Godalming 29/09 – Xenial visita a Londres

Vale, primeira “gran excursión”, a Londres nada menos! Así que imos facer desta unha entrada especial porque a visita mereceu a pena e o domingo, que é o día coas host families sen actividades comigo, tomamos un descansiño de internet 😉

Pois así con esta alegría chegamos á Waterloo Station a media mañá, unha das estacións de tren máis grandes de Londres:

E daí comezamos un tour pola capital inglesa guiados por Suzie, o noso contacto local, cunha primeira parada no famoso London Eye, unha zona eminentemente turística (aquilo parecía a ONU con xente de medio planeta) pero sempre animada e curiosa:

Daí fumos camiñando á zona do mítico Big Ben e as Houses of Parliament, para o que cruzamos o tamén mítico Westminster Bridge. Pena só que o Big Ben estivera de obras e cuberto de andamios (seica van durar 4 anos!). Esta é unha foto na ponte deixando o London Eye atrás e co río Támesis por debaixo.

E nesa localización tan popular, como non, nunca poden faltar as fotos nas tamén tipiquísimas cabinas inglesas que saen nas pelis (e que están plenamente operativas, por certo):

Andando un pouquiño máis (en verdade o centro de Londres non é taaan grande e é moi fácil de percorrer a pé, digo por se vindes de visita), por fin nos atopamos co grupo de Sunbury, un encontro que estaba programado antes pero os trens hoxe ían todos un pouco lentos. Os de Sunbury son o grupo do progama máis próximo a nós xeográficamente pero que non víramos desde a chegada a Inglaterra.

Foi unha alegría ver o reencontro de bos amigos no centro londinense! Igual que cando se despediron cun “vémonos en Brighton o próximo sábado” (estaremos alí con eles novamente). Así, como se tal cousa, os vosos fillos e fillas xa son “cidadáns do mundo” que quedan cos colegas en tal ou cal cidade inglesa como se nada 😉

Ben, aquí tendes unha foto conxunta dos dous grupos acompañados dalgúns dos seus respectivos buddies locais enfrente de Buckingham Palace, residencia oficial da monarquía británica e centro de recepción dos grandes magnatarios estranxeiros:

E así pasounos o día, paseando á beira do Támesis, descansando no St James’s Park, curioseando por Piccadilly Circus, facendo algunhas compras no Covent Garden (fixeron todo en inglés!) e, en definitiva, desfrutando dunha cidade cosmopolita e vibrante nun espectacular día de sol.

O tempo foise voando e tivemos que regresar a Godalming, claro, así que non vos estrañe que cando volten a casa intenten convencervos de visitar Londres outra vez… Hoxe foi só un aperitivo! 😉

E deixade que volo diga, é un gustazo de grupo. Foi un día fantástico. Realmente, é un prazer estar con todos os vosos fillos e fillas que en todo momento tiveron un comportamento exemplar. Nótase que aquí hai boa madeira para grandes adultos no futuro 🙂

PD. Fixemos moitas fotos máis, que conste, que van sendo subidas pouco a pouco a Flickr. Se aínda non tendes a ligazón ao álbum completo tranquis, que haivos chegar en breve. Aí veredes todas as instantáneas con maior calidade por se as queredes descargar, imprimir, etc.

Godalming 25/09 – Primeira visita a Guildford

Ready for day 2?

Hoxe comezamos o día con… un simulacro de incendio no instituto! Obviamente non era momento de tirar fotos porque é unha cousa bastante seria e formal, como comprobamos en persoa. Desde logo foi toda unha experiencia que vivimos como se fóramos da Broadwater School “de toda a vida” 😉

O segundo día lectivo xa foi diferente ao sabermos moito mellor como funciona todo, así que pouco a pouco imos entrando na normalidade inglesa.

Iso sí, pola tarde tocou ir explorar un pouco os arredores e collimos un tren ata Guildford, que é a localidade máis grande de camiño a Londres e cidade de referencia dentro do condado de Surrey. Realmente chegamos en nada.

En Guildford a nosa guía local, Suzie, plantexou un xogo no que tivemos que visitar algúns dos lugares máis emblemáticos desta cidade comercial. Aquí abaixo está ela organizando os grupos que contaron máis unha vez coa simpática presenza dalgúns buddies ingleses.

En definitiva, botamos un ollo e agora coñecemos a cidade para a próxima visita, que será na última semana. Ou sexa, we’ll be back 🙂

Ah, e para que vos fagades unha idea do bonita que é esta zona, aquí vai de despedida unha panorámica desde o castelo de Guildford!

Visita institucional en Exeter e despois… boleira!!

EXETER

Comezamos un novo día diferente a todos os que levamos vividos até o de agora: recibimos a visita de Newlink e do concello!

O director, Rick Jolley, recibiu á Olga, ao Pedro e ao Chema ás dez da mañá. Despois dunha explicación sobre o instituto e o sistema educativo inglés, catro estudantes galeg@s e @s buddies correspondentes uníronse ao grupo para contarlles a súa experiencia. Foi unha charla distendida na que quedou claro que…. @s vos@s fill@s queren quedar aquí e @s ingles@s queren que queden!! Están a facer moi boas migas e se cadra aparecen o día 17 con algún buddy na maleta!

Recepción co alumnado_opt

Despois desta reunión xuntámonos co resto do grupo para que tamén el@s puidesen compartir as súas vivencias. Chema, Pedro e mais Olga preguntáronlles sobre a escola, as familias, as actividades e a experiencia en xeral e tod@s querían dar a súa opinión.

Charlando co alumnado 3_opt

O encontro estaba a ser moi proveitoso, pero chegaba á súa fin: @s visitantes tiñan que poñer rumbo a Tiverton para coñecer a outr@s estudantes!

Foto de grupo cos membros do concello e de Newlink_opt

Volvemos á nosa rutina agardando pola ansiada actividade desta tarde… a boleiraaaa!!!! Puxemos os nosos zapatos molóns e repartímonos en grupos para ocupar as pistas.

Na boleira  3_opt

Comezaba o espectáculo!! Bóla vaiiii!!! Bóla véeen!! Bolos que caen e bolos que non queren caer!!

Alicia lanzando_opt

Para moit@s de nós era o noso primeiro contacto cos bolos… e non foi tan mal! Mesmo algúns conseguimos non quedar de últim@s J

Despois de dúas partidas e unha cea americana puidemos aproveitar o resto dos xogos que había na zona recreativa. Isto é un non parar!!

Até a próxima, familias!