Bos días dende a nosa chuviosa Irlanda.
As nosas alumnas e alumnos comezaron as clases o pasado venres, onde puideron coñecer as instalacións do centro cos seus respectivos buddies e adaptarse ao horario lectivo.
Aquí os vemos relacionandose cos seus novos compañeiros:
Pola tarde, exploramos Mitchelstown con Jamie, o noso monitor irlandés, e chegamos ao pozo de Fanahans, lugar de adoración dos antigos habitantes de Irlanda antes da chegada da relixión católica.
Debido á súa ubicación (crúzanse tres ríos neste pozo) celtas e católicos considerárono un lugar espiritual.
As vacas irlandesas tamén querían saír na nosa foto:
O sábado día 23 visitamos o parque natural de Killarney, onde camiñamos á beira do lago ata chegar a unha fervenza.
Antes de comer, a chuvia recibiunos e tivemos que deixar o parque para dirixirnos á vila de Killarney. Puidemos experimentar un auténtico día irlandés explorando as súas rúas e facendo compras no shopping centre.
Este domingo descansaremos coas nosas familias para estar ao 100% na nosa visita a Cork o próximo luns.
Bicos dende Mitchelstown!!!