Bós días!

Por aquí estamos tendo uns días intensos!

O venres tivemos por fin a nosa xornada de bowling (bolos), a cal se estivo retrasando por cambios na organización debido ao tempo desta pasada semana, case toda chuviosa.  A algúns déuselles mellor que a outros pero xa podedes ver o ben que o pasamos en xeral. Non era para menos coas ganas que tiñamos do bowling!

Celebrando un pleno!

Por certo! Aquí van os nosos saúdos especiais a Begoña, que nos comentou o outro día!!

Como xa sabedes, o sábado é día de excursión. Esta vez foron aos Cliffs of Moher (Cantís de Moher). É un sitio ao que hai que ir si ou si cando se vén a Irlanda. A verdade é que a paisaxe é espectacular. Os nosos problemas: o tempo no bus máis a choiva/néboa. Ben sabiamos que o viaxe era longo, 3 horas nos dixeron, pero terminaron sendo 4. Por tal motivo só puidemos quedarnos apenas dúas horas. Por outro lado, o tempo atmosférico tampouco nos acompañou demasiado,. Choveunos todo o traxecto e ao chegar alí a néboa era tan intensa que apenas podiamos alcanzar a ver o mar.

Por sorte, na última media hora, a néboa foi desaparecendo e fumos quen de ver os tan famosos cliffs, polo que se pode dicir que finalmente a excursión valeu a pena. Deixámovos  unhas fotiños para que apreciedes a fermosura do lugar (había incluso vacas!).

Facendo un descanso no traxecto

Subidos na torre

Aquí podedes ver a néboa que había ao chegar. Tremenda!

Algúns durmindo no bus, como non!

E xa por último, o domingo! O último día libre da nosa estadía aquí en Dublín!

Neste domingo todos se decantaron por ir a Bray, onde a feira da que xa vos falaramos hai unha semana continuaba e, aínda por riba, había un espectáculo de avións. Parece ser que había un montón de xente, pois houbo problemas todo o día co transporte público que conectaba con Bray. Tanto foi así que se colapsou todo o sistema de trenes de Dublín.  Apareceu incluso nas noticias!

Despois da feira, moitos baixaron ao centro a facer as últimas compras. Esperamos que algúns agasallos dos que mercaron sexan para vós!

Espero que desfrutarades o blog tanto como nós estamos desfrutando aquí. Irémosvos informando de como vai este principio da que é xa a nosa última semana!

Unha aperta grande!

Emma Sánchez Pallares