HEADINGTON – 9/10 – Last day… :(

Boas noites, Familias!

Hoxe foi o último día dxs nosxs nenxs aquí en Headington… Parece que foi onte cando nos coñecemos no aeroporto de Vigo, cargadxs de ilusión e nervios ao mesmo tempo! Pois xa fai tres semanas diso…

Esta mañá respirábase un ambiente diferente, xa se notaba que era o último día. Algúns chegaron con tanta enerxía ao cole que mirade o que facían mentras esperabamos aos buddies…

As clases hoxe remataron antes para nós, xa que ás 14.30hrs tiñamos que estar no centro para visitar o museo. Por suposto, antes de marchar, despedímonos dos buddies e, coma non ía ser menos, sacamos fotos con elxs tamén!

Grupo no Cheney School cos seus buddies

Grupo St Gregory School cos buddies

Con Tessa (Madrid) e Jaime (A Coruña)

Unha vez rematadas as despedidas, puxemos rumbo ao centro da cidade para ir visitar o Ashmolean Museum, museo de arte e arqueoloxía da Universidade de Oxford. Algúns camiñando, outros en bús.

Ao chegar, dividímonos en dous grupos e comezamos a percorrer o museo, que constaba de tres plantas diferentes. Acompañounos Ellie, a nosa guía en Londres, quen nada máis comezar a visita fíxolle varias preguntas a ámbolos dous grupos. Eran preguntas relacionadas sobre o que ían ver no museo e, ao final da visita, deberían responder. Por suposto que todxs pasaron o exame!!

Aquí vos deixamos algunhas fotos de hoxe no museo:

Unha vez rematada a visita, tiveron tempo libre para facer as últimas compras ou ir cear por aí xuntxs. Mañá tócanos madrugar mooooito, xa que ás 5.50hrs temos que estar no Cheney School para coller o autobús que nos levará ata o aeroporto de London Heathrow.

Esta será a última entrada deste blog, que quedará gardado para sempre e poderemos volver lelo cando nos entre a morriña. Así reviviremos cada unha das aventuras que vivimos aquí 🙂

Queríamos darvos as grazas por lernos e por estar pendentes. Para nós, as monitoras, esta aventura foi algo inesquecíble e que levaremos con nós sempre 🙂

Mañá esperámosvos a todxs en Peinador, agardando que nos achuchedes e nos digades canto nos botastes de menos!! E tede paciencia, porque temos moito, moito que contar!! =)

E como xa é de rutina….

BOAS NOITES!! BIQUIÑOS 🙂

Foi un pracer!

Laura e Aida

HEADINGTON – 08/10 – TEST E DESPEDIDAS

Boas, Familias!!

Hoxe nos dous coles tivemos unha mañá entretida. No Cheney School estaba de cumple a buddy de Mia e Hugo, Misbah. Para celebralo, levou gominolas e galletas e xs rapacxs dedicáronse a decoralas con pintura comestible.

Pola contra, no St. Gregory School, tódolos martes hai unha assembly do year 10 ás 8:45, antes de comezar as clases. Como era a nosa última asemblea, tocounos dar un pequeno discruso agradecendo ao centro, aos mestres e aos alumnxs o ben que nos trataron.

Ao lado dxs rapacxs podedes ver algúns pés (xa sabedes que o tema fotográfico está difícil aquí), polo que vos podedes imaxinar tódalas cadeiras en forma de “U” e unha sala bastante amplia chea de xente.

Un pouco máis tarde, despois do primeiro break que vai de 10:45 a 11:05 agardamos a que chegase Nadia, a coordinadora da empresa de aquí, para ter unha reunión co director do cole, Mr. Sean Tucker, e así agradecerlle persoalmente o que fixeron por nós durante estas tres semanas. Por sorte, como Nadia chegou un pouquiño tarde, tivemos tempo para preparar o que iamos dicir.

Despois da xornada lectiva, os mesmos de sempre subimos ata o Cheney para, esta vez, facer o test de nivel de inglés. Haberemos mellorado algo? Seguro que sí! 🙂
Por certo, hoxe foi a nosa última subida da colina, polo que comezamos a sentir algo de morriña xa 🙁

Unha vez rematadas as tarefas, chegou o momento de despedirmos de Dylan, o coordinador do Cheney School. Cada alumnx fixo unha valoración persoal destas tres semanas no colexio e, despois, cada un recibiu un diploma que acredita a súa participación neste programa de inmersión.

Mañá é o noso último día aquí, polo que hoxe os ánimos xa se notaban un pouco máis decaidos. Non queremos marchar! De tódolos xeitos aproveitaremos ata o último intre como ten que ser 🙂

Biquiños!

HEADINGTON, 6&7/10 – Free Sunday & Presentations

Boas noites, Familias!

A semana pasada olvidóusenos comentarvos un acontecemento que tivo lugar no Cheney School.
Acordádesvos que xs que están no St Gregory Ttveron un simulacro de incendios? Pois o martes pasado tocoulle ao grupo do Cheney. A iso das 3 menos cuarto comezou a soar a alarma de incendios e todo o mundo comezou a moverse. Todo o cole foi saíndo pouco a pouco ao patio, concretamente ás pistas de baloncesto, onde tivemos que situarnos onde estaban os carteis que indicaban o ano no que estudamos.
Pasado un tempo, curso por curso e clase por clase, fomos voltando ás nosas aulas e así demos por rematado este simulacro.
Onte, domingo, foi o último día libre dxs nosxs nenxs, e cada un aproveitouno como quixo (dando unha volta, facendo as últimas compras, indo ao Westgate para non variar…)
Hoxe comezamos a última semana en Headington e hai ánimos de tódolos tipos: hai quen quere voltar para durmir na súa cama, hai quen bota en falta a comida da casa, e tamén están os que non querer para nada voltar!
A mañá levouse con normalidade: madrugamos, fomos ao cole, clases, lunch break, máis clases, algunha hora libre…
Unha vez rematadas as clases, e como é xa costume, xs do St Gregory subiron a súa colina favorita para chegar ata o Cheney e así poder facer a actividade.
Hoxe esperábanos Geoff, xa que Juliette estaba enferma, pero a actividade que tiñamos hoxe xa a sabíamos dende a semana pasada: tocou presentar os traballos que estiveron a preparar con Juliette.
Houbo traballos de todo tipo: The Beatles, English desserts, Ed Sheeran, dous sobre a educación, outros dous sobre comidas inglesas, e outro sobre David Beckham.
Unha vez rematadas as presentacións, Geoff fixo varias preguntas para ver se xs rapacxs prestaran atención aos seus compañeirxs.
Resolto o cuestionario tocou voltar á casa para refuxiarnos da chuvia e, por riba de todo, do frío!
E isto foi todo por hoxe!
Biquiños 🙂

HEADINGTON – 4&5/10 – FREE EVENING AND… LONDON CALLING!!

Boas noites Familias!

Onte, venres, despois da escola tivemos tarde libre e algúns foron descubrir novos lugares de Oxford.

Os demáis fixeron os plans de sempre ou se reservaron para o día de hoxe, sábado, xa que ía ser longo.

Ás 9 da mañá collemos o bus que nos levaría a Londres no Cheney School. Esta viaxe fixémola coa compaña de 3 estudantes máis que están nun programa similar ao noso. 

A iso das 11 xa estabamos na capital e reunímonos coa que sería a nosa guía, Ellie. Baixamos do bus no London Eye, enfronte de Houses of Parliament e do Big Ben, aínda que estaba en obras e non o puidemos ver en todo o seu esplendor.

Ellie contounos algunhas curiosidades sobre o London Eye, como que ten 32 cápsulas pero están numeradas do 1 ao 33, xa que o 13 é o número da mala sorte en UK. Contounos tamén que en Houses of Parliament había unha norma moi antiga que prohíbe beber dentro aos menores de 5 anos. Que cousas teñen estes ingleses!

Dende alí puxemos rumbo ao Jubilee Bridge, que nos levaría ata Trafalgar Square.

Trafalgar Square

O seguinte destino foi Buckingham Palace. Polo camiño vimos o sitio onde decapitaron a Carlos I e as estatuas de ferro da raíña Elizabeth I e Jorge VI, pais da actual raíña, Elizabeth II. Aprendimos tamén que, se no alto do palacio ondea a bandeira do Reino Unido, significa que a raíña non se atopa nel. Pola contra, se Elizabeth II está no palacio, a bandeira que ondea é a do seu selo.

Para voltar, pasamos polo parque de St. James, onde comezamos a ter fame, polo que nos diriximos a Leicester Square para comer e ter algo de tempo libre para explorar, xa que había tendas diferentes e chamativas e tamén estabamos ao lado de China Town.

St. James Park

Coas pilas cargadas seguimos o camiño cara a Picadilly Circus e Golden Park, onde atopamos algo que nos chamou moito a atención.

Xa para rematar, demos unha pequena volta máis e pasamos por Vigo Street, unha rúa no centro de Londres que desemboca en Regent Street, unha das rúas máis importantes e comerciais de todo Londres.

Aínda que nos tería gustado contar con máis tempo para coñecer máis sitios, polo menos puidemos facernos unha idea xeral do que é a cidade, o cosmopolita que é, e alucinamos coa cantidade de turistas (e españois) que nos atopamos por alí.

Agora toca descansar e xa veremos o que nos depara o día de mañá.

Manterémosvos informados, biquiños! 🙂

 

HEADINGTON – 02 & 03/10 – GOLF E XOGOS

Boas noites Familias!

Aquí estamos de volta.

Onte, mércores, o día na escola pasou como un día máis. A única diferenza era que non podiamos conter a emoción de só pensar na actividade que íamos ter pola tarde: mini golf!!

Como esta actividade era no centro de Oxford, os do St. Gregory non tivemos que subir ata o Cheney por un día, menos mal! O punto de encontro era o Westgate, ó que algúns fomos andando e, xs máis lacazáns, en bus.

Unha vez estivemos todos alí, repartíronse as pulseiras para poder entrar nos circuitos. Como eramos moitos, dividímosnos en grupos de 8 e iamos entrando cada 10 minutos, para non estorbarnos os uns aos outros. Unha das cousas que máis nos sorprendeu foi que máis que un minigolf parecía unha discoteca, con luces de cores, música, etc.

Pedimos desculpas de antemán, xa que debido ás condicións do sitio as fotos que sacamos non foron todo o boas que quixeramos, polo que non imos poder compartir demasiadas convosco. Supoñemos que xa vos decatastes de que na foto anterior falta xente. É porque un grupo xa entrara a xogar, pero as fotos onde estamos todxs non se ven nada ben 🙁

De tódolos xeitos, aquí vos deixamos as que puidemos rescatar.

Por certo!! Un dos circuitos estaba personalizado para dous dos nosos rapaces, vaia coincidencia!! jaja

Ao rematar todxs coincidimos nunca cousa: pasámolo xenial! 🙂
De aí, algúns deron unha volta curta polo centro comercial antes de voltar á casa, e outros foron dereitiños para ela, xa que estes días está a facer un frío de tolos!

Hoxe, xoves, os mesmos de sempre volvemos subir ata o Cheney despois da escola. Subir a famosa costa non fixo que deixaramos de estar conxelados por moito que apuráramos o paso. Semella que estamos en Siberia!

Unha vez alí, Ben esperábanos para comezar coa actividade da tarde. Comezamos xogando a clase contra el e xs rapacxs dicíanlle adiviñas para ver se as acertaba.
Despois puxémonos en círculo e xogamos a un xogo no que tiñamos que pasar a tixeiras á persoa do lado dicindo I’m passing the scissors crossed ou uncrossed, dependendo dunha cousa que non imos revelar por se algún día estes volo queren ensinar 😉

Cando todxs adiviñaron o truco do xogo, pasamos ao seguinte. Neste tiñamos que dicir cousas que caberían nunha cesta de picnic, pero tamén tiña trampa. Non importaba o significado das palabras que diciamos se non as palabras en sí. Como podedes imaxinar, tampouco imos revelar este segredo jaja

E ata aquí por hoxe, xa vos contaremos como vai o último día da semana e o que fan xs rapacxs na súa tarde libre.

Biquiños! 🙂

 

 

HEADINGTON – 01/10 – Mock fire alarm + Project

Boas tardes, Familias!

Hoxe houbo un acontecemento no St Gregory… Simulacro de incendios!!! A iso das 11.45 hrs comezou a soar a alarma de incendios do cole. Ao principio, pensabamos que era o timbre, xa que é o mesmo son. Como non paraba, e comezamos a escoitar moito barullo polos corredores, decatámonos de que era unha alarma de verdade. Xs rapazxs seguiron aos seus buddies ata o meeting point ou lugar de encontro para este tipo de emerxencias. Ese punto, no St Gregory, son as pistas de tenis que hai no patio. Tódolxs estudantes metéronse nelas agrupados por titorías, e quedaron alí ata que o persoal de seguridade do centro deu por rematado o simulacro. Menuda experiencia! Polo resto, un día máis na oficina en ámbolos dous coles.
Pola tarde tiveron a actividade con Juliette. Lembrádesvos que a semana pasada vos contamos que estaban preparando un proxecto en parellas sobre un aspecto da cultura inglesa? Pois hoxe seguiron traballando niso e practicamente xa quedou todo listo. A próxima semana tocaralles presentar estes mini traballos ao resto do grupo e algún que outro convidado que virá ese día.
Por outro lado, queriamos ensinarvos algún que outro recuncho dos coles. Xa vos dixemos os primeros días que ás monitoras estanos sendo moi difícil sacar fotos porque está terminantemente prohibido (por iso tmapouco hai fotos do simulacro de hoxe). Aínda así, aquí vos deixamos unha imaxe da canteen do Cheney. Este é o lugar onde veñen buscar a súa comida no lunch break e tamén nos outros descansos que teñen.
Intentaremos ensinarvos algunha foto máis, aínda que non podemos prometer nada!
No Cheney teñen unha sala chamada L1 que é onde están os alumnos e alumnas do Year 12 e Year 13. Alí poden pasar as súas horas libres cando os seus buddies non teñen clase e, ás veces, traen unhas mensas de ping pong e poden xogar alí. Aquí vos deixamos tamén unha mostra de como pasan xs nosxs rapazxs as horas mortas.

Parte do grupo xogando ao UNO cona lgunhas buddies

Mañá temos un plan pola tarde que cremos que todxs desfrutarán un montón, pero iso queda para o seguinte post!
Boas tardes! Biquiños 🙂

HEADINGTON – 30/09 – School and afternoon riddles

Boas noites Familias!

Hoxe na escola foi un día normal no que ás clases se refire, pero no St. Gregory School houbo unha novidade. Temos 3 alumnas novas! Hoxe foi o primeiro día nesta escola de Lucía, Naiara e Julieta. Estiveron ben contentas coas súas novas asignaturas e xs novxs amigos que fixeron. Ademais, xs rapacxs que xa estaban nesta escola adoptaron o rol de anfitrións e presentáronlles a tódolos seus amigos, polo que se sentiron coma na casa dende o primeiro intre. 🙂

Ao rematar a escola, coma sempre, puxemos rumbo ao Cheney School. Agora Julieta, Naira e Lucía xa entenden por que pedimos que algún día baixen elxs ao St. Gregory: a súper costa matadora! Aquí temos que engadir unha cousa que aínda non vos contamos: a rúa na que desemboca esta costa chámase Hill Top Road, ou “a rúa da cumbre da colina”. Non teñen sentido do humor nin nada estes ingleses…

Os plans de hoxe, que consistían en algo moi British como é xogar ao cricket, truncáronse por mor do tempo. No Cheney esperábanos Ben para facer uns xogos. O tema dos mesmos foron riddles, ou adiviñas.

Para comezar, Ben escribiu unhas pistas no encerado e tiñamos que adiviñar a cousa da que se falaba. Despois contounos un conto que gardaba un enigma que tamén tivemos que adiviñar. Para rematar dividiu a clase en grupos e cada un deulle unha lista de adiviñas. Cada grupo tiña que pensar a resposta e dicirlla a Ben. Se era correcta el arrincaba esa adiviñanza da lista para que o grupo seguise coas outras, e ao grupo que menos adiviñas lle quedaran por respostar sería o equipo gañador.
Aquí deixámosvos unhas fotos para que vexades o transcurso da actividade.

 

Para este xoves, Ben pediulles que pensasen adiviñas de España para xogar un Beat the teacher xunto coas preguntas de verdadeiro e falso que nos pedira sobre Vigo.

Rematada a actividade, como aquí están a caer chuzos de punta, hai que buscar cobixo aqí que… todos para a casa!!

E ata aquí o día de hoxe, mañá traeremos máis novas.

PD: aquí deixámosvos un dos enigmas que tivemos que resolver esta tarde, a ver se sodes tan listos coma nós.
Se queredes, podedes deixarnos as vosas respostas nos comentarios, a ver se acertades 😉

What are moving left to right, right now?
Que se está a mover de esquerda a dereita agora mesmo?

Biquiños! 🙂

HEADINGTON – 29/09 – Pitt Rivers Museum + Walking tour

Boas noites, Familias!

Hoxe comezamos o día bastante cedo tendo en conta que era domingo. Ás 10 da mañá tiñamos reservado no Museo de Historia Nacional polo que ás 9.30hrs quedamos no Westgate e así camiñar xuntxs cara o Pitt Rivers Museum. Algúns xa estaban alí esperando por nós, e tamén a nosa guía, Xu. Unha vez entramos no museo explicáronnos un par de normas e deixáronnos ao noso aire explorar cada recuncho. Este museo alberga máis de 500.000 obxectos, fotografías e manuscritos de tódalas partes do mundo e de tódolos periodos da existencia humana.

General Pitt Rivers estaba destinado fóra da Inglaterra e comezou a recolectar obxectos das súas viaxes e tamén o que lle daban outros coleccionistas. Así foi como se fundou este museo, xa que Pitt Rivers doou a súa colección á University of Oxford.

O museo, ademais desta parte que xa vos ensinamos, constaba doutra na que había coleccións arqueolóxicas e antropolóxicas, o que suscitou a curiosidade da maioría.

Saímos do museo e a algúns xa lles comezara a entrar un pouco de fame. Por iso, fixemos un mini picnic rápido para encher un pouquiño os nosos bandullos e poder continuar a nosa andaina. O seguinte destino foi o Sheldonian Theater, onde se fan os eventos e ceremonias da Universidade.

Despois visitamos dúas bibliotecas: Bodleian e Radcliffe Camera. Esta segunda tiña unha curiosidade, e é que tódolos libros estaban gardados baixo os nosos pés, é unha biblioteca subterránea!! Ademais, Xu contounos que cada college das diferentes universidades de Inglaterra tiña que doar, polo menos, un libro a esta biblioteca.

Atendendo ás explicacións da nosa guía, Xu

Radcliffe Camera

A seguinte parada foi a University Church of St. Mary the Virgin, un landmark en Oxford. Foi, por así decilo, o epicentro da orixe da Universidade de Oxford, xa que este foi o punto dende o que se comezou a expandir.

O último sitio que visitamos foi Christ Church College, un dos lugares onde se filmaron partes das películas de Harry Potter. A verdade é que foi un sitio que chamou a atención de todxs nós xa que, como comprobaredes nas seguintes imaxes, é verdadeiramente espectacular.

Unha vez rematado este tour, despedimos á nosa guía e comezou a parte favorita do grupo: tempo libre!!

Agora toca descansar que mañá comezamos unha nova semana e hai que collela con ganas!

Boas noites! Biquiños 🙂

HEADINGTON – 27&28 / 09 – Cole+Free time

Boas noites familias!

Onte non escribimos porque fomos ao cole e logo tivemos tempo libre, así que non tiñamos moito que contar.
O único interesante que pasou onte pola mañá foi que os do St. GREGORY School fomos invitados a una clase de baile durante o Lunch break, así que despois de comer achegámonos ata alí para cheirar como era o tema. Laura, a monitora, insistiulles aos nenos para que saíran bailar, pero non o conseguiu. Tras ofrecer un premio aos que se atrevesen, quedamos en que o venres que vén voltaríamos para, esta vez, bailar. Veremos se é verdade jaja
O venres pola tarde tiveron tempo libre, e houbo plans para todos os gustos: shopping center, xogar á Play, volverse diabéticos cos batidos e tortitas que tanto abundan por aquí, pasear por Oxford (aínda que cos diluvios que caían por veces non era moi apetecible) e ata houbo quen se foi a unha clase de boxeo!!!

Refuxiándose da chuvia

Por fin venres!

After boxing class

Para esta fin de semana houbo cambio de plans nas actividades programadas. O Host Family Day trocou de domingo a sábado, polo que hoxe tamén puideron desfrutar dun día libre sen monitoras 🙂
Aínda así, o destino quixo que este grupo se rencontrase!
 
Ao igual que onte, os plans de hoxe foron variados.
Aquí deixamos algunhas mostras do ben que o pasaron hoxe os nosos vigueses e viguesa perdidos por Oxford 🙂
Por certo!! Lembrádesvos da anécdota da vaca de fai uns días? Agora xa podemos facer as presentacións oficiais!
Hoxe o día remata cedo xa que mañá temos excursión, xa vos contaremos como foi!
Se estades lendo este blog, as monitoras agradeceríamos moitísimo que nos deixárades algún comentario para saber que estades ao outro lado da pantalliña seguindo todos os nosos pasos 🙂
Boas noites! Biquiños 🙂

HEADINGTON – 26/09 – Open Day at Cheney School + Debate

Boas tardes, Familias!

Hoxe saíu o sol en Headington e polo menos xa non nos mollamos de camiño ao instituto. Ademais, o tráfico aquí lévase moito mellor sen chuvia.. Que vos vamos a contar que non saibades sendo de Vigo!
Hoxe tivemos o día de Portas Abertas no Cheney School. Chegamos todos puntualísimos e comezamos as clases. Unha vez rematado o descanso para comer, a iso das 13hrs, pedíronlle aos nosos estudantes se podían axudar a preparar uns libriños con información do cole. Estes repartiríanselles aos pais e nais que viñeran visitar o instituto no día de hoxe. Prepararon unha cadea e….. A traballar!!
Como ata ás 15.30 non chegaban os compis do St Gregory, deixáronnos o Dance Hall e dispuxeron mesas de table tennis. Alí estivemos pasando o rato, uns xogando, outros bailando, outros quitando zapatos e escapando…
Cando chegou o grupo do St Gregory (pedimos un aplauso porque sempre teñen que vir ata aquí), comenzamos a actividade programada para hoxe: debating. Hoxe tivemos unha invitada, Tessa, unha alumna madrileña que está nun programa de integración tamén, pero durante 11 semanas!
A actividade tiña dúas partes. Na primeira, a clase estaba dividida en dous grupos e xogaron ao Taboo. Un voluntario de cada grupo tiña que situarse no frente da clase. Juliette ensinaba unha palabra ao resto (menos ao voluntario) e tiñan que intentar explicar esa palabra para que a persoa que non a vía a adiviñara. Ademais, dúas controladoras tiñan que calcular os puntos e asegurarse de que non se pasaban de tempo. Senón, tiñan un botón/alarma que facían soar cando remataba o tempo.
Para a segunda parte, estaban divididos en grupos máis pequenos e así levar a cabo un debate sobre temas de actualidade. O primeiro que se debatiu foi o uso dos móbiles na clase e o segundo a pena de morte. Juliette asignou certos roles, para que uns estivesen sempre a favor e outros sempre en contra (aínda que despois lles pedía que deran a súa verdadeira opinión).
Sabedes que? Mañá xa é venres! E iso significa que despois da escola teremos tarde libre!! Así que mañá xa vos contaremos como foi 🙂
Boas noites! Biquiños 🙂