Ola familias, antes de nada pedirvos disculpas porque tiven un pequeno problema coa conexión á rede na casa onde me aloxo e nom puidem contarvos o acontecido na xornada do venres, así que hoxe aproveito pra narrarvos tanto esa xornada como a de
hoxe.
Onte fixeron a proba de nivel encomendada por Newlink. Observei que os resultados non foron mui bos en xeral; quero dicir, que esperaba algo máis de algúns del@s.
Supoño que podedes ver os resultados na páxina do alumn@ en mynewlink.
Ao rematar a xornada lectiva esperávanos un autobús pra conducirnos a Carlow onde, xunto co grupo da escola de alí diriximonos ao concelho, onde nos esperaba o alcalde do lugar.
Os vosos fillos e fillas leron un speech en galego e inglés agradecendo a acollida e o trancurso da estancia e os rapaces e rapazas de Carlow contaron un pouco como era a cidade de Vigo e os seus arredores. Foi un acto mui emotivo.
Recibiron un agasallo de parte do alcalde e un certificado do seu paso polos diferentes colleges.
Asemade tiveron um pouco de tempo libre pola vila antes de subir ao autobús de volta a Castledermot.
Na xornada do sábado fomos a Dublín. A primeira visita foi a Dublinia un museo de tres plantas onde se pode aprender sobre a vida dos viquingos, na planta baixa, a vida no medievo, na segunda planta e na terceira planta pódense atopar restos arqueolóxicos e moitos datos de interés sobre Irlanda.
Acto seguido a leader do plan English Language Ireland, Ana María, guiounos nunha visita pola cidade, onde puidemos ver lugares característicos como: O penny bridge, o monumento á luz, a oficina de correos onde xurdiu a rebelión irlandesa, o temple bar, o parque de Saint Stephen´s Green e a rúa máis transitada e de compras Grafton Street, onde disfrutaron do seu lunch e tempo libre.
A climatoloxía acompañounos e puidemos disfrutar do sol nunha das cidades máis radiantes da vella Europa.
Elisa
