HI FAMILIES!

Hoxe foi o noso último día en Norwich e iso significou despedidas, agasallos, algunha que outra bágoa, apertas colectivas e corazóns moi cheos de experiencias!

Pola mañá acudimos a Ormiston Victory Academy para as clases habituais: Science, Maths, P.E., Chinese, Arts, etc.

En clase de chino mandarín

Ao finalizaren as clases o noso grupo, xunto cos seus buddies puxéronse para unha foto grupal nunha das escaleiras da academia. Hai que ver cantos rapaces e rapazas estiveron xuntos estes días!

Martín e Marta tristes por ter que marchar de Ormiston!

As monitoras con Mar, facendo un BeReal, con Marta e Martín ao outro lado

Paula emocionouse moito cando nos despedimos todos dos buddies!

Antes de marchar de camiño a Norwich, entre Spanish e English students houbo un intercambio de apertas, regaliños, selfies, bágoas e moitas risas. Estaban todos e todas moi felices de poder vivir esta experiencia!

Apertas e máis apertas!

Agasallo que nos outorgaron en Ormiston Victory Academy. Foron amables e atentos en todo momento dende que chegamos!

Logo, voltamos no autobús para Norwich e alí, en The English Experience School, felicitáronos polo marabilloso traballo e comportamento destas tres semanas. Tamén lles outorgaron o certificado no que figura o programa de inmersión que veñen de realizar.

Entrega de diplomas en The English Experience School

Ao finalizar a entrega dos diplomas, dende a organización da escola de inglés, agasallaron aos estudantes con donuts recheos de distintos sabores. Unha delicia!!

Finalmente despedímonos da nosa local guide Ellen, que foi marabillosa e todos a imos botar de menos!

Tamén nós nos despedimos do noso grupiño ata hoxe á madrugada que comecemos a nosa viaxe de retorno a Vigo.

Martín e as dúas Sofías pillados in fraganti mercando cousiñas para a viaxe!

Franko coa súa host family pasando a última noite mentres o seu host dad e Pablo xa durmían!

Hoxe poñemos fin a tres semanas coñecendo e vivindo o día a día con estes rapaces e rapazas incríbles, cada un á súa maneira, pero marabillosos a fin de contas! Non podíamos pedir un grupo mellor.

Agardamos que tamén eles se sentiran cómodos e contentos de ternos coma as súas group leaders!

Agora tan só falta pechar as maletas, durmir un pouquiño e en nada estamos voando cara Vigo!

Good night everyone! See you very soon!

Alaska e Lara

Hi families!!!

Onte tivemos a nosa derradeira excursión e fumos a LONDRES!!

Xa tíñamos moitas ganas de ir e ademais coincidiunos un día de sol fantástico para gozar desta buliciosa cidade!

No bus de camiño á Londres!

Tivemos que érguenos cedo e poñernos en camiño pero mereceu a pena logo de todo o que vimos: St. Jame’s Park (onde vimos moitos esquíos, que nos namoraron a todos!), London Eye, Big Ben, Houses of Parliaments, Buckingham Palace e Westminster Abbey que é a igrexa máis longa do Reino Unido e na que se coroaron a maioría dos Reis e Raíñas do país, así como onde case todos están soterrados tamén.

Así amencía en Londres!

Martín no muro en conmemoración ás victimas de Covid

Camiñando por St Jame’s Park

Coa nosa local guide, Ellen, á cabeza

De camiño á Picadilly Circus

O Big Ben, un dos spots máis emblemáticos de Londres. Foto de Bruno

Paula e Houses of Parliament ao fondo

Paula e Ricardo posando cun dos cabalos da Garda Real (tiveron medo de que lles mordera pero era moi boíño!)

Entrando en Buckingham Palace

Victoria Memorial, foto de Natalia

Foto de Natalia en St Jame’s Park

Foto de Natalia

Unha vez chegamos a Picadilly Circus, a rapazada tivo tempo libre para explorar as áreas colindantes: Chinatown, Soho, Trafalgar Square, etc.

Pásarono xenial e mercaron recordos para levar como agasallos ás familias.

Marta e Mar cos seus osiños Paddington

Martín, logo de facer uns 20 minutos de cola, entrou á tenda de LEGO!

Ismael logo de mercar na tenda de M&M’s World London

Julián, Paula e Bruno probando os tés e chocolates en Whittard

Bruno, Paula e Julián fronte á Main Gate de Chinatown

Mentres agardábamos polo bus de volta a Norwich

Finalmente regresamos á Norwich, onde nos agardaban as familias.

Hoxe é día libre en familia. Cada un e unha deles aproveitarán para descansar e para saír a dar unha voltiña por Norwich, que é Halloween e, de seguro, verán xente disfrazada, como tamén vimos onde en Londres!

Mañá voltamos á Ormiston Victory Academy xa que o half term rematou. Deste xeito poderán reincorporarse ás distintas aulas cos seus buddies! Teñen moitas ganas! Encántalles o ambiente do high school!

Todo o grupiño fronte a Buckingham Palace! (Ata vimos como se movían os gardas!)
💂

See you soon,

Alaska e Lara

Hi families!

Hoxe era o día no que, seguindo o planning, coñeceríamos ao Lord Mayor e a Sheriff de Norwich pero non puido realizarse este encontro debido a compromisos laborais dos mesmos.

Deunos mágoa non poder cumprir co establecido pero a alternativa tamén foi xenial: saímos de excursión cara Great Yarmouth!!

Chegando a Norwich Train Station!

Chegando a Great Yarmouth!

Saímos e chegamos cediño pola maña polo que aínda non había moitas tendas e comercios abertos pero os rapaces buliron axiña para os recreativos.

Entre os arcades e o fútbol, este grupiño nunca se aburre!

Todos contentos logo de que o propietario dos Arcade lles fixera unha rebaixiña nalgúns premios!

Mentres, outros preferiron pasear polo sea side, aproveitando a marabillosa mañá de sol que houbo!

Paula paseando pola costa

Bruno dando un paseo polas augas do Mar do Norte

Tamén, en canto abriron, foron a curiosear polos distintos postos de souvenirs, roupa e comida.

Houbo quen tamén decidiu ir ver como se elaboran os famosos Yarmouth Rocks, uns caramelos con distintos sabores; ou dar un paseo aéreo na noria, disfrutando dunhas vistas inmellorables!!

Fotografía de Franko dende a noria

Fotografía de Franko, precioso reflexo do sol na auga!

Fotografía de Franko dende a noria, vistas á cidade

Fotografía de Franko dende a noria

Aquí puidemos ver como se lle da forma aos famosos Yarmouth Rocks!

Yarmouth Rocks

Logo de pasar a mañá por este pobo costeiro tan encantador, volvimos á estación de tren para tomar o camiño de volta cara Norwich. Aínda tiveron un chisco de tempo libre e logo foron ás English lessons coas súas profesoras Ellen e Lauren.

Hoxe foi un día moi entretido para todos nós! Mañá máis e mellor!

See you soon!

Alaska e Lara 🤍

Hi families!

Hoxe comeza o half term, que consiste nunha semana de vacacións dentro do período escolar. Por este motivo, toda esta semana non asistiremos a Ormiston Victory Academy pero continuaremos coas clases de inglés en The English Experience School, que é a nosa axencia aquí en Norwich.

Al longo desta semana realizaremos ás actividades pola mañá e teremos as clases de inglés pola tarde.

Algúns rapaces no ascensor de Castel Quarter, o centro comercial

Hoxe fumos ver ao cine a nova película de DC, do superheroe “Black Adam“. Unha película cargada de efectos visuais e sonoros. Encantoulles!

Despois tivemos clases de inglés, de 14h a 17h con break entre elas. O grupo dividiuse en dous e foron para distintas aulas coas profesoras Ellen e Lauren.

Tamén repartimos os premios aos gañadores do City Search que realizamos a semana pasada. Houbo empate entre a parella de Pablo Méndez e Bruno (con 14 puntos pero chegaron dentro do tempo permitido) e a de Jorge e Tomás (tamén con 14 puntos pero chegaron logo de que rematara o tempo).

Finalmente tiveron un pouco de tempo libre ata á hora de chegar á casa.

See you soon!

Alaska & Lara 🤍

Hi families! IT’S FRIDAY!

Hoxe concluimos a nosa primeira semana de clases e non puido ser mellor. O noso grupiño está a recibir eloxios dos profesores pola súa participación, coñecementos e forma de ser tan proactiva! Estamos encantadas!

Ao longo da maña acompañaron aos seus buddies ás distintas aulas e algúns tiveron Photography ou Biology mentres que outras foron a PE ou a unha asignatura de preparación para a vida, sobre valores éticos e cívicos.

Franko e unhas compañeiras en clase de Photography

Exame de Tiago

Tamén hai quen foi a Technology e mesmo a unha charla sobre cans de carreiras. Charla na que, por certo, puideron acariñar a dous galgos preciosos.

Logo de voltar a Norwich, quedamos con Ellen en Forum.

Dende alí explicamoslles a actividade da tarde, que consistiu nun city search. E que é isto do city search? Pois veredes, divididos por parellas tiveron que ir buscando respostas a preguntas sobre a historia e lugares da cidade.

Ellen explicándolles en que consistía o city search

Houbo que tivo quen correr para completar as máximas preguntas posible no tempo que tiñan. E outras tamén se serviron do “comodín do público” preguntándolle aos transeúntes!

Algúns dos cuestionarios do city search

Pablo e Bruno co seu city search, conseguiron responder moitas preguntas!

Ao quedar o contador a cero, o grupo voltou ao meeting point e Ellen recolleu todos os folios. O luns saberemos quen é a parella gañadora!! 🏆

Bruno e Nerea probando o chai latte, toda unha moda en UK

Ricardo mercou isto que lle deixou a boca azul!

The sunglasses team!

Finalmente tiveron tempo libre ata que voltaron ás súas casas e arestora están rematando os preparativos para ir mañá de visita a … CAMBRIDGE!! 🏛️

A cea que nos envía Franko! It looks tasty!

Xa temos moitas ganas de camiñar por esta cidade con tanta historia e parece que o tempo vai acompañar cunhas raiolas de sol e unha agradable temperatura (o que aquí lle chaman indian summer).

See you soon!

Alaska & Lara 🤍

HI FAMILIES!!

Onte deu comezo o programa de VIGO EN INGLÉS! Nas vindeiras tres semanas iremos dando conta de todo canto fan os nosos alumnos e alumnas en Norwich e en Ormiston Academy.

Pola mañá, antes de facturar, coñecímonos todos e logo de pasar o control de seguridade, sen maiores complicacións, fixemos esta foto grupal, xusto na porta do noso primeiro voo, a Madrid.

Unha vez chegamos á Terminal 4, trasladámonos á T4s para o noso segundo voo do día: off to London!

Antes de subir a este segundo avión, os mozos e mozas tiveron tempo libre para poder ir mercar algo de comer.

Á nosa chegada a Londres, logo de recoller as nosas maletas dirixímonos ao autobús que nos levou ata Norwich. Esta viaxe foi algo pesada xa que son unhas 3 horas e pico de camiño, aínda que as pasaron falando e comentado todas aquelas experiencias que lles gustarían vivir nestas tres semanas.

Unha vez saimos xa estaban as host families agardando por todos nós; de xeito que cada parella de alumnos foi coa súa familia.

Foto tomada por Nerea antes de tocar terra no aeroporto de Heathrow. Lovely shot!

Lauren, a persoa encargada dende The English Experience, que nos veu recoller ao aeroporto.

Road to Norwich!

Onte foi un día longo para todos pero a ilusión por esta experiencia está intacta!

Hoxe, sábado 15, dispoñen de todo o día para desfacer maletas, coñecer ás súas host families e ir de paseo, aproveitando o bo tempo desta fin de semana en terras inglesas.

Mañá verémonos na Estación de Tren de Norwich para encamiñarnos á nosa primeira excursión. Visitaremos o pobo costeiro de Cromer, enclave moi importante na comarca de Norfolk!

See you soon!

PD: Desculpade a calidade das fotografías mais o blog non permite a resolución real das mesmas, polo que quedan algo pixeladas.