan moitísimo que contar, aproveitaron o tempo. Xa de camiño cara o bus sacamos algunhas últimas fotiños cunha das pontes que cruzan o río.

E volta a Norwich, ó chegar moitxs xa voltaron a casa e cearon coas súas familias. O domingo tocaba día libre así que tiñan tempo de verse.

Aquí deixamos algunhas fotos máis de Cambridge que sacaron tanto elxs coma nós delxs.

O domingo foi día libre e vamos se o aproveitaron! Non estivemos xuntas pero estás son algunhas fotos que nos enviaron:

A quen si que nos atopamos foi ó “equipo recreativos” que dende agora imos chamalos así porque están obsesionados!!

Sentimos a tardanza deste blog pero como vedes era longo e ben cheo!!

💛💛💛💛💛💛

Creo que esta finde pasárono xenial (polo menos nós o fixemos con elxs) e veremos o que nos depara a semana na academia The English Experience! De seguro que aprenderan moito inglés coas profes nativas.

Un saúdo suuuuper forte, estamos moi contentas co grupiño 💛,

Lara e Alaska.