Dublín 2022- Día 12 – 19/07/22- Disco night

Bós días de novo familias!

Aínda que por aquí seguímolo pasando xenial, onte foi un día un pouco raro. No cole houbo movementos de alumnos a outras clases xa que faltaba un profe. Recibimos diferentes opinións ao respecto aínda que en termos xeráis están contentos. Como nós lles dicimos, máis oportunidades para coñecer xente nova!

Despois chegou a hora da comida. Dende hai moito tempo queriamosvos ensinar o comedor e máis o felices que se ven os rapaces cando teñen comida diante (prometemos que non os estamos matando da fame, é só que lles gusta moito comer). O problema disto é que a comida tamén nos nubla a vista a nós e sempre nos esqueciamos de sacar as fotos. Así que despois de case dúas semanas de esquecementos, aquí están!

Como xa vos contamos onte, as actividades de despois de comer relacionadas con deportes e artes son luns e mércores. Pola contra, o tempo non era o apropiado para a actividade que tiñamos preparada para onte, un tour guiado polo centro da cidade, e tivemos que intercambiar os plans entre o martes e o mércores. É dicir, o tour que iamos facer onte pasa para hoxe, e as actividades deportivas e artísticas do mércores tocaron onte.

Desta vez, por estar chovendo, tiveron que ser indoor activities, é dicir, actividades no interior.

En deporte houbo dodge ball (brilé) e basketball (baloncesto).

Houbo un pouco de artes coma sempre

E como novidade e por culpa da choiva tamén tivemos board games (xogos de mesa).

Incluso nós nos unimos ao xogo!

Ata aquí, o blog coma sempre. Agora ven o que realmente vos queriamos ensinar… A disco!!! Temos que dicir que nos costou un pouco arrincar a bailar, xa que estaban un pouco vergoñentos ao comezo e a música, por ter que adaptarse a moitos países, non foi en moitos casos a que nos gustaría. Incluso lle demos ao DJ unha lista de cancións para que nos pinchase… pero non houbo sorte…

Aquí temos a Mírian facendo a lista

Eso sí!!  Unha Macarena e unha conga caeron (ainda que da conga non temos fotos por mor de tanto movemento)

Deixámosvos unha chea fotos para que vexades o ben que o pasamos. Desfrutádeas!

Por certo, mandamos máis saúdos a Mariluz que sabemos que nos segue dende preto. Nos nos esquecemos de ti Begoña! Xa lemos o teu comentario! Mañá tocan os teus!

Xa sabedes pais e nais! A comentar! Con esta foto despedímonos. Unha aperta!

avatar

Emma Sánchez Pallares

Deja un comentario

Tu dirección de correo electrónico no será publicada. Los campos obligatorios están marcados con *