Hi families!
Today was our first day at Ormiston Victory Academy and it was exciting!!
Hoxe o alumnado coñeceu aos seus buddies no high school. Os e as buddies serán aqueles compañeiros/as ingleses cos que estarán ao longo deste programa. Xuntos acoden as clases que figuren no seu horario: maths, PE, arts, drama, literature, photography, mandarin, etc.
A emoción foi máxima cando se reuniron todos na cantina, todos desexando coñecerse e saber con quen irían. Aínda que tamén había moitos nervios!
O resto da mañá transcorreu de maneira normal no centro educativo: foron as clases, estiveron coñecendo aos compañeiros ingleses no break e no lunch time.
Cando finalizaron as clases, reunímonos todos na recepción e, dende alí, dirixímos cara Norwich coa nosa guía local Ellen, que tamén nos está axudando a coñecer as rutas e horarios de autobuses para logo podelo facer pola nosa conta.
Xa en Norwich, pola tarde, comezamos a nosa visita paseando polo centro comercial, onde tiveron tempo libre para explorar as distintas tendas e coñecer a moda e os productos ingleses.
Ao longo do percorrido, entre outras, camiñamos por Tombland (cunha marcada historia da época da Peste Negra), Elm Hill (unha rúa preciosa na que aínda se conserva o espírito de antano) e Norwich Market (un mercado fixo onde se pode atopar dende productos frescos, a comida preparada, souvenirs, roupa, etc).
Tamén coñecimos a Facultade de Artes e Deseño da Universidade de Norwich, o City Hall e algunhas igrexas. Falando de igrexas… Norwich ten más de trinta igrexas medievais dentro dos muros da cidade! Tantas hai, entre as que manteñen o status de igrexa e as que tamén se empregan para outros eventos, que isto deu lugar a unha lenda popular:
“Legend has it that Norwich possesses 365 pubs (one for each day of the year) along with 52 churches. So you can repent in a different one every Sunday.”
Este tour serviulles tanto de orientación, para ubicar onde están as tendas, cales son as rúas principais etc; e tamén para coñecer un pouco da historia desta cidade, coñecida como a cidade medieval máis completa de Inglaterra.
Logo de rematar a actividade e, dacordo coa hora límite de chegada á casa que lles permiten as host families, algúns foron pasear un chisco máis pola cidade!
PD: Algunhas fotos que nos envían os rapaces, son uns artistas e tamén se nota que están adentréndose de cheo na cultura británica con esas ceas tan completas:
See you tomorrow!
Alaska e Lara 🤍