Bos días familias!

Último día de aulas, de Costessey, de Norwich, de Buddies… Ais, que día o de hoxe!

O día comezou xa dun xeito especial, xa que Enrique estaba de aniversario! Así que como non puido ser menos, mercamos unha torta e cantamos o seu correspondente Cumpleaños Feliz e Happy Birthday, e como xa nos emocionamos, até puxemos velas nas albóndigas!

Despois dunha mañá de aulas acercáronse dous membros do Concello e un de Newlink, a organización que nos trouxo aquí, e tras unhas palabras comezou a despedida oficial. Para comezar, leron unhas palabras Enrique, Andrea, Jordi e Irene sobre a súa experiencia tanto no instituto como en Norwich.

E despois diso comezou a entrega de certificados para os rapaces e os seus buddies. E unha vez rematado todo isto? Festa! Comemos, bailamos, bebemos refrescos e sacamos as últimas fotos.

Norwich e Ormiston Victory Academy, grazas por acollernos a todos así de ben. Nais e pais, parabéns polos fillos, que se portaron xenial e foi un verdadeiro pracer coñecelos a todos e pasar estas tres semanas con eles. E rapaces, se algún de vós o le, obrigadísima pola experiencia.

Unha aperta e que todo vos vaia ben.

Bos días a todos!

Estamos a luns, e despois do noso último fin de semana e tras a xenial viaxe a Londres tocou voltar ás aulas e á rotina. Despois dunha mañá do máis produtiva saímos cara  a cidade para unha visita ao Concello da nosa cidade adoptiva. Alí, tras coñecer un par de datos curiosos sobre o edificio como o feito de que nel está o balcón máis grande de toda Gran Bretaña (alucinante, a que si?) poidemos entrar ao edificio e entrar ao salón de plenos e a donde se toman ‘as decisións importantes’.

Despois disto poidemos coñecer á alcaldesa que foi un encanto e moi moi simpática e non dubidou en sacar mil fotos connosco e deixarnos probar e ver tanto o traxe ceremonial como a súa cadea de ouro.

Unha vez rematada a visita e coas nosas fotos de recordo de volta para a casa, que mañá vai ser un día do máis canso e emocionante. Porque agora, sí que si, isto acábase!

Bo día familias!

Estamos a un paso do que será o noso último fin de semana nesta cidade e desta experiencia, así que intentamos aproveitar cada minuto do que dispoñemos… Mais non imos poñernos tristes! Que o que importa é que foi (e está a ser) unha experiencia marabillosa!

Hoxe tivemos unha mañá máis de aulas, e ao rematar saímos cara a cidade para poder gozar dunha tarde de xogos e deporte. E menos mal que non os fixemos no cole! Que xa estamos coñecendo de primeira man o que é o tempo inglés…

Unha vez alí, dividímonos en dous grupos, xa que sendo 25 é bastante complicado podermos xogar todos xuntos… Entón, o que fixemos foi, uns xogaban primeiro ao bádminton e outros ao baloncesto e despois mudábamos a orde. E unha vez rematados, todos para casa, que había que descansar abondo para o día de mañá, xa que saímos nada menos que ás 7 da mañá para ir a Londres! Pero de seguro que vale a pena.

Mañá máis e mellor!! Podéis ver todas las fotos en la galería de imágenes de Newlink.

Bos días!

Estamos a xoves, e xa se comeza a notar que cada vez vai quedando menos. Hoxe tivemos unha visita á outra catedral de Norwich, a de San Xoán Bautista.

A Catedral é un edificio fermosísimo, cuns xardíns que se prestaron a mar de ben para sacar unhas fotos de grupo, que aínda que estaba escuro o tempo aguantounos un pouquiño…

E así, despois de unha mañá de aulas, e unha tarde de visita cultural pasamos un dos nosos últimos días no Reino Unido. Mañá volveremos con unha tarde de deportes e pasado, a tan esperada visita a Londres.

Até xa!

Bo día a todos!

Hoxe si que estamos oficialmente na nosa última semana, así que despois de estar toda a mañá no instituto pasamos no centro tamén a tarde. Iso si, xa ao aire libre e e sen clases!

Ao igual que na semana pasada, houbo un grupo que preferiu xogar ao fútbol con algún compañeiro inglés e o outro grupo neste caso puido asistir a unha clase de Zumba coa nosa monitora Silvia.

Para moitas era a primeira vez, e saíron encantadas da experiencia, e iso que ao comezo houbo algún que outro problema co son, pero ao final puidemos realizar unha clase completa sen máis problemas.

E así foi como pasamos o noso último mércores no instituto, xogando e divertíndonos. Mañá volveremos con máis novidades,
Stay tuned!

Podéis ver todas las fotos en la galería de imágenes de Newlink.

Bos días familias!

Chegou o día máis esperado da semana! O día de irmos de festa cos nosos compañeiros, buddies e novos amigos do instituto. Mais o primeiro é o primeiro, e neste caso é unha mañá de clase. Iso si, este día fíxose levadeiro, xa que tiñamos unha tarde do máis completa.

Ás 4 da tarde máis ou menos chegamos á boleira, onde puidemos xogar unha partida e co tempo que nos sobrou, aproveitamos para aproveitar as instalacións e xogar unhas partidas ao hockey de mesa, ou ao billar entre outros.

Iso si, unha vez rematado o tempo, correndo para casa para arranxarnos e cear que ás 19.30 tiñamos que estar listos e na discoteca The Talk.

Alí puidemos pasarmos dúas horas e media bailando éxitos tan memorables como a Macarena, o Aserejé ou máis cancións míticas, aínda que para ser xustos tamén tivemos moita música actual coa que pasamos moi boa noite. E así demos fin á que foi a última noite de discoteca da viaxe… Xa se nos nota a morriña na voz e aínda non rematou, verdade? Haberá que aproveitar o máximo posible estes últimos días!

Saúdos dende Costessey! Podéis ver todas las fotos en la galería de imágenes de Newlink.

Hi there!

Tras pasarmos o domingo coas familias e compañeiros, demos a benvida á recta final da nosa experiencia en Costessey.

Nesta mañá de aulas decidimos colarnos nunha de Perf Arts para deleitarvos con unhas fotografías dos vosos fillos ‘bailando’ ballet. A moitos sabemos que lle gusta pero outros… digamos que fan o que poden!

Unha vez rematadas as clases, saímos cara a cidade para realizar un pequeno concurso en The English Experience, que é a compañía coa que estamos no Reino Unido. Alí viñeron os nosos compañeiros de Norwich e contestamos a unhas preguntas sobre cultura xeral inglesa e vocabulario.
Iso si, mañá será o día grande, xa que temos Disco e Boleira, así que seguide atentos… E ata mañá!

Podéis ver todas las fotos en la galería de imágenes de Newlink.

Ola a todos!

Despois de pasarmos o día de onte cos nosos compañeiros e sabendo que mañá tamén teremos o día máis ou menos libre, aproveitamos para facer un tour pola parte máis antiga e fermosa.

Aproveitamos para ir sacando mil fotos, xa que aínda que non o pareza, esta aventura xa está rematando… A visita levounos por moitos dos edificios históricos con visita á Catedral de Norwich, alí tivemos que facer un pequeno ‘quiz’ onde aprendemos máis sobre o edificio.

Á saída, aproveitamos para tomar o ‘lunch’ nos arredores da catedral, que como facía bo tempo apetecía comer ao aire libre… Seguido disto, demos un paseo pola ribeira con un par de horas para ir de compras ou simplemente tomar algo cos amigos. Mañá teremos o día libre, mais o luns volveremos con un ‘quiz’ en The English Experience cos compañeiros de outro grupo.

Un saúdo e ata luns! Podéis ver todas las fotos en la galería de imágenes de Newlink.

Ola desde Costessey!

Xa estamos a xoves, e xa se vai notando a cousa… Mañá teremos a tarde libre para poder pasala cos nosos amigos pola cidade, mais hoxe toca actividade!

Sobre as 3 da tarde, hora xa habitual para as actividades de tarde, encontrámonos no Forum onde nos deron unhas follas para cumprimentar con datos curiosos sobre a cidade que tiñamos que procurar polos paneis informativos ou preguntándolle a xente da rúa (así aproveitamos para practicar o inglés tamén) e o que máis respostas tivese e máis cedo chegase gañaba… chocolate! Mais como sempre, o importante non é o premio, senón o ben que o pase un coa actividade.

A foto dos gañadores:

Agora si, despedímonos até o sábado coa excursión polo Norwich medieval. Un saúdo a todos!

Bo día a todos!

Hoxe dou fe de que a maioría de nós veu bastante máis canso que o resto dos días ao instituto, máis con 15 anos se non se aguanta unha noite de baile cos amigos, a ver cando!

Despois de unha mañá de clases e de poñernos ao día cos nosos compañeiros do instituto sobre a noite de onte, dirixímonos ao centro para pasarmos unha tarde de xogos.

Alí puidemos xogar ao billar, tocar a batería, xogar ao ping-pong, futbolín ou mesmo sumerxernos nunha piscina de bolas (15 anos si, pero a ver quen se resiste!).

Despois de dúas horas saímos dirección ás nosas respectivas casas para unha boa cea e descansar, que despois de onte, facía boa falta!

Podéis ver todas las fotos en la galería de imágenes de Newlink.