Boas familias por última vez!

Este blog está adicado ao último día de clase máis ao día de viaxe de volta.

Como xa vos ibamos adiantando no anterior blog estes dous días foron moi emotivos. Como xa ben comentamos mixturáronsenos a pena por deixar atrás esta experiencia e novos amigos, coas ganas de volver e reencontrarnos cos nosos.

Laura xa vos comentou como foi a mañá deste último día de clase, a cal acabou cantando un cumpleanos feliz que fixo retumbar o colexio. Deixovos outra vez a foto para que fagades memoria.

Pola tarde démoslles aos rapaces a súa tan ansiada tarde libre. O plan inicial era ir visitar un museo, pero entre o que insistiron e o ben que se portaran durante as tres semanas, non nos quedou máis remedio que abrir a man, e aceptarlles a proposta.

A tarde libre aproveitárona para terminar de comprar os regalos que seguramente estedes agora desfrutando. Tan ocupados deberon estar que apenas fixeron fotos. Aquí van as poucas que poidemos conseguir!

E así sen darnos conta, o día seguinte, o venres, xa pasaran os 21 días deste intercambio e xa nos dispoñiamos a viaxar de volta.

O noso bus que nos levaba ao aeroporto saía as 10.30 da mañá do cole. Non obstante, todos chegamos antes para ter tempo para despedirnos das nosas novas amizades, facer as últimas firmas nas bandeiras, e por que non decilo, tamén para que se nos caesen algunhas bágoas.

Como xa vos deberon contar os rapaces, coller os avións non foi para nada tarefa fácil.
Para o primeiro vó fumos con catro horas de antelación, pero entre que eramos un grupo de aproximadamente 70 personas (xuntámonos 3 grupos do PiliVigo) e o aeroporto de Dublín levaba unhas semanas feito un caos, estas catro horas de antelación fixéronsenos xustas.

Foto nas largas colas do aeroporto

Non obstante o problema de verdade foi coller o segundo avión. A escala en Barcelona era moi pequena e o vó Dublín-Barcelona sufrira retrasos. O resultado foi que ao aterrizar tiñamos unha escasa media hora para que os tres grupos de PiliVigo pasasen por aduanas, controis e ademáis  chegasen á porta de embarque a tempo. Xa non contentos con iso, un avión que ía a Bogotá fora desaloxado e estaba colapsando as nosas portas de aduanas. Podédesvos imaxinar todo o estrés que tiñamos os monitores!! Que nos quedabamos en terra!!

Finalmente, a policía do aeroporto habilitounos un paso polo que poder ir máis apresa e tivemos a sorte de que o vó Barcelona-Vigo se retrasase un pouco. Cando nos sentamos no avión e comprobamos que estabamos todos, ninguén se podía creer que conseguísemos coller o avión.

Tanto foi o alivio que esta é a imaxe dos monitores unha vez xa despegados. Todos durmindo agotados!

Unha vez chegados a Vigo, qué contar que non sepades xa! Moreas de bicos e apertas (tamén algunha bágoa 😉) entre estudantes e familias mirases por onde mirases.

Ao final coidar deles tan de preto durante 21 días (que non son poucos!) covertiunos nos nosos pequenos filliños e filliñas temporais. Eso si, podémosvos asegurar que non houbo máis ledicia para Laura e para min que poder ver as vosas caras de emoción ao vervos reunidos con eles de novo. Son imaxes que levaremos conosco sempre!

E iso foi todo familias! 21 días en Dublín! Quen o diría!

Laura e eu estamos contentísimas de que todo saíse tan ben e de ter a oportunidade de coñecer e vivir cos vosos fillos unha experiencia que de seguro nos levaremos toda vida! Esperamos que os vosos fillos e fillas tamén poidan decir o mesmo!

Pola nosa parte só queda dar de novo as gracias a estudantes por facernos a vida tan fácil sendo tan bós e alegres, e a vos, familias, por acompañarnos dende lonxe.

Cerramos esta última entrada de blog coa foto de familia xa no aeroporto de Vigo, e ca nosa foto favorita, todos xuntos abrazados en corro saltando!

❤️❤️!!

O máis grande dos bicos para todos!!!

Ata máis ver!! 🎉🎉

#PiliVigoDublín2022

Boas familias!!

Xa estamos a piques de rematar esta marabillosa aventura. Temos sentimentos contraditorios, xa que por un lado queremos quedar, pero polo outro temos ganas de voltar á casa 😔

Onte, mércores, como xa sabedes, tocou día de deportes e artes. Os deportes que tocaban foron volleyball e rugby, xa que cada vez quedamos menos estudantes no cole e, polo tanto, a oferta de actividades se reduce. Ademáis da clase que sempre temos de arte, había tamén “drama”, teatro para nós, pero ninguén se animou a participar 😬

Aquí vos deixo documentos gráficos das actividades nas que si participaron 😉

Despois dos deportes, fumos correndo facer o test de nivel final. Á maioría foilles mellor que no test inicial (well done!! 💪) e aos que non, non foi por non tér mellorado, se non prque o cronómetro que lles dicía o tempo que lles quedaba para rematar o test púxoos demasiado nerviosos. Meus coitadiños!! 😅

E digo que fumos correndo porque ás 5 comezaba outra actividade, singing along. Pensabamos que ía ser algo tipo karaoke, pero cando chegamos alí vimos que tiñamos unhas fotocopias con letras das distintas cancións que o músico invitado ía tocar. Había montado un escenario e o cantante tocaba a guitarra á vez que nos animaba a cantar con el. De feito, ata fixo competicións de a quen se lle oía cantar máis forte, se aos españois ou aos italianos. Xa podedes imaxinar quen gañou… 🙋😂

O cantante tamén nos convidou a ir ao escenario a cantar con el. Como de costume, os monitores tivemos que dar o primeiro paso para que a rapazada se animara a pedirlle cancións para cantar e saíran ao escenario con el. Pero o momento que o cambiou todo, onde xa todos nos vimos arriba e os rapaces comezaron saír, foi cando nos achegamos a el a pedirlle que lle deixara tocar unhas cancións a Yoel coa guitarra. Digo unhas cancións… pero acaparamos o escenario durante uns 10 minutos 🙊😂

E, como vos dicía, a partires de aí máis dos nosos rapaces se animaron a saír a cantar algunha cousiña.👏🎤

E hoxe, venres, foi o último día de clase. E voume permitir a licenza de abordar esta parte do blog dun xeito máis persoal, xa que foi un día emocionante para min porque, despois de case 3 semanas, por fin me cantaron o cumpreanos feliz!!! 😁

En realidade fíxenme máis vella o 8 de xullo, xusto o día que comezabamos esta aventura, pero como non nos coñeciamos só me dixeron un tímido “feliz cumpreanos” cando lles dixen que día era. Dende ese día, ademáis de ser pesada coas fotos, fun pesada esixindo a miña canción, ou sexa, algún tipo de celebración jajaja

E hoxe foi o día. Sorprendéronme cando me achegaba á súa mesa da cantina para almorzar con eles, cantando con tódalas súas forzas. Non vos podedes imaxinar a ilusión que me fixo. O bó faise esperar 🤗❤❤

Despois deste momentazo, dimos o curso por terminado e liberámoslles da actividade da tarde de hoxe, para que puideran despedirse ben das novas amizades e facer as últimas compras.

Mañá volverá tocar un día duro, non só polo tute da viaxe, se non tamén por todas as emocións que imos vivir en pouco tempo. Xa vos aviso, no aeroporto seguramente haxa máis dunha bágoa, pero todo ben 😉

O sábado pecharemos este blog, contándovos o que fixeron nesta última tarde libre e como foi a viaxe de volta. Será o final dunha experiencia que non esqueceremos xamáis.
Douvos xa as gracias a todos, familias (mención especial a Mariluz e Begoña) e, por suposto, meus nenos, por facer desta viaxe algo tan especial. Vémonos cedo 😉

Moitos bicos e apertas!!! 🤗

Bós días familias!

Por aquí xa andamos na metade da nosa última semana. Onte xa podiamos ver como algúns dos rapaces empezaban a asinar e escribir dedicatorias en sudadeiras e bandeiras, unha imaxe que imos ver ao longo desta semana.

A actividade que nos tocou onte foi unha visita ao EPIC Museum. Este museo está adicado á historia irlandesa ligada á inmigración. A forma que ten o museo de guiar o visitante é excepcional. É un recorrido unidireccional onde cada sala pola que pasas ten unha temática e un decorado distinto aínda que todas elas están unidas polo xeito no que se usa a tecnoloxía.
O museo facíanos partícipes desta ‘viaxe’ outorgándonos a cada un de nós un pasaporte que tiñamos que ir sellando en cada estancia.
Nestas distintas estancias podiamos ver a actores en pantallas contando as súas historias, historias de xente de verdade, ou podiamos entrar nunha biblioteca onde eran os propios libros, os que ao tirar de eles, che contaban o seu interior (libros por suposto escritos por irlandeses). Foros infinitas as formas nas que este museo nos deixou abraiados coa súa innovacion.
Eso si, tamén hai que dicir que moitos dos rapaces tiñan algo de presa por saír xa do museo, e non o desfrutaron moito. Aquí vos deixamos unhas fotos.

E iso foi todo por onte! Mañá xa o último día! Como pasa o tempo!

Un bico a todos! Imos seguir desfrutando do que nos queda!

Ata mañá!!

Good morning, families!!

Como estades? Nós xa coa coa conta atrás, así que vouvos contar o que fixemos o derradeiro luns desta fantástica experiencia que estamos a ter.

Pola mañá tivemos visita especial, xa que membros do concello así como representantes de Newlink viñeron ver como nos iba. Reunímonos todos no hall do cole, intercambiamos impresións e fixemos unha foto para rematar.

Quedaron encantados, como o estamos nós 😁💃

Despois desa mañá diferente, comemos e despois tivemos as actividades da tarde que, como todos os luns e mércores, son deportes e artes. Imos chegar dunha boa forma e cunha creatividade que non volo creedes 😂

Ao rematar, como cada día, tivemos tempo libre e logo para casa, a cear coa familia.
E iso foi o que deu de sí o derradeiro luns, veremos que nos depara o resto da semana.

Bicos e apertas!! 🤗

Bós días de novo, familias!!

Esperamos que esteades tan ben coma nós 😊

Onte, luns, comezamos nova semana sen ningún problema. Xa temos totalmente interiorizada a nosa rutina de transportes para chegar ao cole e segundo imos chegando xa nos metemos directamente na aula que nos toca.

Da mañá non hai moito máis que salientar. Onte supúñase que ía ser un día de verán absoluto, con temperaturas de ata 30 graos… Nada que ver coa realidade 😅 A medio día comenzaron vir nubes e levantouse o vento, polo que ata chegamos a ter frío. Ademáis, cairon unhas gotas de choiva en dous momentos do día (a iso das 12 e das 16). Xa non nos cremos nada do que di a previsión 🙈

Iso non nos impediu levar a cabo as actividades da tarde (sports), como cada luns e mércores.

Como novidades, onte tivemos baloncesto…

…e tenis.

Estes foron deportes que ata o momento non xogaramos. Encantounos poder practicalos, aínda que ás veces a pelota de tenis se nos perdera polos matorrais do redor das pistas 😂

E, coma sempre, houbo quen preferiu descansar e aproveitar para socializar e cotillear un anaco 🙊

Ademais, os días que hai sports tamén temos as actividades de Arts, para que os máis creativos deixen voar a imaxinación 🎨🖌️

E así pasou un día máis no Manor House School! Veremos que nos depara o día de hoxe, mañá volo contamos 😉 

Bicos e apertas!!! 🤗

Boas de novo familias!!

Primeiro de todo, desculpade pola tardanza, pero as nova tecnoloxías rebeláronse contra nós e non puidemos actualizar o blog antes, mil perdóns!! 😅

Como xa vos adiantaramos, o venres visitamos o National Archaological Museum.

Pero non vos pensedes que foi unha excursión de pracer nada máis. Para estar atentos ó que iamos vendo, tivemos que ir completando unhas preguntas que nos deron sobre a historia de Irlanda, así que tivemos que ler moitas das explicacións que había nas distintas salas e buscar cousas, ás veces, bastante específicas. Pero como somos uns cracks, fixémolo estupensamente! 💪

Coma sempre, despois tivemos tempo libre e, como estabamos no centro da cidade, aproveitamos para seguir coñecendo Dublín. Pero evitamos chegar moi tarde á casa, xa que onte (sábado) tocaba outro día longo: viaxe a Glendalough.

Glendalough tamén é coñecido como “o xardín de Irlanda”, xa que é un parque natural súper extenso, con varios lagos, cascadas, diferentes roteiros para facer sendeirismo… En definitiva, unha pasada de sitio! Chegamos alí a iso das 11 da mañá, e tivemos ata as 3 da tarde para desfrutar desa magnífica contorna.

Facía un día estupendo, e ía moita calor, así que ata houbo algún valente que se atreveu a meterse na auga 🙈

Unha vez de volta no cole, o punto de partida, a iso das 4:30 da tarde, tivemos o resto do día libre. E, por fin, chegou o domingo! O que significa que non temos que madrugar e podemos facer o que nos pete 💃

Como vedes, voltamos derreados de Glendalough, así que este día de descanso vainos vir de perlas.

Esperemos que o chamamento á colaboración en tema fotos vaia mellor que o domingo pasado. Xa o comprobaredes por vós mesmos jaja

Ata moi cedo familias!!
Bicos e apertas!! 😊

Bós días un día máis familias!👋🏻

De onte pola mañá temos que comentar pouco. Os rapaces estano facendo moi ben en clase. Parece que xa se están adaptando ao horario e xa ninguén se perde polo cole. Por outro lado, o cole estos días parece un enxame de abellas! Hai moitos grupos que se van e aínda moitos máis que veñen! Pero iso é sempre bó, pois así coñecemos a moita máis xente!

A nosa afternoon activity, á actividade que facemos despois xusto de comer, foi chulísima! Fixemos unha camiñata pola Killiney Hill. Para chegar ata á base da colina (bueno, máis que colina pareceunos unha montaña) collimos un tren de 50 minutos. Unha vez alí empezamos o ascenso. A maioría do tempo foi por camiños estreitiños rodeados de vexetación que nos recordaron moito aos que temos nós en Galicia. Chegar ata o cumio levounos aproximadamente media hora, e casi nos perdemos un par de veces, pero pagou a pena.

Por certo! Saúdos especiais a Mariluz que nos segue moi atentamente e pón comentarios moi bonitos! Reconfórtanos moito saber que vos están gustando as nosas novas diarias. Así que xa sabedes, se queredes saúdos especiais dos vosos fillos, a escribir comentarios!!! 😉😉

Despois da sesión de fotos e de contemplar a marabillosa  paisaxe durante un anaco, retomamos camiño cara á estación (como agradecemos que fose todo costa abaixo despois do tute da subida!!), e alí collemos o tren de volta á casa.

Esta tarde iremos ó National Archaeology Museum, xa vos contaremos que tal.

Unha aperta moi grande! Ata mañá!!

Bós días familias!

Xa estamos á metade da primeira semana de cole!

Os rapaces contáronnos que estiveron facendo kahoots en clase, unha ferramenta  comunmente usada polos profes para aprender dunha forma divertida, e mesmo algúns tiveron que facer pequenas presentaciones! A este ritmo van aprender moito!

Despois de xantar tocou de novo deportes e arte. Esta vez decantáronse por capture the flag (captura a bandeira), gaelic football (Fútbol gaélico), soccer (Fútbol normal), e arts (artes). Como xa vos podedes imaxinar estas son unhas das actividades favoritas dos rapaces. Deixámosvos unhas fotos para que o comprobedes vós mesmos.

Capture de flag

Gaelic football 

Celebrando un gol!

Soccer 

Arts

A novidade de onte foron as evenings activities chamadas actividades da noitiña en galego, aínda que son de 5 a 7 da tarde. Xa sabedes como van estos horarios aquí.

A actividade que nos tocou onte foi un xogo chamado quiz. Consiste en que un moderador vai facendo preguntas de coñecemento xeral, e os rapaces á súa vez teñen que ir contestando cartóns cas respostas. Cada cartón ten 10 preguntas e cada cartón é unha ronda. En total xogamos 8 rondas. Había uns encargados comprobando ás respostas de cada grupo e ao final fíxose reconto das respostas correctas de cada grupo. Pasámolo como ananos! Aquí tedes algunhas fotos

Por certo! Houbo un grupo que gañou o segundo posto! Que listiños!!

Deixámosos por aquí outras fotos chulas que conseguimos sacarlles! Ainda que non o asemelle xa empezan a estar algo cansos de tanta foto! Non vos preocupedes, que nos seguiremos saíndo ca nosa.

Ata mañá familias!

Boas familias!!

Onte, segundo día de cole, todo foi ben. Xa estamos afeitos á nova rutina e todos sabemos xa en que clase nos toca, así que a mañá transcurriu con normalidade.

Pola tarde, despois de xantar, fumos de excusión ó Croke Park, o estadio de fúbol gaélico de Dublín. É un estadio digamos que multiusos, xa que tamén pode acoller partidos de hurling, rugby ou fúbol, aínda que acotando o campo, xa que as dimensións do campo de fúbol gaélico son moito maiores que as dun campo de fúbol ou rugby. De feito, entre outras cousas, contáronnos que alí xogara algún partido a selección española (partido que gañamos, por certo 💃)

O estadio é o terceiro máis grande en capacidade de Europa, despois do Camp Nou e Wembley, en Londres. De feito, como todo no estadio é huge, o marcador que podedes ver á dereita da foto ten as mesmas medidas que unha pista de tenis 😱

Antes de entrar no estadio, fixémonos unha foto na estatua de Michael Cusack, un profesor que participou no revival da lingua e cultura irlandesas, e que, xunto con outras tres persoas, fundou a Gaelic Athletic Association, ou a liga de fúbol gaélico. Cusack foi asasinado en 1906 mentres asistía a un partido. Ese día, o 27 de Novembro, foi bautizado popularmente como Bloody Sunday, ou “Domingo Sanguento” (aínda que, en 1922 houbo outro domingo bautizado do mesmo xeito, durante a guerra de indepencencia de Irlanda). Ese día pola mañá, un policía inglés foi asasinado e, pola tarde, policías do mesmo corpo entraron no Croke Park (nada que ver co estadio que existe hoxe en día) e abriron lume contra xogadores e afeccionados, entre os que había mulleres e nenos, matando a 14 persoas e ferindo a máis de 60.

Durante o tour, tamén estivemos polos túneles por onde entran os autobuses dos equipos,

e nos vestiarios. Un dato curioso é que o Croke Park é un estadio neutral, polo que non ten vestiarios de “locais” e “visitantes”, se non que todos son para todos, e por iso teñen camisolas de todos os equipos que xogan na liga. A meirande parte dos equipos son irlandeses, pero hai un de Inglaterra e outro de Nova Iorque (que non gañou un partido na súa historia, coitadiños 😅), xa que alí hai moita representación irlandesa debido ó éxodo de Irlanda a América durante a Great Famine, ou Peste da Pataca. Outro dato interesante é que nos match days, ou os días de partido, 4 equipos acoden ó estadio, xa que cada día de partido se xogan 2.

Tamén tivemos un ratiño para xogar a uns xogos relacionados co deporte dentro do museo, onde puxemos a proba os nosos reflexos e outras capacidades físicas necesarias para xogar a eses deportes (rugby, hurling ou fúbol gaélico).

Unha vez rematamos a visita, houbo quen quixo pasar pola tenda de agasallos e despois tivemos tempo libre para desfrutar algo máis do centro da cidade.

Foi un día longo (podedes ver as cariñas de cansanzo dalgúns jeje), pero divertido e no que aprendimos moitas cousas sobre a cidade e a historia de Irlanda.
Veremos que nos depara o día de hoxe.

Bicos e apertas!! 😊

P.D: deixámosvos unas fotos extra do camiño ó estadio 😉

Hola familias!

Por fin chegou o tal esperado primer día de cole!

O día empezou facendo unha proba de nivel para ubicalos nas súas respectivas clases. Aquí podedes ver o concentrados que estaban mentres a facían. Non foi para menos! A academia comunicounos que este ano o nivel de inglés subira e que había moitos estudantes no nivel C1.

Despois de este test veu o director a contarnos o funcionamento do cole e a explicarnos algunha norma que teremos que ter en conta estas semanas.

Xa podedes comprobar o interesados que estaban.

Cando acabou esta pequena charla, fixemos un pequeno tour polo cole para localizar os sitios por onde nos vamos a mover estos días, como por exemplo, as clases ou a cantina.

Despois deste tour unímonos aos demais grupos durante a o break. Unha vez acabado, cada un dirixiuse á súa respectiva clase, onde tomaron contacto cos que van ser os seus compañeiros e profes estas vindeiras semanas. Todos están moi contentos e cómodos ca súa clase. Esperemos que siga así! Xa vos iremos actualizando!

A mañá acabou comendo na cantina, onde fumos felicitados pola nosa orde e limpeza. Que ben educadiños veñen!!

Xa pola tarde repartíronse por diferentes actividades tanto de deporte como de artes. Deixamos unhas fotos por aquí.

Soccer (Fútbol)

Dodge ball (Brilé)

Baseball

Arte

Aínda que ao final do día acabamos extenuados con tantas cousas novas e tanto movemento, algúns aínda tiveron a enerxía para pasear un ratiño polo centro volvendo para cenar cas familias e despois por fin si, descansar de este tan axetreado día.

Unha aperta! Seguiremos informando!