Bo día familias!
Este sábado tocounos coñecer á monitora local, Kerdal, unha persoa fantástica que nos guiou por Londres para ver os distintos lugares que nos tocaban. A primeira parada foron o Science Museum e o V&A, onde os rapaces tiveron unha hora libre para visitar o museo da súa elección:
Despois dos museos visitamos Knightsbridge, unha das áreas comerciais de máis prestixio de Londres, onde se atopa tamén Harrods, unha tenda estilo Corte Inglés pero de marcas de luxo, alí chegamos a ver unha xirafa de peluche por valor de £4000 ou colares de £15000. Por último visitamos o centro comercial máis grande de Europa, Westfield.
Este luns tocounos visitar o Buckingham Palace e o St. James Park, unha zona que xa algúns visitaran no seu tempo libre.
Ata a próxima familias!
