Bos días dende o County Clare!
Hoxe tocou quentar motores e prepararnos de verdade para o Show que imos tener nas escolas o último día. Canto e baile irlandés para mostrar aos nosos compañeiros de Ennistymon o que aprendimos nestas tres semanas.
Comezamos co canto coa axuda de Ronan, que de novo veu coa súa guitarra a mostrarnos as súas capacidades e a súa paciencia connosco. Porque mira que nos custa eso de cantar alto e afinar…
Pode ser que comezaramos con poucas ganas e cantando baixiño, pero a actitude aberta e divertida de Ronan axudounos moito a soltarnos ata o punto de poder cantar sós e case sen axuda.
Continuamos a actividade cun ensaio do baile que Patrick comezou a ensinarnos a semana pasada. Polo menos podemos dicir que pasamos de patos mareados a parecer “algo” irlandeses, que xa é moito.
Houbo moitas risas e tamén moita vergoña, pero pasámolo moi ben! Así que agora só nos queda agardar con ganas o que nos traerá o día de mañá!
Un saúdo do Ennistymon Team!
Podéis ver todas las fotos en la galería de imágenes de Newlink.