Queridas familias,

Achegámonos ao final! Este mércores foi o último día en Nottingham, e como non podía ser de outra forma e podedes imaxinar, disfrutamos ao máximo cunha xornada de descanso pero tamén de diversión tras tres semanas de esforzo nas aulas.

A mañá foi moi tranquiliña, nas clases os rapaces recibiron as notas do project que entregaron onte (que foron moi boas por suposto!) e puideron relaxarse vendo unha peli. Unha das dúas clases nas que están divididos, por exemplo, viu Orgullo e Prexuízo, o filme que se grabara en Chatsworth House, o obxecto de visita da nosa primeira excursión de día completo! Fíxolles moita ilusión 🙂 e ao rematar a clase déronlles unha tarxetas con dedicatorias de todos que emocionaron enormemente ás profes Lauren e Janaya.

A clase de Janaya!

Algo despois tivemos unha despedida todos xuntos no salón de actos do cole, no que se lles fixo entrega dos certificados que recollen toda a información académica importante destas tres semanas: os resultados dos exames, das presentacións en grupo…todo consta nese papel xunto ao seu nivel oficial de inglés e comentarios individuais.

Posteriormente desfrutamos dun apacible lunch no Arboretum, o parque preto do cole ao que xa fomos algunha vez na primeira semana, e despois puxemos rumbo á bolera xunto cas profes. Foi unha partida moi intensa, xa que todos os cinco grupos nos que nos tivemos que dividir estabamos moi igualados, así que pouco importou ao final quen quedou en que posto dado que tivemos todos resultados bastante similares. Para algúns foi a súa primeira vez e hai que recoñecer que foi de sobresaínte!

Cando rematamos de xogar, tivemos a despedida coas profes. Intercambiaron palabras de aprecio, abrazos, e fixeron fotos con elas, un aplauso para Lauren e Janaya por ser as mellores profes!

Mañán será un día longo e tamén a última entrada sobre esta marabillosa experiencia, nós deixámosvos aquí antes de que nos poñamos cursis. Vémonos axiña familias.

Unha aperta

Noe e Aida

🙂 A clase de Lauren (+ Pablo Pillado de infiltrado)

Bo día a todos 🙂

Moi tristemente, entramos na recta final da nosa estadía, qué rápido pasou o tempo!!!!

Precisamente este foi o tema máis sonado das conversacións no break e lunch deste luns: cómo voaron os días nesta especial experiencia. Houbo reflexións sobre como o comezo foi un pouco frouxo, xa que as primeiras actividades non foron as favoritas de ninguén…pero tamén había moito entusiasmo respecto á pasada semana, e moitos comentarios de cómo se sentían contentos coa experiencia e co ben que o están a pasar.

Tras moito falar nestes dous momentos de recreo, partimos cara a council house, onde traballan a alcadesa e outros cargos importantes do concello, coma o sheriff de Nottingham. Foi xustamente o ex-sherrif da cidade quen nos acompañou polo tour que fixemos nas instalacións, xunto ao guía que nos ía explicando feitos históricos importantes da cidade, por exemplo a visita da raíña Isabel II de Inglaterra, da que puidemos apreciar diversas fotos tomadas na mesma sala na que nós fomos recibidos ao chegar.

En canto rematou a visita, quedamos un rato polo centro e demos unha volta pola praza maior de Nottingham, na que acaban de montar unha feria de verán, cunha praia artificial e todo. ‘Vémonos’ mañá no teatro familias!

Saudiños

Noe e Aida

Buscando un osiño de peluche camuflado nun cuadro de Isabel II

Moi boas queridas familias,

Este foi o último sábado do programa e polo tanto, e tristemente, última excursión de día completo dos nosos rapaces 🙁

O día empezou moi cedo, madrugramos moitísimo para coller o bus que nos levaría a Cambridge, a coñecida cidade no Reino Unido famosa maioritariamente pola súa universidade. Acompañounos Janaya, a profesora que ensina xunto a profe Lauren no cole e que é experta na cidade, e levounos unhas dúas horas chegar, nas que os rapaces estiveron caladiños xa que algún non se despertara de todo aínda.

Unha vez chegamos, fixemos un percorrido polo centro. Vimos o mercado da cidade, paseamos polas rúas principais, nas que están algunhas das 31 colleges que constituyen a University of Cambridge, e detivémonos nun parque a tomar o noso lunch. Cando xa finalizamos, dirixímonos preto do parque ao muelle de punting, actividade típica da cidade que consiste en navegar nun bote no que unha persoa (o punter) rema cunha vara moi moi longa que se impulsa ao tocar no fondo do río. Foi unha actividade moi amena, na que nos tivemos que dividir en tres grupos e que permitiu algo de relax mentres víamos de lonxe algúns dos colleges e escoitábamos feitos históricos que nos ía contando o punter.

O grupo 1 e o grupo 2 cruzámonos no percorrido polo río!

Foto co punter 🙂

Posteriormente, tivemos a sorte de visitar un dos colleges, o Corpus Christi College, no que vimos a súa capela e os seus patios interiores, e finalmente tiveron algo de tempo libre para explorar a cidade: algúns foron ao Fitzwilliam Museum, no que hai antigüidades; outros foron mercar souvenirs para vós os pais jeje…

Pouco despois collimos o bus, e así finalizou o día. Entre Chatsworth House, Newstead Abbey e Cambridge, sen dúbida podemos afirmar que foi este último o que máis lles gustou, polo que cabe decir que rematamos os sábados on a high note (por todo o alto)!

Bicos

Noe e Aida

Boas a todos e todas!

Hoxe, antes de comezar as clases, a coordinadora local levounos a unha sala para falar con todos, onde nos deu unha sorpresa. Xa sabiamos que algo andaba argallando posto que o project que debíamos facer hoxe adiantouse, e ademais pediunos que levaramos roupa abrigada, mmm sospeitoso…

Pois resulta que hoxe tivemos a oportunidade de ir facer patinaxe sobre xeo! A coordinadora conseguiu facer unha reserva no National Ice Centre que se atopa saíndo do centro da cidade. Así, despois dunha mañan de clases na que continuamos co proxecto, diriximonos ao centro para comezar a prepararnos para a aventura.

Despois dunha odisea para atopar as tallas correctas, e a preocupación dalgúns por ser a súa primeira vez, logramos montarnos nos patíns e salir á pista; ata as monitoras nos animamos! Debemos admitir que algunha caída houbo, pero ningún accidente grave, e ata descubrimos algunha que outra estrela do patinaxe artístico. En calquera caso, todos e todas se axudaron mutuamente, dándose as mans para non caer, e incluso botaron algunhas carreiras. Deixamos por aquí unhas fotiños para que vexades mellor como foi a experiencia 🙂

Bos días familias!

Este xoves foi completamente diferente ás tardes habituais, xa que transcurriu completamente na escola. Isto debeuse a que, para que os rapaces puidesen ir facer patinaxe sobre xeo o venres, tívose que adiantar a actividade do project, que era a que estaba orixinalmente planeada para ese día.

Habitualmente marchamos á actividade do día cara as 2 da tarde, ao finalizar o lunch, pero neste caso houbo volta ás aulas. Como podedes imaxinar foi entón un día de bastante traballo, se temos en consideración as clases da mañá.  Xa vos falamos do project nunha das nosas primeiras entradas, dado que era un traballo que lles pediron ao comezo da estadía que fixeran de forma extracurricular, progresivamente segundo foran visitando sitios e facendo as diversas actividades das tardes. O obxectivo este xoves era avanzar un pouco máis con esta tarea que busca reflexar a perspectiva sobre a experiencia de cada estudante (en inglés, por suposto!), e algúns rapaces incluso xa estiveran traballando nel na casa e viron con notas e todo.  Non imos negar que é a súa actividade menos favorita do programa…pero bueno mentres traballaban puideron falar entre eles, compartir ideas, escoitar música, etc; polo que puideron estar algo de relax.

O project entregarase o próximo martes e as notas serán dadas o mércores, nós temos moitas ganas de ver os resultados e ler as impresións de cada un!

‘Vémonos’ mañá na pista de xeo 🙂

Noe e Aida

Ola xentiña 🙂

Aquí estamos un día máis loitando contra a ola de calor en Europa que vós os pais xa pasastes recientemente, pero que nós aínda experimentamos agora. Aínda por riba marcharon os franceses e foi algo triste e estraño, xa que os rapaces notaban a falta do ruído que facían eles nas aulas e nas súas casas.

A idea orixinal de hoxe tratábase de visitar un molino en funcionamento, pero o noso traxecto facíase a pé e as temperaturas eran tan extremas, que ao final tivemos un cambio de programa e rematamos indo ao minigolf, cousa que compraceu moitísimo aos rapaces.

Puideron escoller eles con quen ía xogar, iso máis o efecto de que había aire acondicionado…xa foi o máximo, por suposto.  Ao cabo dunha hora empezaron a chegar os primeiros grupos: algúns estaban contentos, outros algo máis cansados (xa que o percorrido total consistía en 18 ocos), outros aínda tiveron a sorte de gañar una ronda gratis! En xeral quedaron todos satisfeitos coa actividade, polo que a nós púxonos tan contentas coma se tiveramos xogado e todo jej.

Saudiños a todos

Noe e Aida

Coloma e Lucas coa súa ronda gratis 😀

Moi boas a todos/as!

Hoxe, ao igual que o sábado anterior, tocou excursión. Pegamos un bo madrugón para dirixirnos a onde o autobús nos esperaría para poñer rumbo a Sherwood Forest, un bosque moi coñecido por ser parte da lenda de Robin Hood, e posuír unha árbore centenaria onde se conta que o ladrón agochaba os botíns.

Tras este paseo, diriximonos a Newstead Abbey, a mansión na que habitou o poeta Lord Byron. Os rapaces e rapazas disfrutaron moito da visita aos xardíns e ao precioso lago que se sitúa a carón da vivenda, así como das distintas salas cheas de cadros, obxectos, roupa e mobiliario da época. Tamén vimos unha sala interactiva na que puideron deixar a súa pegada, igual que fixeron no castelo de Nottingham.

Ata pronto!

Aida e Noe

Boas xentiña,

Este venres foi un día de moita aprendizaxe cultural. Primeiro na escola, onde os diversos grupos nos que están repartidos os nosos rapaces fixeron exercicios de diferente tipo, por exemplo escoller un prato típicamente español e elaborar a receta en inglés. Como comparten clase cos franceses e eles teñen que facer o mesmo, é unha dobre aprendizaxe cultural, toma xa! Despois no recreo houbo novas rondas de lectura de cartas, xa que algúns se enteraron do xogo e entroulles a curiosidade por probar jeje…

Pola tarde fomos ao castelo de Nottingham, no que había moita variedade de cousas relacionadas con Robin Hood: simulacións de tiro con arco, xogos, contacontos…

Outras cousas que había eran cuadros e obxectos relacionados coa historia da cidade, acompañados de vídeos informativos de persoas caracterizadas da época, para que houbese máis facilidade para meterse nos acontecementos. Tamén algunhas salas eran incluso interactivas, como unha na que se podían deixar notas, na que claramente os nosos rapaces quixeron deixar a súa pegada 🙂 Finalmente demos unha volta polo arredor, no que había un xardín con ‘atraccións’.

Un biquiño

Noe e Aida

Bos días xentiña!

A xornada deste xoves foi algo accidentada a decir verdade. As clases progresan adecuadamente, cos rapaces sendo moi traballadores e completamente dispostos a cooperar coas profesoras, pero recibiron malas noticias. Debido a un erro, a actividade de escape rooms tivo que ser movida ao luns, cousa que desanimou moito aos rapaces…Pero pronto conseguimos un novo plan para sustituilo: Stonebridge Farm.

Trátase dunha granxa nas aforas de Nottingham na que puidemos ver diversos animais e acaricialos. Incluso vimos tamén algún inusual como o suricato! Posteriormente, tivemos un anaco de relax e diversión nas mesas e parque que forman parte da granxa: cartas, que son ‘la vieja confiable’, xogos de preguntas, etc.

Poderíamos dicir que aínda que tiñan moitas ganas do escape room, quedaron bastante conformes coa visita á granxa xa que había moitos animais e puideron interactuar bastante con eles.

Vémonos o venres!

Noe e Aida

Un bo fuet na hora do ‘lunch’ para matar a morriña

Boas tardes lectores,

Como xa sabedes, pola mañá os nosos rapaces tiveron clase, que transcurriu como de habitual. Parece que xa están un pouco asentados no seu nivel, pero van ter que aproveitar porque a coordinadora de estudos xa lles avisou que a dificultade irá incrementando progresivamente, e eles están definitivamente agardando que ocurra, para engadirlle algo de picante ás cousas. 

Despois do apacible lunch, tiñamos visita a un dos museos da cidade, o contemporáneo, que a decir verdade, decepcionounos un pouco porque era algo pequeno. Sin embargo, ao ser un recorrido curto puidemos pasar un bo anaco preto do río Trent. No transcurso deste momento de relax, algúns decidiron aproveitar un pouco o sol e tumbarse, mentres que a maioría colleu unha baralliña española e xogaron a cousas diferentes: o mentiroso, o culo (renomeado pola nosa Carmen como ‘the bottom’ en inglés jeje)… E incluso descubrimos que temos diversos lectores do futuro no noso grupo, por exemplo Abril, que nos ensinou a ler a vida amorosa da xente nas cartas. 

Vémonos mañá na entrada sobre o escape room, actividade da que os rapaces teñen moitas moitas ganas. Un saudiño!

Noe e Aida