Hello!
Este sábado fomos de excursión a Liverpool, todos tiñamos ganas de visitar a cidade dos The Beatles!
Chegamos arredor das 11 da mañá e o autobus deixounos na parte do porto chamada The Royal Albert Dock. Demos unha volta para ver a zona e tamén algúns se subiron á noria para ver as bonitas vistas da zona.
Despois xa era hora de comer así que fomos ata a área comercial Liverpool One onde hai sitios de restauración e tamén moito espacio para comer ao aire libre. Cando rematamos, fomos a explorar a cidade e, como non, a comprar algún que outro souvenir. Liverpool é unha perdición para ir de shopping…
O tempo non chegou a nada, quedaríamos a pasar o día enteiro se puidésemos, pero tocaba volver a Flintshire.
Póñovos algunhas fotos para que vexades unha parte da viaxe. Se queredes ver tamén algún vídeo, visitade a conta de Instagram @prestatyn.flintshire e xa veredes como chegou a muiñeira a Liverpool.
Bye, bye!