Boa noite familias!
Como cada xoves, hoxe tivo lugar o mercado en Market Square no que algúns dos nosos rapaces aproveitaron para mercar algunha cousa no descanso da mañá ou xa pola tarde.
Mañá teremos as presentacións finais dos proxectos, polo que os grupos estiveron pulindo os últimos detalles dos seus traballos así como practicando as exposicións orais.
Ademáis, as profesoras prepararon un listening no que os rapaces propuxeron cancións para unha actividade final de completar a letra das cancións.
Despois de comer tivemos unha primeira actividade referida a xogos e exercicios relacionados cos efectos visuais.
Na segunda parte da tarde recibimos unha clase de ceroc dance, un estilo de baile que fusiona diferentes estilos en parella e que é moi popular aquí no Reino Unido. Ademais do profesor, viñeron tamén un grupo de bailaríns para poder guiarnos mellor durante a clase.
A algúns costounos máis ca outros adaptarnos ao ritmo pero, unha vez repetimos a rutina de baile un par de veces, xa puidemos desfrutar da actividade e pasalo ben todos xuntos.
Volvemos mañá con máis novidades!
Javi e Ana.