Volve Ashford en National Vigographic!

Retransmitindo desde o condado de Kent para as familias de Vigo. Este grupo volve a carga despois dun domingo pasado por auga. Iso sí, no afternoon púdose ver un fermoso arco da vella desde as casas de acollida.

As/os estudantes volveron as clases e tamén as excursións. O luns 24 xogaron aos bolos divididos por equipos:

Depois Paul e Jill, actuais teachers e tour guides, leváronos ata Designer Outlet, un centro comercial diseñado para facer as compras, tomar un café ou levar as nenas/os a xogar no Playground.

Por suposto que non foi a primeira vez que viñeron e pode que tampouco a última.

O martes comezaron as clases cambiando as dinámicas e os exercicios xa que o alumnado, dividido en dous grupos, non estaban super interesados/as en ter soamente clases de inglés ou, polo menos, coas propias lessons. Cousa rara que boten de menos bioloxía, historia, matemáticas, etc, pero así é. Así que acabaron cantando e facendo novos proxectos.

Despois do lunch dirixímonos ata o pobo costeiro de Broadstairs. E unha vez máis esas sentences de Paul quedaránnos no recordo para toda a vida: “Listen..listen…listen”, “Closer…closer…closer, I dont gonna bite you” ou “Be careful crossing roads”.

Alí camiñamos pasando por distintos comercios e pola casa onde se criou Charles Dickens ata que chegamos á praia. Mentres uns xogaron ao fútbol outros deron unha volta pola zona.

O mércores foi un día de clases e de tempo libre pola tarde. Para darlle emoción nos breaks polas mañás organizouse uns torneos de futbolín, ping-pong e FIFA, que son os pasatempos entre clase e clase. Foi emocionante ver como participaron e xogaron deportivamente. A final de cada xogo realizaouse o venres. Velaquí como nos prepararamos para as finais.

O xoves volvemos de excursión a Canterbury. Desta vez para visitar a maxestuosa e histórica Catedral e para ter tempo libre para visitar os fermosos lugares que amosa esta cidade de encanto.

Foi unha pena ver que, como moitos edificios antiguos, estaban reparando unha das entradas da vella muralla que rodea a Catedral de Canterbury así como a propia catedral. Igualmente podemos observar e respirar un entorno cheo de historia, relatos e arquitectura medieval.

O venres 28, esta mesma mañá, xogáronse as finais dos torneos durante o break do lunch.

Hoxe terán algo de tempo libre aínda que moitas xa saben que en nada volven as clases en Vigo e hai deberes que rematar. Aquí están a gusto sen certas preocupacións académicas. Están a coñecer máis sobre Inglaterra e a vida nesta rexión de Gran Bretaña. Xa nos queda menos dunha semana para estar de volta e regresar a Galicia.

Volveremos cunha morea de fotos!

Hello there,

Que tal vai a cousa por Galicia? Por aquí a rapazada xa está asentada e a piques de se empadroar 🙂

A nosa viaxe comenzou no aeroporto de Vigo con algo de intranquilidade xa que estes paxaros están comezando a voar fóra do niño.

Os dous grupos fóronse coñecendo nesta travesía. A primeira parada foi no Burger King… perdón, en Madrid. E logo directos para Heathrow.

Superados os numerosos controis e a fronteira en United Kingdom lograron chegar xunta as familias que os agardaban para a primeira cea.

O venres introducíronlles as aulas e espazos do instituto, ou máis ben a universidade, que goza dun hall para estar relaxados, comer, facer deberes e, sobre todo, poder xogar ao ping pong, xbox ou futbolín (parece que isto é o que máis lles gusta. Xa veredes fotos).

Coñeceron ao gran profesor Paul, o cal é moi peculiar e está claro que non se olvidarán del.

Que concentrados/as estaban facendo o test de inglés.

Fixeron un tour polo centro que lles serviu para ubicarse mellor. Preto do Ashford College hay un pequeno centro comercial cerca, un parque, un cinema e a estación de tren.

Ao día seguinte fomos para a estación onde coñecimos a Pouchant, Puxan, Puchan…a saber como se escribe. Él foi o noso guía turístico por London onde visitamos os lugares máis emblemáticos da cidade como o British Museum, Chinatown, o Big Ben (que por fin está reparado), a Abadía de Westminster, Piccadilly Circus, etc.

En canto ao domingo a rapazada pasou o día facendo algún plan coa familia, como ir a Canterbury para comer no Nando´s, ir de compras por Designer Outlet de Ashford ou visitar a cidade dando paseos.

A partir do luns as clases comezan máis seriamente. Sen embargo, a expectación por facer a actividade Trampolining at Flip Out creceu a medida que pasou a mañá. Era máis grande do esperado, con moitas colchonetas e música de ambiente. De seguro que gastaron as enerxías. Hoxe durmirán plácidamente.

Xa superamos a adaptación na pequena cidade de Ashford. A relación coas familias vai vento en popa e no Ashford College tamén se sinten cómodos/as.

Contarémosvos máis na seguinte aventura. Até a próxima!