O xoves 7 de xullo, despois de xantar na catedral (coma sempre), Ben, un novo monitor, levounos en bus ata o destino.

A viaxe foi interesante canto menos. Peterborough entrando nunha ola de calor e Boris Johnson dimitindo… o bus estaba que botaba fume!!!

Cando chegamos, tivemos que camiñar durante 15 minutos xa que estes recreativos estaban un pouco afastados do centro urbano.

Hollywood Bowling sería o destino. Un espazo recreativo onde podías atopar dende a bolera, billar, máquinas de gancho ata xogos de arcade.

Fixemos catro equipos de sete e dividímonos nas respectivas pistas. Tiñamos dúas partidas cada equipo, e para algúns, o xogo estaba moi  loitado, pero para outros, como as monitoras, non había forma de remontar e fomos machacados dende o principio.

Cando as partidas remataron, o nenos dividíronse polos diferente postos de xogos da zona de arcade. Algúns trataban de coller un moneco ma máquina do gancho, outros xogaban ao hockey de aire e outros poñían en dubida as habilidades de conducción das monitoras mirandoas xogar ó Mario Kart.

Marchamos, e de camiño á parada dos bus o sol era abrasador e a espera foi longa, pero todos chegamos ben e cuns victoriosos nos bolos.

O mércores 6 de xullo comezou cunha boa nova para todos os estudantes, pois neste día as clases remataron media hora antes para poder disfrutar dun pouquiño más de tempo en Ely, o noso destino do día.

Tras acabar con antelación as clases e coller o tren cara Ely, dirixímonos á casa de Oliver Cromwell a cal tivemos a oportunidade de visitar, onde aprendimos sobre a vida do que foi o “Lord Protector of the Commonwealth” dende 1653 a 1658.

Unha vez visitada a casa dunha das personaxes más importantes da historia inglesa, encamiñámonos á catedral de Ely, que se convertiu no noso punto de encontro para esta tarde.

Unhas voltas ás rúas principais despois, voltamos a estación de tren para coller aquel que nos levaría de volta a Peterborough.

Botando pasamos a tarde deste martes 5 de xullo

Coma todas as mañás, de 9 a 12.30 os rapaces estiveron atarefadísimos nas clases e, ao finalizar, marchamos ao noso querido parque da catedral para tomar os noso “pack lunch” (dependendo de a quen preguntedes estes vos dirán que están moi bois ou que o qu

Á 13.30 deste día Lucas recolleunos no parque da catedral e así comezou a nosa andanza ata a un dos nosos puntos de encontro (a estación de bus), onde nos subimos naquel autobus que nos levaba á nave que nos alegraría a tarde a todas e todos.

Tras chegar a “Flip out!” e poñernos uns calcentíns que ben servirían de chaleco reflectinte (sen esquecer as preguntas a voces sobre cal era a nosa talla de pé en UK), avalanzámonos sobre as colchonetas e os diferentes “cachivaches” que había dentro da nave.

Este luns, despois de cantarlle parabéns para ti a unha das nenas, Karina guiounos ata o “Escape Room” onde fixemos grupos e tivemos unha hora para descifrar como saír da habitación na que nos atopábamos pechados.

O reloxo baixaba moi rápido e había moito estrés dentro da habitación pero todos os equipos fixérono súper ben.

Cando os 60 minutos remataran dous dos cinco equipos conseguiran saír.

Despois da celebración, gozamos de tempo libre, onde algúns aproveitaron para ir ao Primark, mentres outros daban un paseo ou tomban algo no centro da cidade.

Londres foi… unha viaxe intensa canto menos

O noso día xuntos comezou na estación de tren de Peterborough, dende onde emprendemos o noso camiño ata Londres.

Unha vez puxemos os pés na estación de King’s Cross e tras facerlle unha visita ao andén do noso amigo Harry Potter, comezou a nosa marcha pola cidade que nunca descansa (coma nós nesta viaxe) durante a que pasamos por varios dos máis significativos monumentos londinenses (London Eye, Big Ben, Westminster Abbey ou 10 Downing Street foron algúns dos lugares que visitamos)

Tras un rápido xantar, dirixímonos a Covent Garden onde os rapaces puideron desfrutar de tempo libre para visitar algúns dos sitios que lles interesaban, e facelo ao seu ritmo.

Vistas todas as cousas que este sábado se podían ver sen dar moita volta (pois moitas rúas cortáronse para celebrar o Pride!🏳️‍🌈), voltamos todos xuntos dende a estación de Totteham court Road ata St. Pancras International onde collimos o tren de volta ao noso querido Pedro Burgo.

O venres 1 de xullo coñecemos a Lucas, un dos monitores nativos que nos ía acompañar ata Stamford para xogar á busca do tesouro.

Cando chegamos, dividímonos en grupos e, cun mapa e pistas, camiñamos por toda a cidade.

Cada vez que descubrían unha das pistas que os achegaba ao tesouro, tiñan que facer unha foto, as cales formarían parte dunha competición xulgada polos monitores.

Os grupos coas tres mellores fotos recibirían unha bolsa de doces.

Foi unha busca bastante traballosa, e ningún dos equipos foi capaz de atopar a fortuna agochada, sen embargo, para aqueles que o tesouro era os cochazos que se atopaban na cidade de Stamford, triunfaron dende o primeiro momento.

Ó final, tivemos un moi bo día coñecendo a cidade de Samford con este divertido xogo.

O xoves, Karina levounos a Pitch and Putt Orton Meadows para xogar ao golf.

Collemos dous paus e bolas cada un, dividímonos en grupos e esparcímonos por todo o campo.

Cando comezamos, a maioría golpeaba o aire ou facía un buraco no chan. Algúns incluso perderon as bolas, pero a medida que o curso avanzaba, podíanse observar grandes melloras.

Un par de estudantes parecían dominar un pouco mellor o deporte, e cunhas técnicas un pouco (bastante) graciosas, axudaron aos compañeiros.

Cando este rematou, tiñamos 25 golfistas profesionais e 25 adolescentes cansos de correr polo campo, pero foi unha actividade que rompeu expectativas, xa que, ao principio eran remisos a xogar e hubo un par de caras longas cando se deron de conta de que non era mini golf, pero ó final, cando se lles preguntou se querían marchar antes, todos dixeron que non e xogaron ata o último momento. Xusto a tempo para saír correndo e coller o bus.