Ola, seguidores das nosas aventuras!
Hoxe tivemos oportunidade de introducirnos na parte máis antiga de Norwich, como xa sabedes una das cidades medievais mellor conservadas de Inglaterra. Mapa en man, comezamos o día ao lado do mercado, para dirixirnos cara o Guildhall, o edificio que se encargaba de recolectar os tributos da cidade durante a Idade Media.
Barrio da catedral
A cidade de Norwich, e o condado de Norfolk en xeral, pertencen a unha área de Inglaterra que mantivo una tradición rural que se perpetuou dende a Idade Media. Así a maioría do centro da cidade sigue mantendo as ruelas empedradas e pódese observar con facilidade que se trataba dunda cidade amurallada.
Vista sobre o río Wensum
Continuamos a visita por a parte de The Hallls, chegando ata o río Wensum. Alí, Ellen contounos a historia de cando a Peste Negra asolou a cidade. Resulta que as casa de Elm Hill aínda acubillan de cando en vez as almas en pena de aquelas persoas que pereceron naquel entón.
Nos alrededores de Elm Hill
Foi o caso da familia que vivía xusto ao principio da rúa. Eles foron os primeiros en contrater a Peste en todo Norwich, así que os veciños pensaron que a mellor maneira de erradicala era tapiando a casa na que vivían con eles dentro. Despois de varias semanas, cando abriron a casa descubriron, horrorizados, que os pais tiñan mordedelas nos brazos moi grandes para ser de rata: a filla máis vella tratara de comelos!
Cow Tower
Pois sí, os ingleses teñen moitas historias de fantasmas e lugares encantados. Nós continuamos a nosa visita pola outra beira do río, ata chegar a Bishop Bridge Road, que onde se encontra a ponte máis antiga de Norwich, tamén no seu momento única entrada a cidade. Logo seguimos ata Cow Tower, a torre vixía e o adro da catedral.
Despois do cuestionario sobre a Catedral, posamos no claustro interior
Un día cheo de aventuras e de cousas interesantes que contar. Sen dúbida quedounos claro que a Norwich é un lugar con unha historia moi rica.
Mañá toca descansar coas host families, pero o luns volveremos por acá para contarvos as últimas novidades.
See you here!
